Alfoz
Durante este mes de agosto calquera pode ter a oportunidade de gañar un premio en Alfoz.
Participar é moi fácil. As persoas interesas so deberán seguir a @TURISMOALFOZ, comentar e deixar un me gusta na publicación sobre o xogo e mandar unha fotografía do “Casteloo da Frouseira” ao correo turismo@concellodealfoz.com. O autor ou autora da mellor fotografía será agasallado cun premio sorpresa.
Para obter máis información, poderase chamar á oficina de turismo no número 982 55 85 78 en horario de 16:00 a 20:00 horas os venres, sábados e domingos e de 11:00 a 14:00 horas os sábados e domingos.
O Concello de Alfoz convida a todos e todas a participar neste magnífico xogo turístico.
A Xunta apoia a Festa dos Chóferes de Alfoz, que se celebra esta fin de semana – do venres 2 ao domingo 4 de agosto - organizada un ano máis pola asociación cultural e xuvenil O Castelo.
O delegado territorial de Lugo, Javier Arias, participou na presentación das actividades, que comezan mañá venres a partir das 23,00 horas coa actuación da orquestra New York e unha discoteca móbil. O sábado as formacións Stéreo e Miramar tocarán nas verbenas que haberá pola mañá e pola noite. Pola tarde o campo a festa acollerá xogos populares.
Por último, o domingo día 4 terá lugar a tradicional procesión de vehículos polas parroquias de Alfoz – 11,00 horas - ; e haberá animación musical co grupo Montreal, entre outras actividades.
A parroquia de Carballido, en Alfoz, celebrará as súas tradicionais festas ha honra de San Roque do 16 ao 18 de agosto.
O venres, 16 de agosto, a partir das 13:30 horas haberá misa, procesión e sesión vermú co Dúo Belinda. Pola noite, o Grupo Claxon poñerá ritmo á verbena.
O sábado, 17 de agosto, a partir das 13:30 horas, terá lugar a misa, procesión e sesión vermú esta vez a cargo do Grupo Montreal. O día rematará cunha verbena protagonizada pola actuación de DJ Balbin.
O domingo, 18 de agosto, a partir das 21:00 horas está programada unha gran churrascada seguida dunha verbena coa Orquestra Los Satélites e Discomóvil Conxuro porán o peche perfecto a esta festividade.
Os días 2,3 e 4 de agosto Alfoz celebra a tradicional Festa dos Chófers. Durante tres días os asistentes poderán gozar dunha ampla variedade de actividades, música e celebracións.
O venres, 2 de agosto, a partir das 23:00 horas comezará a verbena coa discoteca móbil Eventec e a orquesta New York.
O sábado, 3 de agosto, ás 13:00 horas, terá lugar a misa solemne, seguida da sesión vermú coa orquesta Stereo. A partir das 23:00 horas a festa contará coas actuacións das orquestras Stereo e Miramar.
O domingo, 4 de agosto, ás 11:00 celebrarase a procesión de vehículos polas parroquias do concello. Ás 13:00 horas haberá misa seguida pola bendición de vehículos, con premios para os mellores de cada categoría. Posteriormente, terá lugar a sesión vermú co grupo Montreal e, para rematar, a verbena...
leer más
A asociación de Veciños de San Vicente de Lagoa, en colaboración co Concello de Alfoz, a Deputación de Lugo e a Xunta de Galicia, organiza a celebración da feira e festas homenaxeando a Santa Ana e Santiago Apóstolo os días 24 e 25 de xullo.
O mércores, día 24, a celebración comezará ás 21:00 horas cunha gran sardiñada, torrezmada e chourizada seguido de festa verbena coa Orquestra Salsarena e o Trío Merengue.
O xoves, 25 de xullo, ás 13:00 horas terá lugar a misa solemne e a procesión. Ademais, os asistentes poderán desfrutar da sesión vermú amenizada pola Banda de Música de Lourenzá e o Dúo Élite. Máis tarde ás 20:00 horas, o grupo teatral Os pícaros de Lagoa representarán no recinto da festa unha obra de teatro. Ás 22:00 horas o Dúo Élite volverá para pechar coa súa actuación esta xornada de celebración.
... leer más
Xa está nas librarías Nove lúas, a novela de Lionel Rexes distinguida co Premio Neira Vilas o pasado ano. Publicada por Edicións Embora, esta obra supón a terceira novela do escritor alfocés tras A raíña das velutinas e A montaña do poeta, ambas lanzadas por Xerais en 2017 e 2022 respectivamente.
O xurado do certame literario destacou, á hora de escoller este texto “a fondura psicolóxica no tratamento dos personaxes e a súa fascinante maneira de enfrontar os desafíos dunha realidade desacougante”.
Nove lúas podería encadrarse no xénero do thriller, xa que unha infinidade de misterios van tecendo a narración até desembocar nun labirinto de dilemas morais, inesperados xiros da trama e conflitos éticos.
Impregna o argumento un factor constante que se podería denominar xogo de sombras,...
leer más
O salón de actos da Casa da Cultura de Alfoz acolle un faladoiro co escritor Miqui Otero este mércores, día 17 de xullo, ás 19:30 horas.
É unha actividade organizada polo Club de Lectura da Biblioteca Pública de Alfoz, que vén de ler recentemente o seu último libro, titulado Orquesta, “unha novela rural clásica, ambientada nunha verbena que ben podería ser calquera das do noso concello”, explica o Concello de Alfoz, que engade: “se aínda non o liches está dispoñible na nosa biblioteca, non perdades a oportunidade de coñecer ao seu autor e de falar con el sobre a súa visión acerca desta nova novela”.
“Co obxectivo de mellorar os servizos á cidadanía e aproveitar ao máximo os recursos dispoñibles”, o Concello de Alfoz anuncia que ofrecerá un curso de natación de forma gratuíta, que comezará o próximo 15 de xullo, e explica que “esta iniciativa está deseñada para proporcionar unha oportunidade de aprendizaxe e lecer tanto aos nenos e nenas como ao público xeral, destacando como unha das principais melloras e novidades deste verán”.
Os nenos e nenas que son usuarias de Ludiverán Alfoz poderán participar no curso de natación de 11:30 horas a 14:00 horas, integrando esta actividade nas súas xornadas de verán. Pola tarde o curso estará dispoñible para o público xeral interesado, que poderá achegarse á piscina municipal de 16:00 a 18:00 horas.
Dende a área de Educación, Igualdade e Participación do Concello de Alfoz...
leer más
Os días 19 e 20 de xullo Alfoz celebrará a XXIV edición do seu Mercado Medieval, transportando aos asistentes ao ano 1483 con todo tipo de actividades.
A noite do 19 de xullo ou noite da véspera dará comezo ás 21:00 co acendido do lume de Cerna da Historia, anunciando a chegada do Mariscal. Ás 22:15 haberá danzas medievais, seguidas por confesións co bispo Don Fadrique de Guzmán. Á media noite, unha queimada e conxuro transportarán aos presentes ao medievo, culminando a noite coa música de Tumba e Dalle.
O sábado 20 de xullo comezará ás 11:00 cunha visita guiada para coñecer Alfoz a cargo de Ana Pena. Despois, ás 11:45 horas a xornalista de Televisión Española Ana Lorenzo dará o pregón, seguido da inscrición do seu nome na Lousa das Palabras. Durante a xornada haberá nomeamentos, teatro de títeres, exhibicións de...
leer másSan Pedro de Mor, en Alfoz, celebra o día do Carme con actividades variadas os días 14 e 16 de xullo
A Asociación alfocense de veciños e veciñas de San Pedro de Mor organiza unha serie de eventos para celebrar o Carme o domingo 14 de xullo e o martes 16 de xullo.
O día 14 comezará cunha misa solemne para honrar a festividade. Máis tarde, os asistentes poderán gozar dunha agradable sesión vermú a cargo do dúo Epok. Ás 15 horas haberá unha comida campestre composta de paella, costela asada, postre, bebida e café servida polo catering Chao da Brea. O prezo é de 25 euros por persoa e 13 euros para nenos de 6 a 10 anos. Os menores de 6 anos comerán gratis. Pola tarde, haberá sesión co dúo Epok e actividades gratuítas para os máis pequenos. Como novidade, este ano a celebración contará cunha carpa para maior comodidade dos alí presentes.
O día 16 terán lugar dúas misas para celebrar o día do Carme ás 10 e ás 13 horas....
leer más