Cervo
24/03/2015
O Concello de Cervo presentou hoxe unha das actividades incluídas dentro do XII Encontro de Palilleiras, como é a exposición “Coas nosas mans” que se vén ofrecendo todos os anos. Unha mostra que se vai inaugurar este venres ás 17 h. na Casa da Cultura e que nesta edición conta con novidades. Unha das principais é a colaboración do artista local Tino Soto, que elaborou varios debuxos que se van integrar na exposición. Trátase de bustos femininos nos que se colocarán anacos de encaixe elaborados por diferentes agrupacións.
Hai que dicir que o ano pasado o Concello iniciara unha nova iniciativa pedindo colaboración ás asociacións e agrupacións que acoden ao Encontro para que participasen na exposición cedendo pequenas pezas de encaixe. Uns anacos que agora serán exhibidos...
leer más 24/03/2015
A Asociación de Veciños do Burgo de Trasbar, en Cervo, organiza un maratón de tute. Será no local social de Trasbar o vindeiro 18 de abril ás 17:00 horas. O prezo da inscrición é de 35 euros por persoas, cea incluída. As persoas interesadas poden anotarse nos seguintes números de teléfono: 625 081 637 ou 605 158 373 e tamén na dirección de correo electrónico burgodetrasbar@yahoo.es
Os premios por parellas son os seguintes: a 1ª parella clasificada levará 500 euros máis trofeo; a 2ª obterá 300 euros; a 3ª gañará 200 euros e a 4ª parella clasificada obterá 100 euros.
No caso da 1ª repesca os gañadores levarán 200 euros e os segundos clasificados obterán 150 euros. E na 2ª repesca a primeira...
leer más 13/03/2015
O Concello de Cervo e os establecementos participantes presentaron hoxe o cartel e o programa da XXIV Festa do Ourizo que se celebra en San Ciprián o sábado 21 de marzo. Un acto ao que asistiron o alcalde, Alfonso Villares, a edil de Turismo, Begoña Alonso, e representantes dos bares e restaurantes onde, durante todo o día, cada un deles ofrecerá as súas especialidades de ourizo, dende as preparacións máis tradicionais ata as máis innovadoras.
De feito, a degustación en bares e restaurantes é a base desta festa de Interese Turístico Galego, na que os cociñeiros locais van renovando a súa carta, ofrecendo cada ano novas elaboracións, sempre co ourizo como ingrediente principal. Os establecementos participantes son: Pizzería A Sombriza, Cervexería O Encontro, Restaurante...
leer más 12/03/2015
O Concello de Cervo deu hoxe a coñecer a segunda edición da Universidade Aberta de Cervo “A Universidade que nos agarda” ao alumnado de 2º de Bacharelato do IES Marqués de Sargadelos. Unha iniciativa que este ano vaise desenvolver o 18 de abril e na que doutores e investigadores ofrecerán información de utilidade a todas as persoas que estean interesadas en coñecer o mundo universitario.
Nesta ocasión, o Concello decidiu presentar esta iniciativa a un dos colectivos aos que van dirixidas as xornadas, os estudantes do último curso de Bacharelato, aínda que tamén pode ser proveitoso para os de 1º de Bacharelato, os estudantes de ciclos ou mesmo os de ESO, sen esquecer que está aberto a toda a poboación en xeral. Un acto no que participaron o alcalde, Alfonso Villares, a...
leer más 11/03/2015
O Concello de Cervo presentou hoxe o cartel e os detalles do desfile de moda que terá lugar no XII Encontro de Palilleiras que se celebra o 28 de marzo. Un acto no que estiveron presentes o alcalde, Alfonso Villares, a edil de Igualdade, Pilar Armada, a deseñadora Lucía Paredes, as palilleiras Mari Luz Méndez e Modesta Lombardero, que participan na organización do Encontro, e Tino Soto, que tamén colabora.
O pase de moda (16:30 h.) leva por título “O mar de azul cobalto” e todas as prendas terán o encaixe como principal protagonista. Pero ademais, nesta ocasión o desfile será especial xa que as autoras das prendas son dúas creadoras locais, veciñas de San Ciprián: Lucía Paredes, deseñadora profesional, e Mari Luz Méndez, artesá. Cabe destacar que en todos os casos vanse...
leer más 10/03/2015
A asociación de veciños do Burgo de Trasbar, de Cervo, organiza unha viaxe e un cocido na Fonsagrada, que terá lugar o 22 de marzo. As persoas interesadas poden apuntarse no Local Social de Trasbar ou no enderezo electrónico da asociación (burgodetrasbar@yahoo.es). O prezo de inscrición é de 25 €/socio. As persoas que non sexan socias pagarán 35 €/persoa. Nos dous casos inclúe xantar e transporte. O prazo límite para apuntarse: domingo, 15 de marzo.
Burgo de Trabar xa ten programadas varias actividades para o vindeiro mes de abril: a festa da pascua, que será o día 5; o maratón de tute, que comezará o día 11; así coma unha charla sobre seguridade, prevista para o 15.
A asociación de veciños celebrou unha centolada o sábado pasado, o 7 de marzo. E ten en marcha desde hai meses outras actividades coma a...
leer más 04/03/2015
A Asociación Mulleres de San Ciprián organiza para o próximo domingo un acto de homenaxe á muller coincidindo coa conmemoración do 8 de marzo, Día da Muller Traballadora. O evento principal será a inauguración dunha escultura deseñada e elaborada polo artista local Telmo Cao Farré e financiada pola asociación, que se instalará de forma permanente na praza dos Campos de San Ciprián. Unha obra que se descubrirá por primeira vez ese mesmo día, con temática relacionada coa muller e 2 metros de altura.
Os actos comezarán ás 18 horas na praza dos Campos, onde haberá unha carpa instalada para a ocasión, coa benvida a todos os asistentes e as intervencións da presidenta da asociación, Amparo Pernas, o alcalde de Cervo, Alfonso Villares, e o aturo, Telmo Cao Farré. A continuación...
leer más 03/03/2015
O Concello de Cervo terá a partir de mañá un expositor promocional no 16º Salón Internacional de Gastronomía e Turismo que se celebra en Ourense do 4 ao 8 de marzo e que hoxe foi acondicionado e preparado. A edil de Turismo, Begoña Alonso, desprazouse ata a capital ourensá, onde se reuniu con membros da organización. Este é o segundo ano consecutivo no que o municipio participa nesta feira, á que na edición anterior acudiu presentando a Festa do Ourizo.
Este ano, o Concello decidiu ampliar as posibilidades de promoción, centrando os seus esforzos nas tres festas de Interese Turístico Galego (Maruxaina, Queimada e Ourizo, aproveitando a proximidade desta última) así como na Festa do Mexillón. De feito, nesta edición vaise volver a concorrer ao concurso de Carteis de Festas...
leer más 01/03/2015
O 28 de marzo é a data elixida este ano para celebrar o XII Encontro de Palilleiras, tal e como anunciaron o alcalde de Cervo, Alfonso Villares, a edil de Igualdade, Pilar Armada e as profesoras de encaixe Mari Luz Méndez e Modesta Lombardero, que forman parte da organización. Un evento de exaltación da artesanía que todos os anos congrega a centos de persoas no pavillón da Veiga de San Ciprián, tanto palilleiras que se reúnen e fan encaixe a un tempo, como numeroso público interesado en ver de preto este espectáculo.
De feito, a un mes do encontro, son xa 400 as palilleiras inscritas, e a cifra seguirá crecendo ata o día da celebración. O que si está pechado xa é o número de vendedores que exporán os seus artigos na carpa anexa ao pavillón, un total de 25, procedentes de...
leer más 27/02/2015
O Concello de Cervo e as asociacións Alborada, Mulleres Rurais As Espalladoras e Mulleres de San Ciprián deron a coñecer hoxe os actos previstos para o Día da Muller Traballadora, que se van celebrar o 7 de marzo.
Un programa no que traballaron de forma conxunta o goberno local e as tres entidades e que ten como resultado un día completo con actividades durante toda a tarde e que se prolongarán ata a noite. O alcalde, Alfonso Villares, a edil de Igualdade, Pilar Armada, a presidenta de Mulleres de San Ciprián, Amparo Pernas, e a tesoureira das Espalladoras, Raquel Ferreira participaron na presentación.
Os actos comezarán ás 17:30 horas na Casa do Mar, co Café Bombón. Ademais, durante a tarde haberá sesión de fotos con photocall. A...
leer más