Festas
A comisión organizadora das festas patronais de Ribadeo, que é a Asociación Cultural Santa María do Campo e San Roque, decidiu ampliar o programa de actividades para o día 6 de setembro, mércores, cun concerto do grupo Claxxon no Cantón dos Moreno a partir das 22:30 horas e actuación da charanga Os Charangos, que percorrerá as rúas da vila desde as seis e media da tarde ata as dez e media da noite.
Ademais para a xornada do 6 de setembro mantéñense as actividades que xa estaban programadas: o Día Infantil a partir das 16:30 horas no Cantón, co Parque Diverneno, que incluirá tobogán de auga, taller de chapas, inchables e festa da espuma. E ás 20:30 horas no Quiosco da Música do parque de San Francisco presentarase o cuarto disco CD de José Pulpeiro Doval O Gallopín.
O programa dos festexos patronais ribadenses...
leer más
A cidade de Mondoñedo celebra os días 8, 9, 10 e 11 de setembro as Festas Patronais de Nosa Señora dos Remedios que organiza unha nova comisión de festas formada por catro membros en colaboraciónco Goberno local. Os festexos darán comezo o día 8 coa Festa da Xuventude a partir das 23:00 horas na Praza do Concello.
O sábado será a quenda das actuacións musicais de Lecer e Montreal. O domingo a música correrá a cargo de Salsarena e Claxxon e o luns día 11 de Alma Latina.
O programa das Festas Patronais de Nosa Señora dos Remedios inclúe a VII Xuntanza de Cantos de Taberna Cidade de Mondoñedo, así como a actuación do coro mindoniense. Tamén haberá un partido de fútbol o domingo ás 18:00 horas entre o Mondoñedo F.C. e a S.D. Candelaria.
Presentación da Banda Municipal de Música Pascual Veiga...
leer más
O presidente da Asociación organizadora das Feiras e Festas das San Lucas, Miguel Souto, adiantou esta mañá que Mondoñedo celebrará este ano 2017 as feiras máis antigas de Galicia entre os días 17 e 22 de outubro, cun amplo programa de actividades nos que se funde “cultura, feira, festa, tradición, arte e historia”.
Ademais de dar a coñecer os días da celebración das San Lucas 2017, Souto presentou o cartel anunciador dunha nova edición das feiras, obra do autor mindoniense Xosé Vizoso. O cartel das San Lucas 2017 é unha recreación da portada do libro editado este ano en homenaxe ao autor, nomeado Fillo Predilecto da cidade de Mondoñedo.
Souto lembra que Vizoso ilustrou en numerosas ocasións os carteis das San Lucas e “co seu estilo inconfundible, achegoulle unha imaxe facilmente identificable, reflexo de máis de...
leer más
Dos días 17 ao 21 deste mes de agosto celébranse en Xove as festas patronais San Bartolo 2017, que foron presentadas polo alcalde, Demetrio Salgueiro, as concelleiras de Cultura e de Deportes, Dolores Meitín e Cristina Iglesias, e os membros da comisión de festas Andrés García, José Carlos Cociña e Benigno Canoura.
O programa de festexos comezará o 17 ás 16:00 horas no salón de actos do Centro Cívico, Talía Teatro presentará o espectáculo Rosa Caramelo e outras historias dentro do programa Ler conta moito da Consellería de Cultura da Xunta de Galicia. Esa primeira xornada de festas rematará coa lectura do pregón a cargo da escritora Rita Morrigan, ás 21:00 horas, tamén no salón de actos do Centro Cívico.
O venres, 18 de agosto, ás 20:00 horas, terá lugar unha sardiñada popular que estará amenizada pola Charanga de...
leer más
Mañá, martes, día 8, dará comezo en Foz o programa de actividades con motivo da celebración das festas de San Lourenzo, que se prolongarán ata o domingo 13. Serán pregoadas por Jesús J. Oroza Vila mañá ás 20 horas na Casa da Cultura. Ademais dos días 21 ao 26 deste mes haberá teatro ao aire libre e entre o 18 e o 20 celebrarase a Feira do Libro.
O concelleiro de Cultura en Foz, Ánxel Paleo, anunciou hoxe que “en plena temporada estival e co pobo ateigado de xente metémonos xa de cheo nas festas patronais do San Lourenzo. Esta semana dende o martes, día 8, e ata o domingo, día 13, haberá actuacións de todo tipo. Os días principais que son o día 9 e o día 10, teremos o día 9 ás orquestras Los Satélites e New York, e o día 10 a Gran Parada, que dará paso ás doce da noite á sesión de fogos artificiais na praia da Rapadoira, que é unha das...
leer más
Xa está na rúa o libro das festas patronais de Ribadeo, que inclúe o programa de actividades dos festexos e varios artigos de colaboradores.
No libro programa anúnciase que a festividade do copatrón, San Roque, celebrarase o día 16 deste mes de agosto con estas actividades: ás once e media da mañá sairán da Oficina de Turismo os Cocos e Cabezudos acompañados do grupo de gaitas de Amigos da Gaita; ás doce do mediodía haberá misa solemne na capela de San Roque, seguida de procesión e concerto da Banda Municipal de Música de Ribadeo; e a partir das dez da noite terá lugar a festa verbena a cargo do grupo Félix e da discoteca móvil Blanco y Negro.
Do 17 ao 22 de agosto haberá Mercado Pirata no parque de San Francisco.
Do 31 de agosto ao 3 de setembro celebrarase o primeiro Torneo de Pádel...
leer más
O luns, 7 de agosto, ábrese o prazo de inscrición para anotarse a levar os ananiños dos cabezudos que desfilarán nas festas patronais de Viveiro.
Estes sairán do 12 ao 15 de agosto, e a actividade é para pícaros/as de 6 a 12 anos. O prazo está aberto ata cubrir as prazas.
A inscrición pode facerse no Teatro Pastor Díaz de Viveiro en horario de 9:00 a 14:00 horas. Os números de teléfono son 982 56 01 62/ 982 56 01 28.
O programa das patronais de Viveiro deu comezo o 1 de agosto con diversas actividades e o domingo 6 terá lugar a Gala Internacional da Mostra Folklórica na praza Maior ás 20:30 horas.
No apartado do deporte, o xoves 10 de agosto, celébrase a II Carreira Nocturna Adrián Ben ás 22:30 horas. Entre as diversas actuacións musicais que se desenvolven...
leer más
A ribadense Celia Castro Fernández, que é catedrática de Historia da Arte na Escola Superior de Arte e Deseño Ramón Falcón, de Lugo, será a pregoeira das festas patronais de Ribadeo na honra de Santa María do Campo. O acto celebrarase o día 2 de setembro, sábado, ás oito e media da tarde no Cine Teatro ribadense e incluirá unha actuación da Coral Polifónica de Ribadeo. Anunciouno hoxe, luns, a comisión organizadora das festas patronais ribadenses deste ano.
Celia Castro está realizando actualmente a tese doutoral sobre pintura e fotografía no século XIX. É membro fundadora da Asociación de Amigos do Camiño de Santiago de Lugo e da Asociación de Amigos do Camiño Norte. Tamén pertence á Sociedad Cultural Benito Prieto Coussent, que recopila e estuda as obras deste artista ribadense. Participou na reestruturación e montaxe do Museo Provincial...
leer más
Os días 1, 2 e 16 de xullo celébranse na parroquia de Mor, no concello de Alfoz, as Festas do San Pedro e do Carme.
Na primeira fin de semana de xullo, o sábado día 1, haberá misa solemne ás 12:30 horas e procesión. De seguido terá lugar a sesión vermú e festa verbena amenizadas coa música de La Favorita e a Disco Móvil Fabrik. Ademais haberá inchables gratis. O domingo, día 2, ás 12:00 horas celebrarase a misa solemne, e de seguido a sesión vermú co Dúo Epo K.
O programa de festas continuará o domingo, 16 de xullo, con misa solemne ás 9:00 e ás 12:00 horas, tras esta última cerimonia terá lugar procesión. Despois terá lugar a sesión vermú e festa verbena amenizadas polo trío Lembranza. Ademais haberá unha cea gratuíta para veciñ@s con sorteo de agasallos.
Unha das novidades introducidas...
leer más
O concerto de Café Quijano e La Década Prodigiosa o venres 2, a celebración do Gran Karaoke este mércores e xoves, e as celebracións mariñeiras durante a vindeira fin de semana, principais actos das festas de Burela que daban comezo este pasado sábado coa lectura do pregón a cargo de Ramón Marful.
As patronais de Burela seguen hoxe cun programa que recolle a partires das 19:30 horas unha exhibición de ballet a cargo das Escolas Deportivas Municipais, que terá lugar na Casa da Cultura. Ás 20:15 horas dará comezo a actuación de Eu Son Band no auditorio da Casa da Cultura.
Mañá, 30 de maio, o programa de festexos continúa cunha exhibición de patinaxe artística no pavillón dos institutos, a partir das 18:30 horas. Ás 22:00 horas comezará o II Certame de Monólogos Concello de Burela. Terá lugar na Casa da Cultura e...
leer más