Foz
22/02/2016
O 6 de marzo Os Sendeiros de Foz realizarán un novo andareiro por terras de Navia, en Asturias. Segundo explican os organizadores “serán dúas rutas pequenas enlazadas, a principal é Covas de Andina, antiga explotación aurífera romana, e a outra nos levará a ollar desde o alto da contorna, todo isto está dentro do parque histórico de Navia”.
Os Sendeiros de Foz engaden que “se trata dun roteiro fermoso e interesante, teremos unha guía que nos explique todo o relacionado coa mina de ouro romana, flora e fauna do lugar”. A saída será o 6 de marzo ás oito da mañá. O derradeiro día para anotarse será o 2 de marzo. Recoméndase levar equipo de sendeirismo.
...
leer más 16/02/2016
“Magia en las Estrellas” é o título da última novela da autora mariñana Raquel Rey. O libro preséntase este venres ás oito e media da tarde na Librería Bahía, en Foz.
A escritora que asina co pseudónimo de Elizabeth Bowman, estará acompañada polos profesores Antón Niñe e Bernardo Penabade. Raquel Rey ten publicadas varias novelas, pero esta é a primeira que se pode mercar en España xa que as anteriores foron publicadas por editoriais hispanoamericanas.
16/02/2016
O Ies de Foz acolle do 16 ao 18 de febreiro o IX Campionato Internacional de Baristas de Escuelas de Hostelería, o IV Campionato Internacional de Cata de Cafés de Escuelas de Hostelería e o IV Campionato Internacional de Baristas Profesionais 2016.
A Fundación TIC, entidade dependente da Deputación, emitirá un ano máis por streamingos tres días de celebración dos campionatos de baristas organizados polo IES de Foz, que se desenvolven na localidade mariñá esta semana, do 16 ao 18 de febreiro.
A emisión en directo é posible grazas ao convenio entre a TIC e o IES de Foz, unha das máis de 150 entidades ou asociacións coas que colabora a Fundación. Deste...
leer más 08/02/2016
“Desafiando os Límites” é o título da charla que o espeleólogo Xesús Manteca ofrecerá este venres, día 12, en Foz.
Xesús Manteca é espeleo-buceador, traballou no programa televisivo “Al Filo de lo Imposible” e na actualidade participa activamente nas exploracións do Pozo Azul, unha das máis emblemáticas cavidades do mundo sita na provincia de Burgos.
O espeleólogo impartirá ademais unha charla de iniciación á espeleoloxía para os alumnos do Colexio Martínez Otero de Foz o mesmo venres pola mañá.
A conferencia de Xesús Manteca terá lugar este venres, día 12, ás oito e...
leer más 05/02/2016
O tradicional Touporroutou estará presente un ano máis no Entroido de Foz. Terá lugar este domingo, día 7, a partires das nove da noite na Casa da Cultura Poeta Manuel María. A Asociación Pomba do Arco organizadora desta actividade convida a todos a asistir para gozar con estas coplas de Entroido.
Aqueles que queiran participar poden depositar as súas coplas nas furnas colocadas en diversos establecementos da localidade. Deberán facelo antes da noite do sábado nos bares O Acuario, Anduriña, O Chícaro, A Eskina, A Funcional, O Lar, Leyton, May-Ros, O Muelle Bar, A Rambla e Tutti Frutti.
A ironía e a sátira serán os ingredientes primordiais destas...
leer más 05/02/2016
Foz acollerá os días 13 e 14 de febreiro a 6ª Festa da Cociña Afrodisíaca, que organiza o Centro Comercial Aberto. Os 26 locais participantes ofrecerán tapas elaboradas con produtos como chocolate, fresas, améndoas, anís, canela, ostras… Son: A Funcional, A Soalta, A Viela, As Brasas, Bar 78, Acuario, Anduriña, Express, Happy Days, Mayross, Casa Damián, Casa Maño, Portovello, Regata, Costumes do Mar, Fraggle Rock, Buda, Marexada, O Paseo, O Lar de Bustos, O Norte, pizzería Xoíña, Fina, Tangarte Mariñeiro, Tangarte Mesón e Xoyma.
Desde a directiva de ACIA/CCA de Foz explican que “os que se acheguen a Foz á 6ª Festa da Cociña Afrodisíaca poderán degustar as tapas que atoparán na hostalería participante. Haberá propostas moi...
leer más 03/02/2016
Este venres continúan os actos do Entroido programados polo Concello co pregón a cargo de As Sin Xeito. Éste terá lugar as oito da tarde e a partires das oito e media celebrarase o Concurso de Coplas na Sala Bahía.
Un dos pratos fortes do Entroido focense será o Desfile de Entroido que se celebrará a partires das cinco da tarde do sábado. Neste XXXV Desfile de Entroido repartiranse 7.000 euros en premios e ao remate terá lugar unha chocolatada no Campo da Cabana. A xornada rematará cun Gran Baile ás once da noite na Sala Bahía coas orquestas Cinema e Grupo Tekila e entre unha e unha e media da madrugada entregaranse os premios do Desfile.
O domingo,...
leer más 30/01/2016
A biblioteca pública municipal de Foz convoca o XV Certame de Poemas de Amor, que é o máis antigo da comarca. O prazo para entregar os traballos rematará o día 25 de febreiro. Anunciouno a concelleira de Cultura, Silvia Blach Cuesta.
“Quince anos convocando este certame polo que pasaron gañadores de diferentes puntos de Galicia: de Brión, Montefurado, Ferrol e, como non, tamén da comarca mariñá. É para todas idades, sendo o participante máis novo unha nena de 6 anos e o maior un home de 80 anos. Animamos á que participen e os interesados poden encontrar as bases na web do Concello de Foz ou poñéndose en contacto coa biblioteca pública. Hai que agradecer especialmente a Construcciones y Canalizaciones Saa e ao restaurante O Lar de Bustos, que este ano patrocinan uns bos...
leer más 19/01/2016
Este xoves, día 21, remata o prazo de reserva de entradas para a cea de coroación da raíña do Entroido de Foz 2016, que é Andrea Rouco Posada, e das súas damas: Nuria Díaz García e Alba Goás Freire. O evento terá lugar este sábado, día 23, ás dez da noite na Sala Bahía.
O menú da cea inclúe sopa, cocido, postre, viños tinto e branco, café e chupito. Estará amenizada polo dúo Eclipse e o prezo por persoa é de 23 euros. A reserva de entradas hai que facela na Delegación de Cultura do Concello de Foz ou chamando ao teléfono 982.140.027.
19/01/2016
Desde Librería Bahía sinalan que "todos os interesados e interesadas no antigo arte do tarot ou todas as curiosas e curiosos que vos chame a atención este tema, tedes unha cita este xoves, 21 de xaneiro, ás oito e media da tarde na Librería Bahía con Xabier Grandío que nos dará unha charla didáctica titulada O tarot, historia e natureza".