Foz
05/11/2015
A XV edición do ciclo de charlas médicas organizado polo Concello de Foz coa colaboración do Hospital da Costa celebrarase os días 12, 19 e 26 deste mes e abordará temas sanitarios de actualidade, como as reaccións alérxicas graves, os coidados paliativos e a automedicación. O ciclo, que se desenvolverá en tres sesións ás 20 horas na Casa da Cultura focense, foi presentado hoxe polo alcalde, Javier Jorge Castiñeira; a concelleira de Consumo e Sanidade, Silvia Blach Cuesta; a xerente executiva do centro hospitalario de Burela, Carmen Durán Parrondo; e a subdirectora médica, María José Cortés.
O rexedor municipal anunciou que “un ano máis a Concellería de Consumo do Concello de Foz, a través da Oficina Municipal de Información ao Consumidor (Omic), organiza as charlas...
leer más 03/11/2015
O vindeiro sábado, 7 de novembro, ás 12 da mañá terá lugar na Librería Bahía, de Foz, a presentación do libro “El dilema de Spallanzani y otras curiosidades de los murciélagos”, do biólogo Roberto X. Hermida. Estará acompañado pola profesora Teresa Nécega. E a continuación charla-proxección sobre As Covas do Rei Centolo, a cargo de Gonzalo Villarmea.
Desde a Librería Bahía sinalan que “ás veces, o que temos máis preto é o que menos coñecemos… Este sábado, día 7 de novembro, propoñémosvos dende a Librería Bahía unha xornada para descubrir morcegos e covas.
Apetécevos abrir os ollos e os oídos a estas dúas realidades tan próximas?”.
Estas actividades, que se desenvolverán pola mañá son libres e...
leer más 31/10/2015
Un concerto de piano, o ciclo Cine no Cenima e o teatro afeccionado enchen a axenda cultural focense no inicio do mes de novembro, tal e como detallou hoxe a concelleira de Cultura, Silvia Blach.
“O venres 6 de novembro ás 20:30 horas temos no Cenima música, un concerto de piano a cargo de Pedro Abelardo Rodríguez Pérez. A entrada é gratuíta e animamos a todos que vaian escoitar ese gran concerto de piano que imos ter alí”, anunciou a edil, quen engadiu que “o domingo 8 de novembro ás 18 horas temos teatro en Cordido, no local do centro cívico e con entrada gratuíta. Pertence ao terceiro Ciclo de Outono de Teatro das Parroquias. Vai participar o grupo de teatro O Batán coa obra Igualdade Virtual. É unha comedia moi entretida e animamos a todos a que vaian ver a obra”....
leer más 31/10/2015
Xa está aberto ata o 26 de novembro o prazo para participar no XIV Concurso de Postais de Nadal 2015 convocado pola Biblioteca Pública Municipal de Foz, Radio Foz e a Oficina de Información ao Consumidor focense. É o certame destas características máis antigo da Mariña e vai dirixido a nenos de ata 16 anos, que participarán divididos en tres categorías segundo a idade.
No certame poden participar todos os rapaces que o desexen. A temática das postais presentadas debe ser o Nadal e os traballos realizaranse en cartolina cun tamaño de 16 por 11 centímetros. No reverso das mesmas aparecerán os datos básicos do autor: nome, idade, enderezo, teléfono e colexio. As postais entregaranse na Biblioteca Municipal.
A técnica a empregar será a...
leer más 30/10/2015
O Centro Comercial Aberto de Foz repartirá entre a súa clientela 4.400 euros durante o vindeiro mes de novembro.
O día 6 dará comezo unha nova edición do Campañazo na que participan 66 firmas comerciais asociadas, ás que poden acudir focenses e visitantes a conseguir os seus cartóns. Desde a directiva do CCA de Foz lembran que “o sorteo, que da comezo ás once da noite, hai que seguilo nalgún dos 19 locais hostaleiros que participan con nós nesta consolidada cita e hai que apurarse a chamar a Radio Foz si alguén canta cartón. O primeiro levará 300 euros e teremos outros 300 euros para repartir entre o resto dos cartóns premiados”. José Carlos Paleo engade que “falamos de euros en vales de compra para consumir nos locais asociados ao Centro Comercial Aberto”.
... leer más 27/10/2015
A asociación cultural A Pomba do Arco organiza a presentación do libro Historia de Odoyno, de Antonio Rodíguez Baixeras. O acto terá lugar este venres, 30 de outubro, ás 20:30 horas na Librería Bahía, en Foz.
O autor do libro, Antonio Rodríguez Baixeras, xa ten editado varios libros anteriormente como a novela O rei dos Ameneiros ou unha interesante biografía sobre Alexander Hamilton, un dos país da independencia norteamericana. A súa profesión como docente levouno á escribir, como coautor, varios libros de texto de ciencias sociais.
Este libro que se presente é froito de moito tempo traballando sobre o tema da vida, da obra e do legado de Odoino.
O protagonista deste libro é un monxe galego...
leer más 26/10/2015
Os días 30 e 31 deste mes de outubro e o 1 de novembro celebrarase a XII ruta Montes da Mariña para vehículos todoterreo que organiza o club Os Carrecamiños 4x4. Foi presentada hoxe en Foz cun acto no que participou o alcalde, Javier Jorge Castiñeira.
Os organizadores do evento explicaron que “o venres 30 comezan as actividades coa recepción dos inscritos, chegados dende diversas comunidades como Extremadura, Madrid, Castela León, Euskadi, Asturias e, como non, moitos de Galiza e concretamente da Mariña. Haberá a recepción dos inscritos (115 motos de enduro, 120 quads e 192 todoterreos) no parque pechado, que estará na explanada portuaria de Foz. A continuación degustaranse uns pinchos xunto coa proxección dun vídeo da ruta no pavillón do colexio Martínez Otero”.
... leer más 21/10/2015
Este venres, 23 de outubro, ás oito e media da tarde estará na Librería Bahía a escritora mindoniense Marina Mayoral para presentar a súa última novela El abrazo. Acompañará á autora neste acto o tamén escritor mindoniense Armando Requeixo.
E o sábado, 24 de outubro, ás doce da mañá o escritor brasileiro afincado en Galicia Sergio Tannus dará un concerto-presentación do seu libro-disco infantil Alegría.
21/10/2015
O Cenima de Foz acolle esta fin de semana novas actividades culturais, das que deu conta a concelleira de Cultura, Silvia Blach.
“Este venres 23 temos ás 20 horas a reprodución do vídeo Auga, terra e lume, de Otero Regal, dentro da mostra A Maruxaina e outras sereas, que está sendo exposta no Cenima estes días, durante todo o mes de outubro. O domingo 25 ás 18 horas ábrese a taquilla e ás 18:30 horas xa comeza a proxección da película infantil O pequeno mago. A entrada son tres euros nada máis e penso que é unha historia moi interesante na que se fala de normandos e bispos na cidade de Tui no século X. Penso que sería interesante para todos vela”, asegura a edil de Cultura focense.
16/10/2015
O Centro Cívico de Cangas de Foz inicia o 24 de outubro a programación da súa nova temporada cunha cea-baile amenizada polo Grupo Montreal a partir das 20:30 horas. O prezo da cea máis a entrada é de 15 euros e o menú constará de entrantes, churrasco, chourizo criollo e vermello, pan e viño.
A entrada para que os vaian a partir das 22:30 horas, só ao baile, será de seis euros. Os tickets están xa á venda na cafetería do Centro Cívico ou no teléfono 659 934 587.
O 31 de outubro será o momento para gozar da Orquestra Poceiro. O 7 de novembro pasará polo Centro Cívico de Cangas o Grupo Yucatán, o 14 de novembro volverá o Grupo Montreal e o 21 de novembro amenizará o baile o Grupo Nueva Ola.