Libro
A editorial La Equilibrista de Barcelona vén de publicar a novela curta de Pepe Peinó titulada "A Solo no le gustaba su nombre". Haberá unha primeira presentación deste libro o vindeiro venres, 13 de marzo, na cafetería-confitería Xoyma, de Foz, ás 20,30 horas. Xunto a Pepe Peinó estarán o profesor e lingüista Bernardo Penabade e a cantante Almudena Cuadrado. O acto é libre para todo o público.
O autor explica que “a novela fala sobre a soidade. Case 7.000 millóns de habitantes no noso planeta, cada vez máis xuntos no espazo e con frecuencia cada vez máis separados. Cantas foron as veces en que nos sentimos sós somerxidos entre multitudes? E, a pesar de todo, canto nos custa recoñecer a nosa soidade! Canto nos custa chamar ás cousas polo seu nome! Trátase da miña primeira novela publicada en castelán. Unha breve historia de soidades e de...
leer más
O Presidente da Deputación, José Tomé Roca, e o Alcalde de Ourol, José Luis Pajón Camba, asinaron un convenio de colaboración para a edición do libro Cruceiros, Cristos cruces, e outros monumentos de Ourol.
A institución provincial achega 5.500 euros para a edición de 600 exemplares desta publicación, que recolle o nome dos cruceiros, a análise da estrutura, materiais dos que están feitos os que están desaparecidos e como se leva a cabo a conservación dos cruceiros das oito parroquias. Este libro recolle tamén os cemiterios máis destacados do municipio, como son o de Ourol, Miñotos e Xerdiz,construídos coas achegas dos emigrantes, sendo de tradición indiana.
No traballo de recollida, a veciñanza colaborou co autor, Mario Saavedra Pérez, a quen guiaron por todas as zonas de onde se puido sacar a información para...
leer más
A asociación A Pomba do Arco organiza a presentación do libro de Natalia Ramos Alonso,
A síndrome de Hayworth. O acto terá lugar o día 17 de xaneiro ás 20:30 horas na Librería Bahía de Foz.
Esta obra da escritora focega recibiu o Premio de Poesía O Facho 2019, convocado pola asociación coruñesa do mesmo nome.
A Síndrome de Hayworth é o primeiro poemario da escritora nacida en Vilaronte.
O Concello agasalla a todo o alumnado ribadense de 4º de ESO e 1º de BAC cun exemplar da obra Made in Galiza, de Sechu Sende. As persoas interesadas en facerse co libro poden recollelo na biblioteca municipal calquera destes días, agás os festivos.
A concelleira de Cultura, Pilar Otero, explicou que “desde hai uns días o Concello agasalla a todo o alumnado ribadense que cursa 4º de ESO e 1º de BAC cun exemplar da obra de Sechu Sende Made in Galiza e tamén poderán desfutar da versión que fan desta obra Os Quinquilláns o día 21 de febreiro co seu Language planning”.
A edil dixo que “se trata dunha obra que nos convida a reflexionar sobre a nosa lingua, que é de lectura obrigada nalgún dos cursos para o segundo trimestre deste curso escolar”. E subliñou que “todo este alumnado de 4º de ESO e de 1º de BAC pode...
leer más
O libro “Inventario do Patrimonio Cultural e Histórico-Artístico do Valadouro” de Isaac Ferreira, Manuel Lourenzo e Xesús Pisón, foi editado coa colaboración da Deputación Provincial de Lugo e o Concello de Alfoz. Trátase dun amplo compendio do patrimonio de todo o Val do Ouro organizado por parroquias tanto do Concello de Alfoz coma do Concello do Valadouro.
A presentación terá lugar o venres, 20 de decembro, ás 18.00 horas, no Castelo do Castro de Ouro de Alfoz, coa presenza de Pilar García Porto, representante da Deputación Provincial de Lugo; Jorge Val Díaz, alcalde de Alfoz; os autores do libro, así como os numerosos colaboradores e colaboradoras neste gran traballo, editado en 2 tomos, de investigación e recuperación cultural, histórica e artística.
Sobre os autores:
Isaac Ferreira (O Valadouro, 1946). Autor...
A Mariña está presente no libro “Viajar por libre. 50 rutas en furgo por España”, do xornalista Pedro Madera. A FCAM segue así coa súa campaña de promoción turística desta comarca por todo o país, a través da colaboración iniciada hai un ano con este coñecido xornalista, historiador e viaxeiro infatigable.
O libro saíu á rúa a finais do pasado mes de setembro. Ao longo de 304 páxinas o seu autor propón 50 rutas para facer en furgoneta ou en autocaravana por España. Unha desas propostas é A Mariña lucense, El suave paso de Asturias a Galicia. O percorrido de máis de 100 quilómetros levará ao viaxeiro a gozar da beleza paisaxística entre Ribadeo e Viveiro, achegándose incluso ata Estaca de Bares. Proponlles visitas ás Catedrais, a Rinlo, a Foz, a Sargadelos ou a Viveiro, entre outros lugares, e tamén lles fai recomendacións sobre áreas para...
leer más
A asociación cultural A Pomba do Arco organiza o xoves, 3 de outubro, ás 20:30 na Libraría Bahía de Foz a presentación do libro Hei entrar no meu povo: reivindicarmos Carvalho Calero , nun acto no que tomaran a palabra os autores do mesmo Bernardo Maiz, Xosé María Dobarro e o noso conveciño Xosé Manuel Pazo.
Hei entrar no meu povo:reivindicarmos Carvalho Calero é unha publicación que recolle diversos traballos arredor da figura do autor recoñecido en 2019 co Día das Letras Galegas. Ricardo Carvalho Calero é un dos grandes vultos da cultura galega do século XX, cunha importante bibliografía no campo dos estudos lingüísticos e literarios pero tamén da poesía e a narrativa. Ao tempo, o autor mantivo durante moito tempo unha importante relación coa nosa vila, onde pasou as vacacións de verán en compañía da súa parella María Ignacia Ramos....
leer más
Na V Feira do Libro de Burela, que se celebrará do 30 de agosto ao 1 de setembro, haberá presentacións, actividades para os máis pequenos, teatro con Carlos Blanco e Touriñán e sorteo de agasallos. O pregón será pronunciado por Pablo Mosquera o sábado ás 12:30 horas e ese día terá lugar un debate titulado O trasno, 30 anos despois, no que participarán Emilio Legaspi e Manuel Nebril a partires das 20:00 horas.
O concelleiro de Cultura, José Díaz, anunciou que “este fin de semana celebramos en Burela a quinta Feira do Libro. Empezará o venres e transcurrirá durante todo o fin de semana. Os horarios van ser de 12:00 a 14:00 horas polas mañás e de 18:00 a 21:30 horas polas tardes. Faremos o pregón o sábado ás doce e media da mañá e este ano o pregoeiro vai ser Pablo Mosquera, unha persoa moi vinculada á cultura en toda A Mariña, e en...
leer más
O luns, 12 de agosto, ás 20:30 horas no claustro da Escola Municipal de Música e Danza de Ribadeo terá lugar a presentación do libro "Mi vida es un poema", escrito por Marta Prieto, profesora de Educación Infantil especializada en Pedagoxía Terapéutica. Persoa ligada á loita polos dereitos das persoas con diversidade funcional, loita que leva a cabo no seu ámbito profesional e persoal.
"Mi vida es un poema" é un recompilatorio de poesías encamiñadas a explicar a pais, nais, educadores, amizades... á sociedade en xeral, as peculiaridades das persoas con trastornos do neurodesenvolvemento desde unha perspectiva divertida, sinxela e a veces máxica, tentando desmitificar e desdramatizar o diferente para mostrar a cara máis entrañable e tenra da discapacidade.
O acto está organizado polo Centro de Información ás...
leer más