Mostra
A alcaldesa de Mondoñedo, Elena Candia, e o edil de Educación, Alberto García, entregaron esta tarde os premios aos gañadores da terceira edición do concurso fotográfico "O meu recuncho de Mondoñedo”.
A fotografía gañadora é de Andrea Gacio mentres que o segundo e o terceiro premio foron para José Antonio Pasarón e Marcos Candia, respectivamente.
Ademais, de entre o total de fotografías recibidas, tamén se seleccionaron 13 instantáneas coas que dende o Concello elaboraron o calendario para o vindeiro ano 2019.
As fotografías estarán expostas na oficina de turismo durante todo o Nadal.
A tenda Regal Fontenova en Viveiro acolle a exposición Armamos o Belén que permanecerá aberta ata o 15 de febreiro.
A mostra está composta por 30 beléns feitos en Regal Cerámica. Otero Regal fixo algún belén cos alumnos da primeira Escola-Obradoiro de Viveiro, co que ademais obtivo varios premios. Hoxe ten en catálogo 16 nacementos, e son varios os coleccionistas e museos que expoñen esas creacións.
A exposición complétase con nanas e panxoliñas galegas dedicadas a cada peza e música de Nadal.
O complexo Regalxunqueira de Viveiro acolle do 15 de decembro ata o 31 de xaneiro a exposición de pintura "Catro Médicos por Viveiro", de Jesús Vázquez, Leo García, Pablo Galego e Tino Cuesta.
O grupo de pintura Cuatro Médicos é creado por Jesús Vázquez no Nadal de 2013, e está integrado por Leo García Méndez, médico en Vigo; Tino Cuesta, médico en Osoro; o ferrolán Pablo Galego, médico en Santiago de Compostela; e o propio Jesús Vázquez, médico en Lugo. Todos eles móvense no mundo do expresionismo, e contan cunha ampla traxectoria artística anterior á constitución deste grupo pictórico e paralelamente ao mesmo.
Burela acolle unha exposición fotográfica titulada No colo da esperanza, do fotoxornalista Felipe Carnotto que se pode visitar ata finais de decembro en horario de luns a venres de 10:00 a 13:00 e de 17:00 a 20:00 horas na Casa da Cultura.
Segundo explican desde a Concellería de Inmigración e Cooperación “a mostra foi realizada polo fotoxornalista Felipe Carnotto en 2015 na denominada Ruta dos Balcáns. As fotografías están protagonizadas principalmente por rapazas e rapaces que foxen da guerra en Siria canda as súas familias, na busca dun futuro próspero en Europa”.
O vindeiro 18 de decembro o propio reporteiro guiará ás e aos estudantes a través da exposición. Na mesma xornada a partir das 11.30 horas desenvolverase o espectáculo teatral O valo, creado o ano pasado por Pallasos en Rebeldía para o Fondo Galego...
leer más
A Casa da Cultura de Burela acolle ata o 6 de setembro a exposición de pintura Taras, de Mónica Filgueira Formoso.
A pintora Mónica Filgueira di que “las taras diseñan cárceles: prisiones que visten sus muros con fotos en blanco y celdas de barrotes tatuados con la palabra miedo. He conseguido escapar de muchas de ellas”.
A exposición permanecerá na Sala de Arte da Casa da Cultura de Burela ata o día 6 de setembro. Pódese visitar de luns a venres no horario da Casa da Cultura.
Esta é a segunda mostra que a artista plástica Mónica Filgueira Formoso, presenta en Burela.
A sala de exposicións da Casa da Cultura acolle estes días a mostra “Adaptacións” de Xosé López Losada, “Xolo”, natural de Ourol.
O artista estivo acompañado no acto inaugural pola a edil de Cultura, Dolores García Caramés, a de Servizos Sociais, Pilar Armada, e os concelleiros de Deportes e Obras, José Ramón Soto e Plácido Pérez, respectivamente, ademais de compañeiros e compañeiras da Asociación de Axuda ao Enfermo Mental A Mariña.
A mostra, que pode visitarse ata o 30 de xullo, está composta por 15 obras escollidas de entre máis de 200 cadros que conforman a colección de “Xolo”, que está ligado ao mundo da artes desde que era un neno.
O pintor trasladouse a Salamanca no ano 1987 para estudar Belas Artes, onde acadou Matrícula de Honra no primeiro curso de Universidade. A finais do...
leer más
A tenda Regal Cerámicas, situada na praza da Fontenova, en Viveiro acolle do 17 de xullo una exposición colectiva titulada "Mar", na que participan un total de 17 artistas.
Nesta mostra poden verse obras de Otero Regal, Roque Fanego, Pablo Livio, Juanel Ponte, Juan Puchades, Francisco Santos, Agustín Patiño, Chiruca Riveira, Pepa Losada, Fabián Reino, Juan Manuel López Roibal, Otto Treto, David Catá, José Luis Neira Broch, Lorenzo González, Xavier Magalhaes y Cristina Sánchez.
A mostra colectiva "Mar" poderase visitar ata o 15 de setembro.
A sala de exposicións da Casa da Cultura de San Ciprián acolle ata o 28 de xuño a mostra fotográfica Enfocando Historias, un proxecto levado a cabo por mozos e mozas de Down Lugo, coa colaboración da Fundación Teléfonica, baixo a tutela da fotógrafa Aleksandra Dmitrieva; e que tamén contou nesta ocasión co apoio da Fundación Alcoa e o seu Plan de Voluntariado, que brindaron, ademais, a súa axuda na montaxe da exposición.
Á inauguración asistiron o alcalde de Cervo, Alfonso Villares, a edil de Cultura, Dolores García Caramés, e outros membros do equipo de Goberno, ademais da xerente da Asociación Down Lugo, Delfina Pérez, representantes de Alcoa, persoas usuarias da Asociación de Axuda ao Enfermo Mental A Mariña; e os propios autores, autoras e protagonistas da mostra: rapaces e rapazas de Down Lugo que describiron aos presentes o...
leer más
Ata o 16 de febreiro estará aberta ao público na Casa da Cultura de Burela a exposición cos traballos realizados nos cursos de tempo libre do Centro de Información ás Mulleres. O horario de visita de luns a venres será de 11 a 13 horas e de 17:30 a 19:30 horas.
Á inaguración da mostra, que tivo lugar na xornada de onte, asistiron a concelleira de Servizos Sociais, Patricia Otero, e o alcalde, Alfredo Llano, que subliñou que "se trata de traballos de moita calidade. Merece moito a pena velos. Animo a todo o mundo a que se achegue pola Casa da Cultura ao longo dos vindeiros días para ver o resultado dos cursos de tempo de libre do CIM".
Ata o 11 de febreiro de 2018 permanecerá aberta no Castelo de Castrodouro, no concello de Alfoz, unha exposición itinerante de ourivería antiga. Trátase da mostra “A colección de ourivería antiga do Museo Provincial de Lugo”, que fai un percorrido por esta arte desde a idade de bronce ata a idade media. Inclúe unha réplica a tamaño real do Torques de Burela (S.II a.C. – S. I d.C.).
Ademais desta exposición itinerante o Castelo alberga outra permanente sobre as zocas. O acceso ás mostras e ao castelo é de balde.