musica
A praia de Lieiro será escenario este sábado, 22 de setembro, do XI Macguiver Surf.
A cita deportiva foi presentada polo alcalde de Cervo, Alfonso Villares, a edil de Xuventude, Dolores García Caramés, e varios membros do Limosa Surf Club, que se encarga da organización do evento, coa colaboración do Concello.
As persoas interesadas en participar na proba deberán achegarse a primeira hora á praia, porque ás 9:30 está previsto o peche da inscrición.
Poderán competir nas modalidades de surf adulto, Bodyboard, Longboard, e como novidade esta edición tamén na categoría surf júnior. Haberá trofeos para os tres primeiros clasificados de cada categoría.
A inscrición suporá un custe de 5 euros para participar na categoría júnior, e de 10 euros nas outras modalidades; xa...
leer más
A Banda Municipal de Música de Ribadeo ofrecerá este venres, día 24 de agosto, o seu tradicional concerto de bandas sonoras de películas. Será ás 22:00 horas e cambiará a súa localización habitual para a escalinata do Concello.
O director da Banda Municipal de Música de Ribadeo, David Ballester, conta que “a Banda Municipal de Música de Ribadeo segue coa súa serie de concertos de verán, e volvemos facer o concerto de música de cine que vai ser este venres, 24 de agosto, ás dez da noite. Este ano, como novidade, imos cambiar a ubicación, vai ser tamén no parque San Francisco, pero nas escalinatas do Concello”.
David Ballester considera que “vai ser un lugar moi bonito para celebrar o concerto, no que tocaremos pezas de películas moi coñecidas por grandes, medianos e pequenos, por toda a xente, coa súa proxección...
leer más
O parque de San Francisco será escenario de diversos espectáculos ao longo desta semana. Haberá citas para o público infantil e familiar e moita música. E o sábado en Porcillán terá lugar o concerto de Son do Sil.
O concelleiro de Cultura, Farruco Graña, anunciou que “hoxe, martes 24, no parque de San Francisco ás oito e media da tarde as familias, e sobre todo os pícaros e as pícaras, que estean atentos porque vai aparecer un novo circo cun espectáculo titulado Baila un vestido verde con Pista Catro”.
O edil nacionalista contou que “tamén no parque de San Francisco, o día 25 de xullo, Día da Patria Galega, temos o concerto co que se conmemora esa celebración todos os anos en Ribadeo a cargo da Banda de Música Municipal de Ribadeo, que leva por título Concerto do Día da Patria, será ás oito e media”.
... leer más
Mañá darán comezo as XVI Xornadas de Historia Local e o venres haberá o concerto de verán da Coral Polifónica de Ribadeo. O sábado inaugurarase unha exposición de Cris Andina no Forte de San Damián e pola noite o SonRock será o protagonista. E o domingo celebrarase o II Festival de Música Tradicional de Ribadeo.
O concelleiro de Cultura, Farruco Graña, anunciou que “desde este xoves, 19 de xullo, e ata o domingo 22 se van desenvolver varias actividades relacionadas coa música e coa historia local de Ribadeo. Desde a intensa relación de Ribadeo co mar, a través dos corsarios, os ingleses e calquera perigo ou acerto que puidera vir polo mar, ata a música coral, tradicional e rock, pasando polo mundo da escena galega, a través dunha exposición fotográfica de Cris Andina”.
O edil ribadense relatou que “o xoves, 19 de...
leer más
A Escola Municipal de Música de Burela organiza o IX Curso de Música Interdisciplinar, que se desenvolverá dos días 2 ao 6 de xullo. A actividade, que é gratuíta, foi presentada hoxe polo concelleiro de Cultura en Burela, José Díaz, a quen acompañaron o director da escola, Xan Carballal e a profesora de canto Irina Semkina.
Neste curso preparase unha adaptación musical da zarzuela galega Non chores Chabeliña, composta por Gustavo Freire en 1943 e con libreto en galego de Xosé Trapero Pardo. Traballaranse distintos aspectos musicais, tanto individuais como de grupo, e tamén haberá un apartado de caracterización, decorados e preparación dos personaxes desta zarzuela.
No curso incluirase un obradoiro infantil no que poderán participar todos os nenos e nenas que o desexen desde os 4 anos. Ofrecerase ademais a...
leer más
A Escola Municipal de Música e Danza (EMMeD) de Ribadeo vai camiño de pechar o curso 2017/18. Farao de xeito oficial este sábado, 16 de xuño, en dúas sesións ás 12:00 e 18:00 horas no Auditorio Hernán Naval, coa celebración do festival de fin de curso que nesta ocasión estará dedicado ao músico ribadense Carlos Álvarez Fernández-Cid, polo que se insire nos actos de celebración do centenario do seu nacemento.
As diferentes agrupacións que sairán a escena interpretarán música de diferentes estilos, facendo un percorrido por case todo o mundo.
O responsable da Escola Municipal de Música de Ribadeo, Hugo García, subliña que “será, unha vez máis, un festival que non deixará a ninguén indiferente. Tentaremos sorprender á xente cun festival concibido para que o desfruten”.
Este xoves, 7 de xuño, no Teatro de Ribadeo, proxectarase a película A palabra xusta de Miguel Piñeiro. Será ás 20:30 horas e o prezo da entrada é de 3 euros.
O sábado, 9 de xuño, ás 20:30 horas no Teatro de Ribadeo actuará o Coro da Mariña, dirixido por Pierrot Rougier e Ugía Pedreira. O prezo da entrada é de 3 euros.
O domingo, 10 de xuño, ás 11:30 horas, haberá unha visita guiada ás pinturas da Nosa Señora das Virtudes na Ponte de Arante. A entrada é gratuíta.
E tamén o domingo ás 17:30 horas no auditorio municipal Hernán Naval, actuarán As Maimiñas dentro do programa Apego. O prezo da entrada é 3 euros e para os menores de 2 anos de balde.
O Cine Teatro acolleu a presentación dos actos que se desenvolverán ao longo de todo este ano para conmemorar o centenario do nacemento de Carlos Álvarez Fernández-Cid. Un dos primeiros será este sábado, 26 de maio, data na que se descubrirá unha placa na casa na que naceu. A directora da Coral Polifónica de Ribadeo, Mª Carmen Rodríguez Cancelo, subliñou que “Carlos Cid é unha figura imprescindible da historia da música de Ribadeo”. Ao acto deste mediodía acudiu o alcalde de Ribadeo, Fernando Suárez, xunto a representantes da Banda de Música, de Amadores da Música, da EMMeD, do IES de Ribadeo, da parroquia de Santa María do Campo e da Peña Madridista del Eo.
Os actos deste centenario están organizados pola Coral Polifónica de Ribadeo e a Sociedade Filantrópico Dramática e contan coa colaboración do Concello de Ribadeo e da Xunta de Galicia...
leer más
A Delegación de Cultura do Concello de Foz programa para os vindeiros días actividades de música e teatro.
Mañá, xoves, a compañía Ubú Teatro interpretará a obra Leonardo e os fontaneiros, de María Victoria Moreno, escritora homenaxeada este ano no Día das Letras Galegas. A actuación terá lugar na Sala Bahía ás 11:00 horas con entrada gratuíta e está dirixida a alumnos e alumnas de 5º e 6º de primaria.
Este venres, 25 de maio, dentro das actividades do Festival de Voces Xóvenes actuará o grupo vocal Entrelas de A Coruña. Terá lugar na igrexa parroquial de Foz ás 20:30 horas. A entrada é gratuíta.
E o sábado 2 de xuño na escola de música focense haberá unha masterclass impartida por Pablo Castaño, saxofonista, arranxista e compositor que exerce a docencia no Conservatorio de Grado Medio de...
leer más
A cita foi presentada no escenario no que se vai desenvolver, o Conxunto Histórico Artístico de Sargadelos, polo alcalde de Cervo, Alfonso Villares, e a edil de Cultura, Dolores García Caramés, acompañados por Inés Cobas e Isabel Fernández, en representación da Asociación de Mulleres Rurais “As Espalladoras”, e de Alberto Casas, que repite na organización.
Segundo explicou Villares nesta nova edición de Gadélica "seguimos contando co apoio importante na colaboración e a organización das Espalladoras, que fan que este evento sexa posible; así como de varios veciños que, dun xeito totalmente altruísta, se entregan ao 100% para levar adiante este proxecto. Un evento no que a música e a natureza se fusionan ofrecendo unha faceta diferente e máxica desta paraxe, na que volveremos prestar especial atención á decoración e a ilumniación, de xeito...
leer más