O Vicedo
Un ano máis chega o Concurso de Fotografía "Turismo O Vicedo", que este ano trae novidades .
O tema de este IV Concurso é o patrimonio histórico, entendendo por isto monumentos, igrexas, pontes ou elementos da arquitectura popular como cabozos, muíños, cruceiros, fontes, refuxios ou lavadoiros.
En total vanse repartir 650 euros en premios. A presentación de traballos remata o 10 de agosto.
Bases do concurso en galego: https://drive.google.com/.../12WVBNigOJfHgNflyL2U.../view...
O Concello de O Vicedo presentou a súa programación sociocultural para este mes de xullo que dará comezo o vindeiro luns, día 5 de xullo, coa semana gratuíta de iniciación ao kaiak para xoves do Vicedo de 10 a 18 anos.
O día 7 de xullo ás 16:30 horas terá lugar a presentación dos mércores de natureza con táboas paddle sup e kaiaks pola costa de O Vicedo. O punto de encontro estará na praia de Arealonga. A idade mínima dos participantes é de 12 anos e haberá un prezo especial de inicio de 10 euros.
O 14 de xullo ás 22:30 horas celebrarase unha ruta de sendeirismo nocturna que discorrerá pola Ponte sobre o río Sor, Vicedo e Xilloi, cunha lonxitude de 7 quilómetros. A saída será desde a Ponte e opcionalmente, ao remate, haberá un chocolate/refresco/cervexa en Merendero Los Árboles. O prezo será 2 euros por persoa....
leer más
O mes de xullo do 61 quedou marcado a madeira, morte e salitre na memoria colectiva dos pobos mariñeiros dende Brest ata Ferrol de tal xeito que agora, 60 anos despois, e cando xa moitos dos protagonistas que saíron con vida daquela terrible experiencia que foi pasar unha galerna non están entre nós, perviven na transmisión oral moitos feitos e anécdotas do acontecido en alta mar e nos portos aos que ían chegando barcos desfeitos e novas de vivos e mortos.
Como homenaxe a tódolos mariñeiros e ás súas familias, e co obxectivo de deixar para a posteridade en formato audiovisual as vivencias das xentes do mar da nosa contorna, Nordés veu a producir, en colaboración co Concello de O Vicedo, un documental que leva por título “Ecos da Galerna do 61”, realizado por Pinancho audiovisuais e que vai ser estreado os días 10, 11 e 17 de xullo nas...
leer más
O Concello de O Vicedo organiza un curso de iniciación ao kaiak que se desenvolverá do 5 ao 9 de xullo de 17 a 19 horas.
Esta actividade está dirixida a nenos e nenas desde os 10 anos e que estean empadroados no Concello do Vicedo. Hai dez prazas, que serán asignadas por orde de inscrición. Esta debe facerse a través do teléfono 982.59.01.95.
A organización explica que é “unha actividade gratuíta para gozar da costa, das praias, da ría, do río Sor e de todo o entorno natural do municipio. Desenvolverase en diversas zonas, que irán variando en función das condicións meteorolóxicas”.
A Casa da Cultura vicedense acollerá o 12 de xuño a presentación do libro "Sucesos marítimos do Porto do Vicedo", de Hixinio Puentes, onde se repasa a historia de diferentes sucesos marítimos dos que o autor puido recompilar información de diferentes fontes e que teñen como punto en común a zona marítima do Vicedo ou protagonistas do Vicedo. O libro contén tamén unha morea de curiosidades sobre a zona e o mundo do mar que o fan moi ameno. A edición do libro contou coa axuda económica da Deputación de Lugo.
A presentación será este sábado, 12 de xuño, ás 12 da mañá no Salón de Actos da Casa da Cultura e contará coa presenza do propio autor, Hixinio Puentes, e do alcalde do Vicedo, Jesús Novo.
Debido ás limitacións sanitarias da COVID-19 o aforo será limitado.
A Biblioteca de O Vicedo celebra o día 14 de maio o Día das Letras Galegas ademais do Día do Libro Infantil e o Día das Bibliotecas.
Este venres, 14 de maio, ao longo da tarde, na Biblioteca do Vicedo expedirase o carné de biblioteca gratuíto que servirá tamén para calquera biblioteca da comarca e do resto de Galicia.
Ademais entregarase un pequeno agasallo para cada neno e nena que ese día se pase pola Biblioteca do Vicedo.
Esta actividade está organizada coa colaboración do Concello de O Vicedo e a Rede de Bibliotecas Públicas de Galicia.
O delegado territorial da Xunta en Lugo, Javier Arias, e o secretario xeral de Política Lingüística, Valentín García, asistiron hoxe á colocación dunha campá no Fuciño do Porco que forma parte dunha iniciativa de promoción turística impulsada conxuntamente polos concellos do Vicedo e Portomarín. Tamén estiveron os respectivos alcaldes, Jesús Novo e Juan Serrano.
Así, o novo elemento instalado hoxe, procedente dun barco pesqueiro, irá acompañado dunha placa que advirte de que aqueles que toquen a campá adquiren a “obriga” de visitar Portomarín. Neste municipio xa hai outro sino idéntico que anima a ir ao Vicedo.
Arias destacou o feito de que ambos municipios se puxesen dacordo para impulsar “esta singular iniciativa” que, de seguro, vai incentivar o “tránsito de visitantes entre os dous concellos, entre o interior...
leer más
Esta semana...teatro. Unha nova representación teatral na Casa da Cultura. Nesta ocasión son os compoñentes do grupo de teatro da Asociación de Axuda ó Enfermo Mental A Mariña os que se achegan a representar a obra infantil: "A maxia dos sentimentos".
Trátase dunha oportunidade de pasar unha boa tarde de domingo en compañía do teatro.
Será mañá, 11 de abril, ás 19 horas. A entrada é gratuíta e está limitada a 60 asistentes polas normas sanitarias pola COVID-19.
A narradora Antía Vázquez protagonizará unha sesión de contacontos, dirixida ao alumnado, na que recreará a historia da Apalpadora, unha personaxe do Nadal que este ano retrasou a súa chegada ata a primavera.
A actuación terá lugar no Parque de San Francisco, en Ribadeo, ou no Teatro en caso de mal tempo, ás 17:30 horas o vindeiro domingo, 11 de abril.
E grupo de teatro A Mariña representará a obra A maxia dos sentimentos. A actuación terá lugar tamén o vindeiro domingo, día 11, ás 19:00 horas na Casa da Cultura de O Vicedo.
A obra céntrase na importancia de manifestar os sentimentos nas relacións cos demais.
Ambas citas inclúense nas actividades promovidas pola Área de Cultura da Deputación en colaboración con Concellos e asociacións.
Nova actividade na Casa da Cultura para esta semana. Neste caso, organizada por Educando en Familia, o contacontos Caxoto presenta o seu espectáculo para nenos de ata 5 anos de idade.
Será o venres, 12 de marzo, ás 16:30 horas na Casa da Cultura. Debido ás restricións da COVID-19 o aforo está limitado a 60 persoas. Entrada libre e gratuíta.