Ourol
03/03/2017
O Concello de Ourol, a través do departamento de Servizos Sociais, organiza varios actos para conmemorar o Día Internacional da Muller que se celebra o 8 de marzo.
O sábado, 11 de marzo, haberá unha xuntanza de mulleres cunha charla de sensibilización e comida-baile.
Dará comezo ás 13:30 horas no edificio multiusos do Concello de Ourol . O custe da comida é 10 euros e o prazo para anotarse remata o mércores 8 de marzo. O abono é previo a retirada de entradas no departamento de Servizos Sociais.
28/02/2017
A Casa da Cultura de Ourol acolle o xoves, 2 de marzo, unha charla sobre nutrición infantil.
Organizada polo Concello de Ourol, a Biblioteca Municipal e o Centro de Fisioterapia, dará comezo ás 17:30 horas e está dirixida a pais, nais e profesionais que traballen con alimentos e nenos/as. O teléfono de inscrición é o 982 55 90 19.
Os obxectivos desta charla son: informar sobre o exceso de peso e a obesidade de nenos/as, detectar se a alimentación é correcta para a súa idade, proporcionar hábitos e costumes para elixir os alimentos e tratar a ausencia de educación alimentaria nos colexios.
28/11/2016
O obradoiro "O móbil e o banco de recordos" estará en Ourol o 3 de decembro. Esta actividade está organizada pola Fundación TIC da Deputación Provincial de Lugo, que invita a participar ás persoas maiores de 55 anos. Os asistentes deberán levar as súas fotos máis apreciadas para que se lles ensine a dixitalizalas co seu móbil e realizar posteriormente un álbum moi especial.
Os interesados poden anotarse no número de teléfono 982 559019. A Fundación TIC fai un chamamento á participación para que a memoria dos nosos maiores perdure na rede.
Este obradoiro "O móbil e o banco de recordos" terá lugar o 3 de decembro ás 16:00 horas na Casa da Cultura de Ourol.
18/10/2016
A Biblioteca Municipal e o Centro de Fisioterapia de Ourol van levar a cabo unha serie de obradoiros coa finalidade de educar aos nenos/as en hábitos de vida máis saudables e diminuír a dor de espalda entre a comunidade escolar.
Entre os obxectivos figuran coidar a nosa espalda, ensinar hábitos saudables, coñecer a importancia do exercicio físico e corrixir os erros máis común.
Os destinatarios son país e nais e nenos/as de entre 0 e 12 anos. A inscrición ata o 26 de outubro, pode realizarse na Casa da Cultura ou no número de teléfono 982 55 90 19.
O primeiro obradoiro de saúde e exercicio, que estará centrado no coidado da espalda infantil, será impartido por Víctor Rodeiro López,...
leer más 22/08/2016
O grupo Ourelo organiza un obradoiro de elaboración de conservas os días 5, 6 e 7 de setembro.
Esta actividade desenvolverase en Bravos, Xerdiz e Ourol, sempre e cando se reúna un número suficiente de persoas para celebrar un obradoiro en cada parroquia, en caso contrario realizarase en Ourol. O horario será de 18:00 a 20:00 horas e o prazo de inscrición é ata o 2 de setembro no teléfono 982 55 91 09.
Nestas xornadas de carácter práctico se coñecerán os xeitos máis comúns de elaboración de conservas explicando as técnicas de conservación que mellor se adecúan a cada produto, todo elo de forma práctica. Elaboraranse conservas dos vexetais máis típicos...
leer más 10/08/2016
O grupo Ourelo coa colaboración do Concello de Ourol, e a través do programa Iniciativa Xove, organiza este sábado, 13 de agosto, unha xornada de Mecánica e Robótica.
A partir das 16:00 horas na praza do Concello e no edificio multiusos haberá varios stands con diferentes actividades. Terán lugar charlas anticontaminación nas que se tratarán temas como o dieselgate, as emisións dos coches e novos sistemas de anticontaminación. Se abordará ademais o coche de hidróxeno e o seu funcionamento, e levarase a cabo un obradoiro do motor no que se explicarán as partes dun motor diésel e gasolina mediante a construción dunha maqueta. Nesta xornada abordarase ademais a mecánica básica impartíndose obradoiros prácticos para unha condución...
leer más 31/07/2016
O grupo Ourelo coa colaboración do Concello de Ourol e a través do programa iniciativa Xove, organiza o 6 de agosto unha Xornada da Ciencia.
Dará comezo ás 16:00 horas na praza do Concello, e haberá sinxelos experimentos científicos que os nenos e nenas poderán realizar, xogos, fósiles, fluídos non newtonianos, experimentos con xeo seco, foguetes, efectos especiais, química do amor, coche de hidróxeno e moitas cousas que descubrirán a parte máis divertida da ciencia.
A entrada é libre e de balde. En caso de choiva a xornada celebrarase no Pavillón municipal.
21/07/2016
O grupo de moz@s Ourelo organiza para o vindeiro martes, 26 de xullo, o seu próximo obradoiro, que terá por título A muller na literatura e na ciencia.
Neste obradoiro, desde unha perspectiva práctica, coñeceranse ás mulleres que máis destacaron nestes dous eidos. Os asistentes elaborarán un álbum coas biografías e pensamento de mulleres que destacaron na ciencia, na literatura o una mecánica.
O obradoiro terá lugar o 26 de xullo entre as 11:00 horas e as 13:00 horas, na Biblioteca Municipal de Ourol. Os interesados poden facer as súas inscricións no teléfono 982 55 90 19.
14/07/2016
A A.C.R.D. Aturuxeiros de Bravos organiza a V edición do Festival Aturuxo que terá lugar en Bravos-Ourol o día 30 de xullo.
Comezará ás 13:30 horas coa sesión vermú a cargo de AC Son D´aquí. Durante a tarde haberá xogos e competicións populares, ademais impartirase o obradoiro de baile 100% Cempés, previa inscrición e cun prezo de 3 euros para os socios e 5 euros para non socios.
Ás 21:30 horas comezarán os concertos coas actuacións de Punkestra Chumeiras, Os Cempés, Zénzar e Skandalo GZ. A entrada e a acampada serán de balde.
22/06/2016
O Concello de Ourol a través do departamento de Servizos Sociais organiza unha ludoteca de verán.
Comezará o 1 de xullo e rematará o 12 de agosto en horario de 10:30 horas a 13:30 horas de luns a venres. Terá lugar en distintas dependencias do Concello como a piscina, o pavillón, o multiusos ou espazos naturais.
Os destinatarios son rapaces e rapazas empadroados no Concello de Ourol de idades comprendidas entre os 4 e os 16 anos. As prazas serán cubertas por orde de inscrición e a solicitude de praza poderá realizarse polo período completo, por semanas ou por días concretos establecidos no momento de realizar a matrícula. O prazo para anotarse é ata o...
leer más