Viveiro

Tarabela Teatro chega o sábado, 9 de marzo, a Viveiro con “Boa sorte, mala fama”. Será no Teatro Pastor Díaz ás 20:30 horas. O elenco artístico está formado por Carmen Conde (narración oral), Mariña Pena (elenco) e Nastasia Zürcher (música ao vivo)

Sempre se soubo, claro está, que as anduriñas son aves de bo agoiro, que alí onde aniñan traen fortuna, que anuncian a primavera e que os mariñeiros as tatuaban na pel por cada travesía da que lograban retornar. Pouco se fala, en cambio, do molestas que se lle fan a moita xente co seu canto agudo e de que enchen todo de excrementos. Por iso estas aves dan boa sorte, pero teñen mala fama. Ningún outro animal se parece tanto aos emigrantes galegos: estamos en cada continente, vivimos facendo colonias, temos na cabeza o camiño de volta a casa e marchamos por necesidade. E, igual que as anduriñas, gañamos mala fama,...

O Concello de Viveiro, a través da Concellería de Promoción Económica, anuncia unha charla sobre reclamación dos gastos hipotecarios, actividade organizada pola Unión de Consumidores de Galicia. Terá lugar ás 19:30 horas do luns 4 de marzo na Sala Multiusos do Concello.

O obxectivo da actividade é informar á cidadanía dos importes que poden reclamar e do prazo do que dispoñen, así como da documentación e do procedemento que deben seguir para levar a diante a súa reclamación.

Enmárcase no ciclo de actividades informativas que a UCG puxo en marcha no mes de febreiro para explicar ás persoas que aínda non o fixeron como reclamar os gastos dos préstamos hipotecarios formalizados antes da entrada en vigor da Lei 5/2019, do 15 de marzo, reguladora dos contratos de crédito inmobiliario.

O complexo cultural RegalXunqueira, no municipio de Viveiro, acolle desde este venres, 1 de marzo, ata o 31 deste mes unha exposición de pinturas do artista Xolo titulada “Arte con Futuro”.

Xosé López Losada, de pseudónimo Xolo, naceu en Ourol o 8 de abril de 1967 e explica: “a arte é toda a miña vida. Comeza a miña carreira artística aos 5 anos. Aos 8 anos merco as primeiras acuarelas e fago unha copia dunha obra de Velázquez. En 8º de EXB gaño un premio de postais de Nadal no Concello de Ourol e outro de carteis do Día das Letras Galegas.

En 2º de BUP pinto os bastidores dunha obra de teatro. En COU pinto o mural das salas de audicións do Centro de ensinanzas integradas.No ano 1987 trasládome a Salamanca para estudar Belas Artes, onde conseguín matrícula de honra no primeiro curso de Universidade. A finais do...

A Banda Municipal de Música O Landro, de Viveiro ofrecerá un concerto acompañada pola mezzosoprano Sonia Bouzada e o barítono Gabriel Alonso no Teatro Pastor Díaz este sábado, 2 de marzo, ás 20:30 horas. A entrada é de balde

“Prepárense para unha experiencia musical inesquecible co Concerto Adral, organizado pola Xunta de Cofradías da Semana Santa de Viveiro e que leva por título "A paixón según San Marcos", de Jacob de Haan, onde a voz da mezzosoprano Sonia Bouzada, a do barítono Gabriel Alonso e as apaixonantes palabras do noso narrador Javier Franco en conxunto, contrastan e compleméntanse de maneira harmoniosa, creando un espectáculo auditivo emocionante e conmovedor. Tamén faremos a estrea da Marcha procesional "Ecce-Homo de los Franceses", gañadora do II Concurso de Marchas Procesionais Blas García Liz, e a entrega do premio ao...