Viveiro
A Irmandade do Prendemento de Viveiro será a encargada de poñer á venda a Medalla Conmemorativa do Mercado Renacentista a un prezo de 5 euros e que se poderá mercar tanto no local dos claustros de San Francisco como na oficina de turismo. Deste xeito continúase coa colección baseada na heráldica das liñaxes e escudos da época. Este ano estará dedicada á heráldica de Hevia Pumariño, que se atopa na Igrexa das Concepcionistas de Viveiro.
A Irmandade do Prendemento tamén se encargará do alugueiro de traxes de época para o Mercado Renacentista a prezos accesibles. Haberá unha ampla variedade de traxes para nenos e nenas, mulleres e homes, cos seus correspondentes complementos. Ademais renovouse e ampliouse a oferta de traxes e accesorios. O prezo dos alugueiros será de 15 euros para nenos e nenas e entre 20€ e 25 euros para persoas adultas....
leer más
O deputado provincial de Promoción Económica e Social, Pablo Rivera Capón, e Esteban Girón, membro da organización do Resurrection Fest, presentaron nos xardíns do Pazo de San Marcos (Lugo) a vixésimo primeira edición do festival. A cita internacional do hardcore, metal e punk celebrarase do 1 ao 5 de xullo e contará un ano máis cun patrocinio de 150.000 euros da Deputación de Lugo, institución que apoia este evento desde a súa primeira edición.
Rivera Capón puxo en valor o crecemento experimentado polo Resurrection Fest e a proxección internacional que lle achegou á Mariña e á provincia de Lugo, ao tempo que lembrou a figura do entón alcalde Melchor Roel, que “soubo ver unha oportunidade onde outros podían ver unha aventura incerta”. Salientou que o Resurrection Fest é “un claro exemplo de como a cultura pode crear riqueza, actividade...
leer más
O Concello de Viveiro manterá aberto durante os meses de xullo e agosto o campo de fútbol Marcos Gómez, en horario de 8.00 a 15.00 horas.
“O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival”, explica o Concello de Viveiro que tamén subliña “a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade”.
As festas patronais de San Pedro, no municipio de Viveiro, celébranse o venres 26 e o sábado 27 de xuño.
As actividades comezarán o venres ás 20:30 horas con churrascada amenizada polo grupo Fol do Raxal, a través do programa Tradigalu, da Deputación de Lugo. Despois haberá verbena amenizada pola orquestra Suavecito e o dúo Belinda.
E o sábado ás 13:00 horas celebrarase misa solemne e procesión. A continuación comezará a sesión vermú coa orquestra Escaparate e o grupo Lecer. Tamén haberá xantar popular e despois baile con Rackel DJ e JLO el Romántico. E na verbena actuarán a orquestra Escaparate e o grupo Lecer.
O Concello de Viveiro anuncia que a alcaldesa, Mariña Gueimunde, presidirá o luns 29 de xuño unha xornada divulgativa sobre a eclipse total de sol que terá lugar o 12 de agosto. A actividade, impulsada pola Deputación de Lugo, celebrarase ás 19:30 horas no Multiusos e contará coa intervención de Lucía González Cuesta, doutora en Astrofísica e divulgadora científica. A entrada será libre ata que se complete o aforo.
“O Goberno municipal apostou por que Viveiro formase parte desta programación divulgativa e facilitou a celebración da sesión no municipio, ante o interese científico, social e turístico dun fenómeno que situará á provincia de Lugo entre os territorios máis destacados para a observación da eclipse”, explica o Concello, que engade: “a alcaldesa Mariña Gueimunde mantén un especial interese por esta cuestión e por que a veciñanza...
leer más
A parroquia de Covas, no municipio de Viveiro, celebrará as festas en honra a San Xoán Bautista desde este martes, día 23 de xuño, ata o venres 26.
As actividades comezarán o martes con verbena amenizada polas orquestras Acordes e New York e ás doce da noite acenderase a Gran Lumeirada
O mércores ás 11 horas haberá pasacalles coa Escola de Gaitas Cacharela de Covas; ás 13 horas celebrarase misa solemne e procesión coa Banda da Misericordia, polo programa Tradigalu da Deputación de Lugo; a continuación, sesión vermú amenizada pola orquestra Salsarena, que tamén actuará na verbena xunto á orquestra Capitol.
O xoves 25 haberá pasacalles con Non cho digo e a Escola de Gaitas Cacharela de Covas; a continuación, sesión vermú amenizada pola orquestra Trébol, que tamén actuará na verbena. E desde...
leer más
O Concello de Viveiro colaborará coa Banda de Música O Landro na organización duns obradoiros de construción de instrumentos musicais con material de refugallo. Trátase dunha proposta que une educación ambiental, creatividade e formación artística e que se desenvolverá durante este verán, nos meses de xuño e xulllo, no Conservatorio de Música de Viveiro.
A iniciativa conta tamén coa colaboración de FCC Medio Ambiente, empresa adxudicataria do servizo vinculada á xestión dos residuos no municipio. Desde o Concello de Viveiro sublíñase que “este tipo de actividades permiten avanzar na concienciación ambiental e, ao mesmo tempo, implicar á sociedade, ás asociacións e ás novas xeracións na importancia de preservar o medio natural a través de propostas prácticas e participativas”.
Durante a presentación da actividade o...
leer más
O Concello de Viveiro abrirá do 15 ao 28 de xuño o prazo para solicitar autorización para celebrar comidas e ceas na rúa o vindeiro 11 de xullo, con motivo da Feira Renacentista 2026. As persoas interesadas dispoñerán dun formulario específico para solicitar tanto o uso de espazos de titularidade municipal como o préstamo de material.
“Os formularios estarán á disposición das persoas interesadas no Rexistro municipal e na páxina web do Concello. No caso dos establecementos de hostalería que presenten a solicitude en representación do negocio, esta deberá tramitarse a través da administración electrónica con certificado de representante”, explica o Concello de Viveiro, que ademais lembra que “deberán presentar solicitude tanto os particulares como os establecementos hostaleiros que desexen organizar comidas ou ceas na rúa durante a Feira...
leer más
Este venres, día 12 de xuño, e o sábado 13 case 40 establecementos participan na campaña Shopping Weekend ou tamén coñecida como a campaña do 20%, anuncia a Asociación de Comerciantes do Centro Histórico de Viveiro, que organiza unha nova edición dunha das súas “campañas estrela, o Shopping Weekend, unha iniciativa destinada a dinamizar o comercio local e incentivar as compras durante a fin de semana. No ano 2024 o CCHV foi finalista nos Premios Comercio Dinamización por esta orixinal iniciativa, que se prepara con tan só 24 horas de antelación, xerando un efecto sorpresa non só nos clientes senón tamén nos propios comerciantes que se enteran 24h antes de que se vai levar a cabo a iniciativa. Son 39 establecementos adheridos á campaña os que ofrecerán descontos especiais nunha ampla selección de artigos, convertendo o centro histórico nun atractivo punto de compras...
leer más