Xove
O evento foi presentado polo alcalde, Demetrio Salgueiro, a concelleira de Cultura, Dolores Meitín, e por Xan Carballal, director do evento. Os profesores convidados son Sofía Canoura, frauta; Rebeca Maseda, violín; e Iván Siso, violonchelo. As clases deste XXVII Curso de Formación Orquestral desenvolveranse ás 10, ás 12:30 e ás 16:00 horas.
Haberá un concerto de cámara o xoves, 13 de abril, ás 18 horas y o concerto final será o día 14 tamén as seis da tarde. Ambos celebraranse no salón de actos do centro cívico.
O curso está organizado por PrestoXove e conta coa colaboración do Concello xovense e da Deputación de Lugo.
A Asociación Cruz de Loureiro de San Isidoro de Monte, organiza as festas patronais da parroquia en honra a San Isidoro, o sábado 8 e domingo 9 de abril.
Os festexos darán comezo o sábado, ás 13:00 horas, coa misa solemne na igrexa parroquial e procesión na honra de San Isidoro. Ás 14:00 horas terá lugar a sesión vermú con Diamantes, e ás 15:00 horas celebrarase un xantar nunha carpa totalmente pechada (para inscribirse hai que chamar ao teléfono 646 647 619).
Pola tarde, a partir das 17:00 horas, haberá verbena con Diamantes e Fenix. A comisión ten preparados tres trofeos para as tres mellores parellas de baile nesta verbena, ademais de trofeo para a parella máis vella e máis nova.
O domingo continuará o programa de festas ás 10:00 horas, coa ruta de sendeirismo de Penasagudas á Cruz do...
leer más
Tras un mes de obras onte reabriu en Xove a pizzería Onde Sempre, un local rexentado por Juan Carlos López e Viviane Ferreira, e no que poden degustarse hamburguesas, baguettes quentes, sandwiches, pizzas, perritos, bocadillos, ensaladas e pratos combinados.
Juan Carlos López explica que “nesta nova etapa, que iniciamos agora, introducimos algunha novidade na nosa carta como dúas hamburguesas gourmet, algunha ensalada especial, racións… e para algunha destas elaboracións contamos con conservas artesáns da man de Currimar, empresa radicada aquí tamén no noso concello, en Xove”.
Onde Sempre abre de 7 da mañá ata o peche, segundo indica Juan Carlos López, “abrimos todos os días do ano, incluso no Nadal. Para iso contamos con 5 empregadas, co obxectivo de ofrecer o mellor servizo á nosa clientela”. López lembra que...
leer más
A Asociación Cultural Saíñas de Xove, en colaboración co Concello, organiza a XII Festa do Lacón que terá lugar o vindeiro sábado, 1 de abril.
Esta festa celebrarase no pavillón municipal de deportes a partir das oito e media da tarde.
O prezo da ración será de 9 euros, pero si se retiran os tíckets anticipadamente será a 8 euros. A venda anticipada é en Estética Marta. O menú está composto de sopa, pataca, chourizo, lacón, pan, bebida e inclúe chocolatada. Haberá sorteos.
A xornada completarase con festa rachada a partires das 23:00 horas con Zalex.
A XVI Festa do Polbo da Pedra terá lugar en Xove o 13 de abril a partir das sete da tarde. Oito establecementos hostaleiros servirán racións deste exquisito cefalópodo ao prezo de 9 euros.
O evento gastronómico está organizado pola Aciam xovense, que conta co patrocinio do Concello e a colaboración da A.C. Saíñas.
Desde a organización sinalan que “somos un grupo de hostaleiros de Xove que queremos contribuír a promocionar o noso pobo, para o que pensamos en organizar unha festa gastronómica, xa que esa é a área na que mellor nos desenvolvemos. O mesmo que outros lugares da comarca, cremos que temos produtos que son merecentes de ser promocionados, coincidimos todos en que o polbo da pedra, denominación coa que coñecemos o polbo que se captura na nosa costa, é un produto de altísima calidade, tal como nos amosan...
leer más
O grupo de sendeirismo da ACD Xove fará a presentación das Rutas de Sendeirismo-2017 o 18 de marzo. O acto terá lugar na Aula de Formación do Concello de Xove ás 19:30 horas.
Nesta presentación farase entrega a cada asistente dun calendario de rutas, farase unha explicación de cada unha delas, e tamén se falarán de asuntos de organización para a presente tempada de Sendeirismo.
Desde o grupo de sendeirismo da ACD Xove convidan a tod@s amantes das andainas na natureza a asistir a esta presentación, e participar nesas rutas que programan para este ano coa colaboración do Concello de Xove.
"Mámoas e círculos: unha aproximación ao patrimonio arqueolóxico do concello de Xove", é o título da conferencia que o arqueólogo Ignacio Vilaseco Vázquez impartirá o próximo sábado, día 11 de marzo, ás 19.00 horas na Aula de Formación (fronte ao xeriátrico) en Xove.
No catálogo de xacementos arqueolóxicos do PXOM de Xove figuran 32 xacementos: 21 mámoas, 7 castros e 4 sitios arqueolóxicos doutro tipo. O PXOM non recolle no catálogo as últimas incorporacións que a Dirección Xeral de Patrimonio incluíu no seu inventario e, por suposto, tampouco inclúe as mámoas recentemente descubertas nin a estrutura circular de Lavandeira. “Estes datos dannos unha idea da gran importancia que ten o patrimonio arqueolóxico de Xove”, din desde Mariña Patrimonio.
Mariña Patrimonio coa organización desta conferencia do arqueólogo...
leer más
O Concello de Xove, a través da súa Concellería de Servizos Sociais, programa varias actividades con motivo da celebración do Día Internacional da Muller que se conmemora o 8 de marzo.
O 10 de marzo, entre as 17:00 e as 19:00 horas, vaise desenvolver na Oficina de Información Xuvenil, un Mannequin Challenge. Para participar hai que anotarse antes do mércores 8 de marzo, na propia Oficina de Información Xuvenil.
O domingo, 12 de marzo, a partir das 17:30 horas no salón de actos do Centro Cívico, terá lugar a X Chocolatada Día da Muller.
Tamén ese domingo terá lugar unha homenaxe a Constantina López Martínez, a muller máis lonxeva do municipio con 100 anos de idade. O alcalde, Demetrio Salgueiro, acompañado pola concelleira de Servizos Sociais, Ana Abad, faranlle entrega dun ramo de flores...
leer más
O programa do Entroido de Xove terá lugar do 18 de febreiro ao 4 de marzo. O desfile será o 25.
Estas actividades van comezar esta semana, concretamente o sábado 18 de febreiro coa apertura da exposición de fotogrfía Homes e bestas, que recolle preto de 50 fotografías realizadas polo fotoperiodista José María Alvez e por Sergio López, este último fundador de Foto Sergio de Burela, finado hai xa uns anos. Esta mostra estará aberta ata o 4 de marzo, diariamente en horario de 18:00 a 21:00 horas na Sala de Exposicións do Centro Cívico.
O 24 de febreiro a Concellería de Servizos Sociais organiza o Festival de Entroido da Escola Infantil de Xove, que terá como prólogo un desfile polas rúas de Xove para rematar co propio Festival no Salón de Actos do Centro Cívico a partires das 11:00 horas.
...
leer más
Todo está listo para a celebración da feira multisectorial Agora Xove, que arrinca mañá ás 11:00 horas co acto de inauguración no que participarán o actor e presentador da TVG, Roberto Vilar, o alcalde xovense, Demetrio Salgueiro e os tres empresarios homenaxeados nesta cita, que son Josefa Guerreiro, Telmo Mariño e Antonio Rey.
Despois do acto inaugural dará comezo unha fin de semana chea de actividades na carpa de 1.200 metros cadrados, que acollerá Agora Xove, e tamén no pavillón deportivo. Ás 12:30 horas haberá unha charla a cargo de Rosa Lage, axente de emprego e desenvolvemento local do Concello de Xove, que falará sobre O apoio do Concello de Xove á creación de emprego.
A continuación degustación de produtos artesáns de Currimar, exhibición de corte, degustación de xamón e cata e degustación de viños a...
leer más