Eventos
Volven as Xeorutas durante a Semana Santa. Serán os días 5 e 8 de abril. Ademais estarán abertos o barco museo e o oficina de turismo, segundo deu a coñecer o edil Ramiro Fernández.
O concelleiro de Turismo indicou que “de cara á próxima Semana Santa, que xa está chegando, desde a Concellería de Turismo vamos poñer en marcha unha actividade que está tendo moito éxito: as rutas xeolóxicas. Preparamos unha ruta xeolóxica para o mércores 5 de abril a partir das catro e media da tarde, que vai comprender a área de A Marosa, onde nos explicarán as características xeolóxicas desa zona. E para o sábado 8 de abril pola mañá, porque a zona do Perdouro depende das mareas para ser visitada, temos planeada outra ruta para toda esta xente que vai vir visitarnos nesta Semana Santa, que esperamos que sexa moita. Esa ruta empezará ás 10 e media da mañá...
leer más
O Concello de Foz anuncia que a Oficina de Turismo ampliará o seu su servizo para atender aos visitantes que se acheguen ao concello focego a disfrutar da Semana Santa. Abrirá do 3 ao 8 de abril.
O concelleiro de Turismo, Chema Linares, explica que “despois de dous anos de pandemia, cun descenso significativo no número de visitantes, neste Semana Santa prevese unha gran afluencia de visitas polo que é necesario reforzar o servizo”. E especifica que “a oficina abrirá durante a semana do 3 ao 8 de abril, ambos días incluídos, en horario de luns a mércores de 09:00 a 14:00 horas; e xoves, venres e sábado, de 11:00 a 14:00 horas e de 16:00 a 19:00 horas”.
Chema Linares tamén anuncia que “o Centro de Interpretación da Basílica de San Martiño poderá visitarse de martes a sábado de 10:30 a 14:00 horas e de 16:00 a 20:00...
leer más
O complexo cultural RegalXunqueira, de Viveiro, retrasa a celebración dos Días Europeos da Artesania e trasládaa as datas do 4 o 9 de abril. Organiza visitas guiadas ao complexo, que correrán a cargo do artista Otero Regal e en cada visita realizará unha demostración de decoración da cerámica que alí se fai.
Os horarios das visitas aos museos, exposicións e obradoiros son: martes 4 e mércores 5 ás cinco da tarde; xoves 6, venres 7 e sábado 8, ás once da mañá e ás cinco da tarde; e domingo 9 ás once da mañá.
Otero Regal explica que “as visitas terán unha duración de 2 horas como mínimo e o prezo é de 3 euros, cantidade que se pode descontar nunha
compra na tenda de Regal Cerámicas de Xunqueira”.
Para participar nesta actividade hai que reservar previamente no teléfono 664.54.31.03...
O Concello de Cervo acollerá o vindeiro sábado 8 de abril a Gran Festa das Xeracións, organizada polo club de trail local A Fume de Carozo, creado a principios deste ano, coa colaboración do Concello de Cervo.
A cita, que terá lugar na carpa instalada na Praza dos Campos, en San Ciprián, foi presentada polo rexedor, Alfonso Villares, pola edil de Cultura, Dolores García Caramés, e polos membros de A Fume de Carozo, Pepín, Beto e Alejandra.
A Fume de Carozo creouse como club en xaneiro deste ano, formado por un grupo de amigos aos que os une a paixón polo deporte ao aire libre, co obxectivo de “desfrutar xuntos da natureza pero tamén de compartir experiencia e pasar bos anacos entre amigos”, precisan. Así xurdiu esta Festa das Xeracións -apuntan-, como un complemento ás xuntanzas deportivas “coa intención de...
leer más
Este ano volven as visitas guiadas polo Casco Histórico de Viveiro da man do historiador Xesús Martínez, tamén en colaboración ca Xunta de Cofradías de Viveiro.
Esta é xa a undécima edición, e desde o CCH resaltan o éxito obtido nas pasadas edicións que fai que se repitan un ano mais.
“Durante estas datas de afluencia de visitantes a Viveiro parécenos moi interesante ofrecerlles a posibilidade de coñecer a cidade por medio destas visitas guiadas e de xeito gratuíto”, indican desde o CCH.
“O obxectivo é dar a coñecer o noso patrimonio cultural e artístico, non só a visitantes, senón tamén ós lugareños, para os que a maioría das veces o mais cercano é o mais descoñecido. Con esta actividade poténciase o patrimonio material e inmaterial, a historia da nosa vila e como redundou no resto de...
leer más
San Ciprián acollerá o sábado 1 de abril a VII Foliada Nordestía cun programa completo e variado pensado para todos os públicos, que se desenvolverá na carpa instalada na Praza dos Campos.
A cita, que non se celebraba desde o 2019, estáorganizada por A Rebolaxecoacolaboración económica e de material, do Concello de Cervo.
O rexedor Alfonso Villares, a edil de Cultura, Dolores García Caramés, e membros da asociación organizadora A Rebolaxe, presentaron o evento que encherá de vida e moita música San Ciprián durante todo o día.
O programa arrinca ás 12:00 horas con Cantos de Taberna polos diferentes locais de hostalería, ás 15:00 horas está previsto un xantar popular e xa pola tarde haberá xogos e animación infantil a cargo de Miudiño, e un obradoiro de baile, ás 19:00 horas.
... leer más
O Concello pon en marcha o programa Píllara no que van participar 1.300 alumnas e alumnos dos centros de ensino de Ribadeo entre o 27 de marzo e o 9 de abril. O edil de Turismo, Pablo Vizoso, subliñou que se trata dun programa novidoso e interesante que xirará arredor do cambio climático e da creación artística. Vaise desenvolver en diferentes escenarios como o Forte de San Damián, o auditorio municipal, a Casa do Viejo Pancho, os propios centros de ensino, a Escola Municipal de Música ou nas rúas peonís. Píllara conta co financiamento do Concello de Ribadeo e da Área de Mocidade da Deputación de Lugo.
O concelleiro ribadense na súa intervención no salón de plenos dixo que “hoxe xuntámonos aquí para presentar Píllara, un programa tan novidoso como interesante e en cuxo financiamento participamos o Concello de Ribadeo e a Área de Mocidade...
leer más
O delegado territorial da Xunta en Lugo, Javier Arias Fouz, participou esta mañá na presentación da XIV edición da Feira do Ferro que se celebrará en Riotorto o próximo 16 de abril, despois de tres anos. O evento está organizado polo Concello e pola Asociación de Ferreiros de Riotorto e conta co apoio da Xunta, a través da Fundación Artesanía de Galicia, cunha achega económica de 10.000 euros.
Durante a presentación, o delegado destacou a relevancia deste evento como punto de encontro para os profesionais dos oficios do ferro, como espazo para que as novas xeracións atopen referentes do oficio, como visibilizador desta artesanía de cara á sociedade e aos consumidores, ademais de como dinamizador económico e cultural da comarca. Destacou tamén o compromiso da Xunta coa Feira do Ferro de Riotorto, coa que colabora dende a súa creación no...
leer más
Esta fin de semana seguen as experiencias de turismo slow da Mariña Lucense. Deron comezo o pasado 11 de marzo e prolongaranse ata o 23 de abril. O 25 de marzo chegan a Ourol e Viveiro. Dito programa de actividades está organizado pola Mancomunidade de Concellos da Mariña Lucense.
As experiencias de Turismo Slow continúan este sábado, 25 de marzo, con dúas actividades moi diferentes. Por un lado o carpinteiro francés Sebástien Léprevost ofrecerá un obradoiro para coñecer todo o ciclo da madeira e fabricar unha pequena peza no seu taller de Ourol e, por outro Roqsport ofrece vivir unha experiencia diferente en familia e en plena natureza no seu Parque de Aventura de Viveiro, onde se poderán realizar os distintos circuítos de diferentes dificultades entre árbores atravesando pontes, pasarelas, tirolinas, etc e un percorrido de orientación...
leer más
A XVII edición do Mercado de Primavera do Valadouro celebrarase este venres 24 e sábado 25 de marzo.
O venres 24 a partir das 21:00 horas no salón de actos da Casa da Cultura terá lugar o pregón inaugural a cargo da xornalista Susana López Montes e deseguido haberá unha demostración de música e baile en zocas coa Asociación Cultural Amado Lar, do Valadouro, e concerto de Caamaño&Ameixeiras .
O sábado 25 de marzo desde as 10:00 horas ata as 19:00 horas estarán abertos ao público os postos de venda do mercado situados na rúa Andrés López Palmeiro. Desde as 11:00horas os artesáns situados na praza de Santa María ensinarán os seus oficios enxebres: barro, cestos, zocas, fiadeira, ferro... E a esa mesma hora a batukada da Comparsa Os Fandangueiros realizará un pasacalles polas rúas de Ferreira. A partir das 12:00...
leer más