Eventos
En agosto seguen as visitas guiadas ao Mosteiro de San Salvador, en Lourenzá. Teñen lugar de luns a sábado ás 12 da mañá. As persoas interesadas en obter máis información poden dirixirse ao teléfono: 982121006, por correo electrónico a lourenzaturismo@outlook.es ou por whatsapp ao 646384124
O Mosteiro de San Salvador é sen dúbida, o monumento máis importante do concello, un referente do barroco galego. Foi declarado monumento histórico-artístico no 1974.
Os primeiros datos da súa existencia son do 947. A partir do século XII, pasou de mosteiro familiar a mosteiro beneditino. A partir do 1505, intégrase na congregación de San Benito de Valladolid. No 1642, o prestixio da abadía chegou a tal que o rei Felipe IV outorgoulle o título de Marqués de Lorenzana a Don...
leer más
Outro dos grupos participantes nesta 42ª edición da Mostra Folclórica Internacional de Viveiro, o Ballet de Arte Folclórico Arxentino (B.A.F.A.), ademais da participación na Gala Internacional do domingo 7, o sábado 6 de agosto ás 22:00 horas no escenario da Praza Maior de Viveiro, ofrecerá o espectáculo Especial Arxentina.
Trátase dun repertorio composto por obras de diferentes rexións e épocas como a Pampa Arxentina, Estampa de pampa e ceo, Antoloxía do Tango, Carnaval Coya, entre outras, que amosan con detalle cada cal co seu vestiario, as súas danzas, os seus sons, o seu sentir.... O Ballet de Arte Folclórico Arxentino (B.A.F.A.), provén da cidade de xeral Pacheco, partido de Tigre, provincia de Buenos Aires.
É un dos ballets mais importantes de Arxentina. Creado en 1966 polo matrimonio formado por María...
leer más
O Concello de Trabada organiza unha programación cultural e lúdica no verán para disfrutar de diferentes espectáculos artísticos: concertos musicais, cine, maxia... e está dirixida a tódolos públicos.
Na semana das Festas Patronais empezará o venres 12 de agosto coas actuacións na Praza do Concello con Uxía Lambona e a Banda Molona e á noite ás 22:00 horas será a proxección da película Valentina.
O domingo 14 de agosto comezará o día co Programa da Deputación de Lugo "Saborea a túa Provincia". Trátase dunha xornada gastronómica e lúdica que vai estar amenizada co grupo tradicional Tumba e Dalle e pola tarde ás 18:00 horas actuará Kote Malabar, que levará a maxia a Trabada.
O luns 15 de agosto as 18:00 horas terá lugar a actuación de Mamá Cabra.
E o martes 16 de...
leer más
A Xira é como se coñece ao Día da Gaita e a Romaría a Santa Cruz, unha cita popular e gastronómica recoñecida como festa de interese turístico que este ano celebra o seu 60 aniversario. É organizada pola Asociación Amigos da Gaita o primeiro domingo de agosto no monte de Santa Cruz.
Pero a celebración non comeza o domingo senón o día antes, o sábado 6. Esa xornada haberá ás 19:30 horas un pasarrúas a cargo de Amigos da Gaita, seguido do pregón homenaxe ao 60 aniversario e da actuación das escolas no Cine Teatro as 20:00 horas.
E xa o domingo dará comezo a festa. As 12:00 horas, no monte de Santa Cruz haberá amenización musical a cargo de Leña Verde de Pol mentres que no Cantón dos Moreno actuarán as escolas de Amigos da Gaita, seguido dun pasarrúas pola vila a cargo do grupo tradicional Xaramolos e a continuación...
leer más
O Concello de Viveiro presentou a programación completa das súas Festas Patronais 2022, que durante tres semanas no mes de agosto ofrecerán actividades culturais de todos os estilos e para todas as idades.
“Despois de dous veráns de limitacións pola pandemia, recuperamos o pulso habitual das festas, que ademais da programación serán un lugar de encontro para os veciños de Viveiro, os familiares que viven fóra o resto do ano e os turistas que chegan á nosa vila”, asegura a alcaldesa, María Loureiro.
O concello retoma este ano a tradición do pregón das festas patronais a cargo do escritor Ramón Pernas, natural de Viveiro. Será o día 14 de agosto ás 13:00 horas desde o balcón da Biblioteca Municipal. Actuará alí a Banda Municipal o Landro interpretando o himno ‘Catro Vellos Mariñeiros’.
...
leer más
A asociación O Noso Foz, que é a organizadora dos festexos da vila, e o Concello de Foz presentan o cartel das festas do San Lourenzo. Este ano unha fotografía nocturna do porto da localidade, sacada por Pablo Cid, da forma ao cartel dunhas festas que encherán de actividade a vila focega os días 8, 9, 10 e 11 de agosto.
As actividades culturais prolongaranse durante todo o mes de agosto, mais os días fortes comezarán o día 8 co pregón de José María Alonso Fraga, coñecido como Piti, ás 21.00 horas no Parque Rosalía de Castro (Campo da Cabana), que terá continuidade ás 22.30 horas co concerto de Owl Light Trio e Xógara, dous grupos de música tradicional, no mesmo emprazamento.
O día 9 comezarán as verbenas, que nesa xornada será amenizada por Los Satélites e Grupo Beatriz. O día grande será o 10, día de San Lourenzo...
leer más
A Mancomunidade de Concellos da Mariña Lucense colabora na mellora da sinalización turística do legado indiano en Ourol a través de placas con códigos QR e un folleto para ampliar información sobre 17 edificacións. A información estará dispoñible na web de Turismo da Mancomunidade e a publicación na Casa do Concello ourolesa e tamén nas oficinas de turismo da comarca. A iniciativa, que se enmarca no Plan de Sostibilidade Turística, ten por obxectivo revalorizar o patrimonio e a historial local.
No día de hoxe o presidente da Mancomunidade de Concellos da Mariña Lucense, Francisco Cajoto, acompañado do alcalde do Concello de Ourol, José Luis Pajón, de Pilar García Porto, en representación da Deputación de Lugo, Paloma Vázquez por parte da Xunta de Galicia e Isabel Rodríguez, subdelegada do Goberno en Lugo, visitaron o concello ourolense...
leer másCervo celebrará a XXXV Festa da Maruxaina o 13 de agosto. Haberá actividades para todos os públicos.
O Concello de Cervo celebrará a XXXV Festa da Maruxaina o sábado 13 de agosto. A cita foi presentada polos concelleiros de Deportes, de Medio Ambiente, e de Servizos Sociais, David Rodríguez, Mali Méndez e Pilar Armada, respectivamente, e por unha representación das asociacións A Anxuela e Amigos da Maruxaina, que organizan a festa.
Ese día 13 serán os actos centrais, pero xa o venres terá lugar a Pre-Maruxaina co gran chupinazo ás 19:00 horas, seguido da concentración de Maruxainos e Maruxainas na Praza dos Campos, onde haberá degustación de empanadas típicas galegas e bolos preñados. Ás 21:00 horas está previsto o nomeamento do/a Maruxaino/a de Honra 2022, a cargo da Asociación Amigos da Maruxaina.
Xa o sábado, 13 de agosto, será o día grande, que estará animado desde primeira hora polo ritmo de diferentes charangas e...
leer más
O castelo de Castro de Ouro, o emblema do Concello de Alfoz, está aberto de martes a domingo en horario de 11:00 a 14:00 horas polas mañás e de 17:00 a 20:00 horas polas tardes.
A entrada é de balde tanto para visitar as diferentes exposicións coma para ver o val dende a perspectiva que nos ofrece o alto da fortaleza. Ademais, a Oficina de Información Turística encontrase situada neste castelo, polo que o persoal pode informar sobre os distintos recursos de Alfoz e da comarca da Mariña. Contan tamén con audioguías, sen custo, para facer máis amena e interesante a visita e coñecer a historia do Mariscal Pardo de Cela.
Para calquera consulta, chamar ao teléfono 982 558 578.
O Deputado de Participación Cidadá, Roberto García Pernas, participou este mércores no edificio administrativo da Xunta en Lugono acto de presentación da V Romaxe Viquinga do Vicedo, que terá lugar esta vindeira fin de semana. A institución provincial, subliñou García Pernas, colabora con esta “festa xa emblemática e de referencia no calendario festivo da comarca da Mariña e de toda a provincia de Lugo” a través do Plan Único, que inclúe para este evento un importe de 27.211€. O Deputado enmarcou este apoio “dentro da nosa clara liña de cooperación cos concellos e co tecido asociativo para dinamizar a vida social e económica da provincia, e para consolidar o modelo de turismo que defendemos. Un turismo de calidade e sostible, con capacidade para atraer visitantes todo o ano, que pon en valor o noso patrimonio, e que crea riqueza e emprego, sobre todo no noso rural...
leer más
