Ribadeo
30/07/2015
A 25ª edición da semana náutica que organiza o Real Club Náutico de Ribadeo foi presentada hoxe e na súa programación inclúe nove regatas, unha zalea (excursión lúdica en diversas embarcacións) ata o muíño das Aceas e un campionato infantil de pesca.
O presidente do Real Club Náutico de Ribadeo, Ramón Acuña, que estivo acompañado por varios membros da xunta directiva da entidade, explicou este mediodía que “para o club é unha satisfacción presentar hoxe esta 25ª edición da Semana Náutica, na cal por terceiro ano consecutivo temos un programa sinxelo, pero que abarca todas aquelas actividades que durante a Semana Náutica se viñeron celebrando estes 25 anos”.
Ramón Acuña anunciou que as actividades “empezan o día 6 de agosto e...
leer más 30/07/2015
Un ano máis, a Homenaxe ao Gaiteiro que se celebra con ocasión da Romaría de Santa Cruz, en Ribadeo, deixará unha boa nómina de actuacións folclóricas e baile tradicional. Os festexos terán lugar o 1 e o 2 de agosto.
O sábado 1 comeza a romaría sobre as 19.30 horas cun pasarrúas a cargo de Amigos da Gaita e media hora despois María del Carmen Maseda Legaspi pronunciará o pregón no Cine Teatro, seguido da actuación das Escolas. Ás 23 horas, no Parque de San Francisco, actuará o grupo Vaamonde, Lamas y Romero, coa colaboración da Banda Municipal de Música de Ribadeo.
Ao día seguinte, 2 de agosto, a xornada comeza ás 11 da mañá con pasarrúas de Cuarteto Tradicional Xaramolos, Os Campantes da Baña, Airiños da Freba e o Arco da Vella. Ás...
leer más 29/07/2015
O próximo domingo, 2 de agosto, a Comisión de Festas da Patroa organiza nas inmediacións da praza de abastos de Ribadeo unha sesión vermouth co DJ Sergio para recadar fondos para estes festexos. No recinto instalarase unha barra que será atendida polos membros da propia comisión. A cita dará comezo ás 12 do mediodía.
O presidente da Comisión de Festas da Patroa, César Fernández Murias, explica que “imos facer unha sesión vermouth na praza de abastos que consistirá nun pequeno baile co DJ Sergio. Esperamos que haxa a máxima afluencia de xente posible. Haberá unha barra, poñerémola e atenderémola nós e os cartos que recademos son integramente para as festas. Sempre está ben unha tomar unha cervexiña e así axudarnos un pouco”.
Esta é...
leer más 29/07/2015
O IV Torneo de Verán do Pádel Club Ribadeo celebrarase entre o 16 de o 23 de agosto con múltiples actividades relacionadas con este deporte: formación, partido exhibición e sorteo de palas e material deportivos entre os participantes no torneo, que terá lugar nas instalacións do PCR.
As actividades comezan o 16 de agosto co clinic dirixido por 4 xogadores do World Padel Tour: Ramiro Moyano, Fede Quiles, Borja Yribarren e Godo Díaz. Esta formación, para a que é necesario inscribirse, terá lugar dende as 10 ás 13 horas e continuará pola tarde, a partir das 19 horas, cun partido exhibición dos 4 xogadores, que será aberto a todos.
Do 17 ao 23 de agosto celebrarse o torneo entre os participantes inscritos en doblered.es ou no teléfono...
leer más 28/07/2015
A nova edición das Xornadas de Historia Local de Ribadeo estarán dedicadas á pegada da vila na literatura. Son xa trece as edicións deste evento organizado pola Agrupación Cultural Francisco Lanza coa colaboración do Concello de Ribadeo.
A proposta deste ano desenvolverase no Salón de Actos da Casa do Mar de Ribadeo ás 20:30 horas os días 30 e o 31 de xullo. Na xornada do xoves 30 o profesor Suso Fernández Acevedo pronunciará a conferencia Ribadeo na literatura.
Ao día seguinte, 31 de xullo, tres autores debaterán nunha mesa redonda sobre a presenza da vila na súa escrita. Os participantes serán Carmen Blanco, Xavier R. Baixeiras e Santiago Jaureguizar.
24/07/2015
La mariñana Marisol Moreda presentará su libro Un largo camino de rosas blancas el día 3 de agosto en Foz y el día 5 en Ribadeo. Será a las 20 horas en la Casa da Cultura de Foz y a las 20:30 horas en el Teatro de Ribadeo, respectivamente. Los fondos recaudados de la venta de libro, que cuenta una historia de superación ambientada en la postguerra, irán destinados a la investigación sobre enfermedades raras y discapacidad. Marisol Moreda es presidenta de Honor de Otro Mundo es Posible y miembro de la Federación Española de Enfermedades Raras (FEDER).
La escritora recuerda que “en este país hay tres millones de españoles que sufren enfermedades raras y que precisan de la sensibilización de las administraciones, de la sociedad y de los medios de comunicación. El...
leer más 21/07/2015
A Banda Municipal de Música de Ribadeo ten unha nova cita co seu público este sábado, día 25 de xullo: ás 20:30 horas o Parque de San Francisco acollerá o Concerto do Día da Patria Galega, un evento organizado pola Asociación Amadores da Música e do que dá que hoxe detalles David Ballester, director da agrupación. “Interpretaremos diferentes temas e, como non podía ser doutro xeito, no concerto haberá tamén obras galegas, xa que é o Día de Galiza. Esperamos que os que estean por Ribadeo esta fin de semana se acheguen ao Parque San Francisco”, animou o director.
Por se o tempo non acompaña, hai alternativa: “en caso de choiva ou mal tempo iremos ao Cine Teatro, pero esperamos que faga unha tarde boa e podamos gozar todos da música no Parque San Francisco”, comentou David...
leer más 20/07/2015
Os días 19 e 26 de xullo os alumnos do curso de dinamización, que colaboran coa Área de Desenvolvemento Local, Turismo e Comercio, coa programación e desenvolvemento de accións culturais do CIFP Porta da Auga, organizarán xogos tradicionais no Mercado dos Domingos.
Será a partir das 11 horas na praza de abastos e a participación é aberta .
Os asistentes poderán xogar á mariola, á pita cega, botar unha partida ao tres en raia e ás chapas ou lembrar o xogo da rá, entre outros. A actividade está destinada a todos os públicos.
16/07/2015
O vindeiro 1 de agosto celebrarase a XII Festa do Percebe, en Rinlo. No evento, que foi presentado mañá, poranse á venda arredor de 700 quilos de percebe, que se venderán a 13 euros a ración (de 250 gramos). O Concello coorganiza a festa xunto coa confraría de pescadores. O alcalde, Fernando Suárez, agarda que sexa un éxito.
O rexedor dixo que “por décimo segunda vez estamos aquí nesta iniciativa inventada hai algún tempo, igual que o Ribadeo Indiano e que outras tantas cousas, pero aquelas que se crean e que funcionan ben hai que seguir traballando nelas. Se cadra ao principio o Concello dirixiu a Festa do Percebe durante aqueles primeiros anos, pero xa desde bastante tempo atrás estámola coorganizando coa confraría de pescadores de Ribadeo, concretamente coa sección de...
leer más 16/07/2015
O concelleiro de Cultura de Ribadeo, Farruco Graña, presentou hoxe a programación cultural para os meses de verán, un calendario no que a música terá un lugar destacado.Tras a Feira do Libro e o Ribadeo Indiano, as propostas de ocio continúan tamén parellas á literatura e á historia, posto que este anos as XIII Xornadas de Historia Local, organizadas pola A.C. Francisco Lanza, estarán dedicadas á presenza de Ribadeo no universo literario. Celebraranse o 30 e o 31 de xullo.
A arte e as exposicións van ter un punto de referencia no forte de San Damián e na OMIC. “Imos poder ver exposicións ao longo de todo o verán. Onte, mércores 15 de xullo, inaugurouse a exposición de fotografías de Xosé Reigosa, titulada De Marbella a Torremolinos: imaxes de manicomio. Se teñen un...
leer más
