Maiores
Viveiro acollerá unha charla da Policía Nacional sobre seguridade para os maiores. Será este mércores, día 8 de outubro, ás 16:30 horas na Aula CEMIT, que está nos Claustros de San Francisco.
O Concello de Viveiro anuncia que “a Asociación de Familiares de Persoas con Alzheimer (AFA) de Viveiro e a Policía Nacional invítanlles a unha charla informativa sobre o Plan Maior Seguridade. Esta é unha excelente oportunidade para aprender a previr situacións de risco e protexerse fronte a delitos comúns. Temas a tratar: Roubos en domicilios e entidades financeiras, estafas, furtos, e resolución de dúbidas de interese para o día a día”.
O Concello de Alfoz anuncia: “o sábado 11 de outubro celebramos unha nova edición deste encontro especial para as nosas persoas maiores de 65 anos e pensionistas do concello, que poderán ir acompañadas dos seus cónxuxes”.
A xornada comezará cunha misa en San Pedro de Mor e continuará cunha comida de confraternidade no Pavillón Municipal, “con actividades para desfrutar en boa compañía. Porque compartir é a mellor maneira de celebrar!”
As inscricións están abertas ata o 3 de outubro na Oficina de Servizos Sociais do Concello de Alfoz.
O Concello de Trabada inicia o programa semanal de Terapia Ocupacional, unha actividade pensada para mellorar o benestar e a calidade de vida das persoas maiores do municipio. As sesións desenvolveranse de xeito descentralizado nas diferentes parroquias. O programa comezará o martes 23 de setembro na antiga escola de Vidal ás catro da tarde; e ás seis da tarde, no Teleclube de Sante. O mércores 24 de setembro as actividades terán lugar na antiga escola de Valboa ás catro da tarde; e ás seis na Casa da Cultura de Trabada. Finalmente, o xoves 25 de setembro o Teleclube de Vilapena acollerá unha sesión ás catro da tarde, mentres que a Escola de Abres recibirá aos participantes ás seis da tarde.
O alcalde de Trabada, Rubén García Freije, destacou que “despois de iniciar o curso escolar, tamén damos comezo ao curso de actividades para os nosos...
leer más
O Concello de Ribadeo segue apostando polo benestar e a saúde das persoas maiores, e este mes de maio preséntase co tema O coidado da pel: o manexo e a prevención das úlceras por presión. As datas e os lugares de celebración serán os días 14 de maio ás 18:00 en Ribadeo, o 15 ás 16:00 en Cedofeita, o 26 de maio ás 16:00 en Cinxe e o 27 de maio ás 18:00 en Vilaselán.
A concellería de Benestar Social, Saúde e Familia, anuncia a realización dunha serie de charlas informativas durante o mes de maio en diferentes parroquias do municipio. Esta iniciativa enmárcase dentro do programa Preto de Ti, “que ten como obxectivo achegar recursos de saúde, autocoidado e prevención á veciñanza, especialmente á poboación maior e aos seus coidadores”, lembra Elena Sierra.
A edil ribadense explica que “as charlas serán...
leer más
O Concello de Foz, a través da Área de Servizos Sociais, organiza un ano máis a xuntanza dos maiores do municipio. Será o día 23 de febreiro, domingo.
A concelleira de Servizos Sociais, Ana Rojo, anuncia que “esta nova xuntanza celebrarase o día 23 de febreiro na carpa instalada na rúa Atalaia (carpa do Carnaval), habilitada con baños e calefacción. Como novidade este ano, haberá sesión vermú, con música en directo, amenizada polo trío Latino a partir das 13:30 horas. Os asistentes poderán degustar unha comida totalmente gratuíta, cun menú a base de cecina, callos, codillo ó forno con patacas fritidas con guarnición, pan, bebidas variadas, café, chupito, e un doce elaborado polo obradoiro de pastelería Bahía. Servido polo cátering Chao de Brea. Haberá sorteo de agasallos para os participantes, ademais de sorpresas para a dona e o cabaleiro...
leer más
A medicina antienvellecemento centrará a charla que impartirá en Cedofeira o vindeiro 5 de febreiro José Antonio Flórez Lozano, catedrático da Facultade de Medicina e Ciencias da Universidade de Oviedo.
Será na Escola de Cedofeita ás 18:00 horas. A cita está organizada pola Concellería de Benestar Social, Saúde e Familia. A súa responsable, Elena Sierra, explica que “el doctor Flórez Lozano nos hablará de lo conveniente que es envejecer con humor. Ese es el mejor fármaco para la salud y la longevidad. Es una conferencia con la que animará a los asistentes a vivir plenamente esta etapa de la vida con desafíos, expectativas, ilusiones, trabajo, esfuerzo y superación”.
E engade: “ya tuvimos la suerte de recibir en Ribadeo, en el Salón de los Alcaldes del Concello, al doctor Flórez Lozano el pasado mes de diciembre y...
leer más
O Concello de Ourol celebrará un Encontro de Maiores o día 27 de outubro, domingo, ás 14:00 horas. Será no restaurante Louzao, de Area (Viveiro).
Esta actividade é gratuíta para persoas maiores de 55 anos empadroadas no Concello de Ourol. Os cónxuxes ou parellas que non estean empadroados poderán acudir aboando o importe da comida. As persoas dependentes poderán ir cun acompañante.
A data límite para anotarse é o 24 de outubro e hai que recoller a entrada no Departamento de Servizos Sociais do Concello de Ourol (Teléfonos 982.55.91.09 e 677.48.94.57).
O Concello de Xove ofrece obradoiros para persoas maiores no programa de outono inverno, que organizan as delegacións de Xuventude e Deporte, Servizos Sociais e Igualdade e a Oficina Municipal de Información Xuvenil (OMIX).
Dende o día 1 de outubro ata maio de 2025 desenvolverase obradoiros de bordado, bolillos e ioga. Tamén haberá cursos de informática para maiores do 4 de novembro ao 9 de decembro e outras actividades como ximnasia na auga, ximnasia de mantemento, aerobic & full body, pilates e escola de maiores.
O prazo de inscrición ábrese este mércores 18 e remata o día 26 na OMIX.
O Concello de Ourol presenta a programación de actividades para persoas maiores 2024-2025.
Haberá ximnasia de mantemento, os martes e venres, a partir das 11:30 horas. Esta actividade dará comezo o 1 de outubro.
Tamén se impartirá ioga suave e meditación, os mércores, ás 11:00 horas, desde o 2 de outubro.
Completará esta programación o taller de adestramento da memoria que se levará a cabo os luns, ás 11:00 horas, desde o 7 de outubro.
Estas actividades terán lugar no edificio multiusos e as persoas interesadas deben acudir ao departamento de Servicios Sociais para cubrir a ficha de inscrición. A data límite para anotarse é o 26 de setembro.
A Delegación de Deportes e Servizos Socias do Concello de Burela leva a cabo o programa Envellecemento Activo-Ximnasia para xoves de +60. As persoas interesadas poden inscribirse dende o día 9 ata o 18 de setembro na Casa do Concello.
O programa está dirixido a persoas maiores activas e ofrece ximnasia, xogos e actividades diversas.
Desenvolverase en tres grupos: o primeiro será os luns e mércores de 10 a 11 da mañá; o segundo grupo tamén luns e mércores de 11 a 12 do mediodía; e o terceiro grupo reunirase os martes e os xoves en horario de 10:00 a 11:00. As actividades levaranse a cabo na Praza de Abastos.