Deportes

Etiquetas:
21/03/2016
O 24 de marzo, Xoves Santo, dispútase en Burela o II Triangular de Semana Santa de Fútbol Sala Base, que organiza a Fundación Imdecum.
 
A Fundación Impulso ao Deporte, Cultura e Turismo na Mariña continúa na súa aposta polo futuro do fútbol sala. A segunda edición do Torneo Triangular de Semana Santa de Fútbol Sala Base reunirá o Xoves Santo, en Vista Alegre (Burela), as categorías prebenxamín, benxamín e alevín da ED Burela FS, AFD Porto de Burela e o coruñés Unidad Fene FS.
 
O torneo arrancará ás 10.00 horas cun enfrontamento alevín cento por cento laranxa e porá fin ás 19.00 horas co compromiso prebenxamín entre AFD Porto de Burela e Fene FS. A entrega de trofeos clausurará a xornada ás 20.00 horas.
 
Etiquetas:
21/03/2016
Os Sendeiros de Foz organiza unha viaxe a Las Arribes del Duero, en Salamanca, do 14 ao 18 de maio.
 
A Asociación Os Sendeiros de Foz organiza unha viaxe á ruta Las Arribes del Duero en Salamanca do 14 ao 17 de maio.
 
Os interesados poderán facer as súas reservas ata o 23 de marzo nos teléfonos 676 561 594 ou 670 369 017, ou no correo electrónico ossendeiros@yahoo.es.
 
A saída está prevista para ás oito da mañá do día 14 das inmediacións do Concello e o prezo para os socios é de 250 euros e 300 euros para os non socios cun suplemento por habitación individual de 90 euros. Recoméndase levar equipo de sendeirismo. A viaxe inclúe un cruceiro fluvial. 
 
19/03/2016
Ribadeo acollerá o 3 de setembro a súa primeira "Heroican Race". A inscrición xa está aberta.
 
Ribadeo acollerá o día 3 de setembro deste ano, sábado, a súa primeira Heroican Race, que é unha carreira de obstáculos para a cal o prazo de inscrición se abre esta media noite na páxina web www.championchipnorte.com. O evento foi presentado hoxe na Casa do Concello coa participación do edil de Deportes ribadense, David Rivas.
 
“Desde o Concello queremos amosar a nosa satisfacción por acoller a primeira Heroican Race, unha carreira de obstáculos como as que xa se veñen celebrando en moitas cidades de toda a xeografía peninsular e que aportan unha dose importante de espectáculo á actividade deportiva local. Deste xeito a Heroican Race preséntase como unha oportunidade para Ribadeo de...
leer más
17/03/2016
A III Copa Deputación de Baloncesto de Base disputarase os días 19 e 20 de marzo en Ribadeo, onde se darán cita 68 equipos e 600 deportistas.
 
Ribadeo acollerá esta fin de semana a III Copa Deputación de Baloncesto de Base na que participarán 68 equipos e máis de 600 deportistas de toda a provincia. O evento foi presentado esta tarde no novo pavillón polo vicepresidente da Deputación de Lugo, Antonio Veiga; polo concelleiro de Deportes, David Rivas; e polo presidente do CB Ría de Ribadeo, José Vázquez. 
 
Veiga dixo que “asistimos á consolidación dun evento que permitirá desfrutar do deporte a mozos e mozas que representarán á totalidade de clubs de baloncesto da xeografía lucense”. O vicepresidente da Deputación destacou “o esforzo que se fai polo baloncesto feminino desde o CB Ría de Ribadeo, que xa temos colaborado con eles en máis ocasións. E este terceira Copa de...
leer más
Etiquetas:
16/03/2016
A ACD Xove ofrece este domingo, 20 de marzo, unha exhibición de karate e presenta as rutas de sendeirismo para 2016.
 
A ACD Xove organiza para este domingo, día 20, unha exhibición de karate. Será a partir das 18:00 horas no Pavillón Polideportivo e correrá a cargo dos karatekas da Escola de Karate que farán demostracións de katas, kobudo, defensa persoal e distintas habilidades e exercicios técnicos. Xunto cos nenos e nenas da ACD Xove tamén participarán nesta exhibición alumnos e alumnas doutras Escolas de Karate da Mariña.
 
Tamén este domingo a ACD Xove presentará as rutas de sendeirismo que organiza para este año. Farao a través dunha presentación audiovisual feita por Santos Cordovilla e despois terá lugar unha charla-coloquio con todos os asistentes. Esta presentación será a partir das 19:00 horas no Salón de Actos do Centro Cívico de Xove....
leer más
Etiquetas:
15/03/2016
Terras de Lourenzá realizará o 20 de marzo a ruta Aba Sacra e os asistentes disfrutarán da Feira do Viño de Sober.
 
A Asociación de Sendeirismo Terras de Lourenzá organiza unha viaxe para este domingo, día 20, a Sober coincidindo coa celebración da Feira do Viño.
 
Os participantes realizarán a Ruta Aba Sacra cun percorrido de 6,3 quilómetros e dificultade baixa dende Doade ata Amandi. O percorrido discorre na súa totalidade entre os característicos bancais de viñedo da zona e paralelos ao canón do río Sil. Ao rematar desprazaranse ata Sober onde gozarán da xornada festiva que supón a celebración da tradicional Feira do Viño.
 
Esta andaina será este domingo, día 20, e a saída de Lourenzá está prevista para as 8:00 horas. O prezo de 10 euros para socios e 15 euros para...
leer más
Etiquetas:
15/03/2016
O 20 de marzo celébrase a sétima "Ruta Enduro Medela" en bicicletas de montaña, que patrocina o Concello de Cervo.
 
A sétima edición da Ruta Enduro Medela en bicicletas de montaña, que se celebrará este domingo día 20 a partir das 09:30 horas, foi presentada polo alcalde de Cervo, Alfonso Villares; o concelleiro de Deportes, José Ramón Soto, e catro membros do club Medela MTB, de San Ciprián: o presidente, David Riera Amor; o vicepresidente, Oscar Hermida Bouza; o tesoureiro, Abel Ordas Díaz; e o secretario, Víctor Riera Amor.
 
O concelleiro de Deportes cervense explicou que esta ruta, patrocinada polo Concello de Cervo, “está enfocada ao enduro de MTB, modalidade que se caracteriza polo seu percorrido ao longo de sendeiros técnicos; e a pesar de que ten unha parte competitiva, como calquera tipo de proba deportiva, está pensada para gozar tanto...
leer más
14/03/2016
Aberto o prazo de inscrición na III Media Maratón Ribadeo-As Catedrais, que terá lugar o 10 de setembro.
 
O Concello abriu esta noite o prazo de inscrición na III Media Maratón Ribadeo-As Catedrais, que foi presentada esta tarde.
A proba terá lugar o 10 de setembro con saída ás 17:00 horas das inmediacións Concello. O edil de Deportes, David Rivas, salientou que “este ano adiantouse unha hora o comezo dada a diferenza de chegada entre os primeiros e os últimos participantes para evitar o risco que poida supor correr case de noite pola zona”. O concelleiro nacionalista engadiu: “considerouse a posibilidade de que o percorrido rematase en Ribadeo en vez de nas Catedrais, pero descartámolo porque nos pareceu que perdía parte do encanto e da intención da carreira, que era a posta en valor e a reivindicación das Catedrais como espazo protexido”. O responsable de Deportes tivo...
leer más
Etiquetas:
14/03/2016
Os Sendeiros de Foz organizan dúas andainas durante a vindeira Semana Santa. Unha á cascada de San Estebo e outra á ruta do Masma.
 
A primeira delas será o venres, día 25, á cascada de San Estebo en Barreiros. E  segunda o sábado, día 26, á ruta do Masma.
 
A saída está prevista para as nove da mañá de diante do Concello e a volta para xantar en Foz sobre as dúas da tarde. A organización recomenda levar equipo de sendeirismo e a dificultade de ambas rutas é media. 
 
As persoas que estean interesadas poden chamar aos teléfonos 676 561 594 (Nelli) ou 670 369 017 (Morís). 
 
Etiquetas:
14/03/2016
En Ribadeo a Concellaría de Mocidade organiza varias actividades para nen@s e moz@s durante a Semana Santa.
 
A Concellaría de Mocidade organiza varios obradoiros e actividades deportivas dirixidas a nen@s e moz@s durante esta Semana Santa. Haberá obradoiros de fotografía e de cociña, ademais de deportes e lectura. 
 
O día 21 comezarán os obradoiros de fotografía e cociña. O de fotografía para instagram desenvolverase durante os días 21, 22 e 23 de marzo en horario de 10:30 a 13:30 e polas tardes de 16:00 a 18:00 horas. Está dirixido a moz@s a partir de 12 anos e terá lugar na Casa da Xuventude onde se pode facer a inscrición, que é gratuíta. As prazas son limitadas e o material que se precisa é un móbil con posibilidade de instalar Instragram....
leer más