Eventos
O pasado día 1 de marzo deu comezo a nova campaña de visitas á Cova do Rei Cintolo do presente ano 2019. Hai visitas de fin de semana os venres, sábados e domingos ás 12 horas e ás 17 horas. A partir do mes de abril rexerá o horario de verán, polo que haberá unha nova quenda ás 18:30 horas.
Na ponte de San Xosé, en marzo, será posible visitar a cova tamén o luns 18 e o martes 19 e durante a Semana Santa, xa no mes de abril, poderase visitar a cavidade todos os días da semana.
Aberta todas as pontes e festivos
En todas as pontes e días festivos do ano será posible visitar a cova e durante os meses de verán as visitas serán nas tres quendas indicadas todos os días da semana (de luns a domingo).
2018, récord absoluto de visitantes
O pasado ano visitaron a cova 2.093 persoas, o...
O Concello de Burela, a través da Delegación de Servizos Sociais e do CIM, organiza diversas actividades con motivo da celebración do Día Internacional da Muller. Terán lugar este sábado, 9 de marzo.
O programa comezará cunha charla-coloquio, que se celebrará a partir das 12:30 horas no salón de plenos da Casa do Concello. A actividade leva por título As mulleres movendo Burela a través do asociacionismo dende hai décadas e nela participarán as seguintes asociacións: Amas de Casa Praia da Marosa, que estará representada por Chicha Osés; Coral Polifónica de Burela con Toñita Baño; e Asociación de Redeiras Cabo Burela con María Jesús Alonso.
Ás 13:15 horas o alcalde de Burela, Alfredo Llano, dará lectura a un manifesto. E, ás 14:00 horas, dará comezo unha comida organizada pola asociación de amas de casa Praia da...
leer más
O Presidente da Deputación, Darío Campos Conde, inaugurou este venres a casa de Álvaro Cunqueiro en Mondoñedo, un edificio que contou co principal patrocinio da Deputación, cunha achega de 308.000 euros.Trátase dun inmoble privado, que foi cedido ao Concello e para o que os veciños demandan a súa titularidade pública para o seu desfrute, poisarranxouse con fondos públicos.
“Hoxe demostramos que somos unha Deputación que apoia todos os proxectos, goberne quen goberne, atendendo sempre as prioridades de cada Concello e dos seus veciños. Por iso, insisto, é necesario investiren espazos públicos, para reverter os recursos de todos os lucenses para todos os lucenses”, remarcou o Presidente.
Campos Conde dixo que “celebramos ter contribuído decisivamente desde o Goberno da Deputación a que na cidade de Mondoñedo onde...
leer más
O Concello de Cervo organiza unha festa infantil de Entroido que terá lugar o luns, 4 de marzo ás 17:30 horas na praza dos Campos en San Ciprián.
Haberá pasarrúas a cargo da asociación Rebolaxe, inchables, talleres, música e servirase chocolate aos asistentes. Tamén terá lugar o espectáculo-show infantil Mundo Disney.
Un total de 7 bares pertencentes á asociación de Hostelería de Barreiros toman parte na actividade “DisfraBAR”. Trátase dunha idea novidosa na que serán os establecementos de hostalería os que estarán disfrazados durante os días 4, 5 e 6 de marzo, con temáticas de antroido cada un deles. É dicir, luns, martes e mércores.
Os establecementos participantes son o Bar Centro Social, Moderno, O Asador, Lozano, A Curva, A Yenka e La Barrica, que durante estes tres días selarán unha papeleta por cada consumición realizada. Cada papeleta selada na súa totalidade nos 7 establecementos poderá entrar nun sorteo dun menú completo de cocido para un grupo de 10 persoas. Ademais, as persoas que visiten estes locais poderán escoller o bar que máis lle gustara. O establecemento que máis votos teña será galardoado como o gañador do “DisfraBAR 2019”.
... leer más
A asociación cultural A Pomba do Arco organiza un ano máis o Touporroutou, a tradicional cita do Entroido de Foz, que se celebrará este domingo, 3 de marzo, ás 21:00 horas, no salón de actos do Colexio Martínez Otero.
O espectáculo do Touporroutou deste ano correrá a cargo, como en edicións anteriores, do grupo Touporroutou Teatro, encabezado por Tono Veiga, que declamarán, cantarán e recitarán todas as coplas populares entregadas polos veciños. Ademais contarán coa colaboración das pandeireteiras da asociación A Subela e o grupo de música Os Kentaquis.
A Pomba do Arco solicita aos veciños e veciñas de Foz a súa participación para que esta actividade poida seguir realizándose, e nese senso os animan a que acheguen as súas coplas depositándoas nas caixas que a tal efecto están colocadas en diferentes bares e...
leer más
A Comisión de Carnaval de Ribadeo abriu xa a inscrición para participar no desfile que terá lugar o 5 de marzo, Martes de Entroido. O prazo remata o luns ás doce da noite.
As bases e as fichas de inscrición poden atoparse no facebook EntroidoRibadeo. Desde a organización subliñan que “no que respecta á categoría charanga/comparsa as 10 primeiras en inscribirse recibirán unha achega económica especial de 100 euros cada unha, que se lles entregará en efectivo o mesmo día do desfile, e a maiores contan coa posibilidade de optar a premio”.
Os dorsais serán entregados entre as 15:30 e as 16:30 horas á entrada do Cine Teatro. Todos os participantes deberán estar na avenida Rosalía de Castro cun mínimo de 15 minutos de antelación ao inicio do desfile, previsto para as 17:00 horas.
En total...
leer más
A parroquia de San Román celebrará o Entroido o sábado 9 de marzo.
A cita, organizada pola Asociación de Mulleres Rurais As Espalladoras, coa colaboración do Concello de Cervo, foi presentada polo alcalde, Alfonso Villares, a edil de Cultura, Dolores García Caramés, o edil de Medio Rural, Plácido Pérez; e por representantes das Espalladoras e da Asociación de Montes Veciñais de San Román, que tamén colabora no evento.
A Festa será a partir das 22:30 horas no Pavillón e estará amenizada pola orquestra La Ocaband.
Repartiranse máis de 1500 euros en premios para os mellores disfraces, nas categorías infantil individual, parella e grupo; e adultos individual, parella, grupo, comparsa e charanga.
A inscrición pode facerse chamando ao teléfono 656 272 802.
O alcalde de Cervo, Alfonso Villares, a edil de Muller, Pilar Armada, e representantes das diferentes asociacións (Alborada, As Espalladoras, Mulleres en Igualdade, Mulleres de San Ciprián) presentaron os actos organizados para celebrar o Día da Muller.
O 8 de marzo, Día Internacional da Muller, terá lugar a tradicional Cea no Restaurante Buenavista, ás 22:00 horas. As interesadas en asistir poden retirar as súas tarxetas na Casa da Cultura.
Ao remate entregaranse os trofeos ás parellas gañadoras do campionato de tute e parchís que se xogou durante este mes, no que participaron 10 parellas ao parchís e 9 ao tute; ademais tamén se sortearán distintos agasallos, cortesía das asociacións.
A continuación haberá baile con Trío Mar de Arousa, na Casa do Mar.
O 17 de...
leer más
O Concello dá a coñecer a raíña e as damas do Entroido mindoniense, que se celebrará o 9 de marzo. Achéganse fotos. A raíña é Sara Fernández Coldeira, e as dúas damas son Ainara Bello García (esquerda) e Yaiza Fernández Nogueira. O desfile celebrarase a partir das 17:30 horas. Sairá do Campo dos Paxariños, encabezado pola carroza da raíñas do Entroido, e percorrerá a Avenida San Lucas e as rúas Obispo Sarmiento, Andrés Baamonde e Progreso. Finalizará na Praza da Catedral.
Durante o tradicional desfile de Entroido, organizado polo Concello e a Asociación de Comerciantes e Industriais de Mondoñedo (ACIAM) repartiranse 5.000 euros en premios; con seis galardoados na categoría de comparsas e charangas e once premiados na de grupos tanto de adultos como infantís; ademais haberá seis galardóns para as parellas de adultos e infantís e outros...
leer más