Exposiciones

10/04/2016
Mondoñedo traballa na organización dunha exposición de fotos que recolla os 25 anos de celebración do Mercado Medieval. O Concello pide colaboración veciñal.
 
O Concello de Mondoñedo traballa na organización dunha exposición de imaxes que recollan os 25 anos de celebración do Mercado Medieval na localidade. “Este ano cúmprense 25 anos de historia deste evento” di a alcaldesa, Elena Candia, e “queremos rememorar cada edición a través de fotografías”.
 
A rexedora da localidade explica que xa mantiveron unha reunión de traballo para a organización desta 25 edición, en cuxa programación “queremos incluír novidades” e tamén, engade, “buscamos que se converta nunha edición de recoñecemento para quen puxo en marcha esta cita anual”.
 
Así, Elena Candia pide a colaboración de todos os veciños e persoas que ano tras...
leer más
Etiquetas:
06/04/2016
Catro series da obra de Celso Dourado poderanse ver no Cenima de Foz do 8 ao 29 de abril na Semana das Artes Plásticas na Mariña, na que tamén se dan cita outros cinco artistas da comarca.
 
O artista barreirense Celso Dourado participará na Semana das Artes Plásticas na Mariña. A exposición será inaugurada no Cenima de Foz este venres, día 8, xunto a outros seis creadores mariñáns. Esta mostra colectiva poderase visitar ata o 29 deste mes. 
 
Celso Dourado explicou que “a exposición denominada Seis diálogos para educar  reflexa un pouquiño o traballo de seis artistas entre os cales estou. Podo citar que forman parte do elenco tamén David Catá, Héctor Manasé, Alberto Pena, Mauro Leivas e Raimundo Rubal”.
 
Dourado contou que “eu presento catro series da miña obra. Son botánica, relacionada cun tratamento subreal do que é a botánica en si;...
leer más
05/04/2016
Ata o 29 de abril pódese visitar na Biblioteca Pública Municipal de Barreiros a exposición ¡¡Abril...Libros mil!!.
 
O Concello organiza unha exposición de libros durante este mes de abril con motivo da celebración do Día Internacional do Libro o vindeiro día 23.
 
A Concellería de Cultura e a Biblioteca Pública Municipal organizan este mes una exposición titulada ¡¡Abril…Libros Mil!! Con motivo da celebración o pasado día 2 do Día Internacional do Libro Infantil e Xuvenil e o vindeiro día 23 do Día Internacional do Libro.
 
A mostra recolle as novidades e os libros máis lidos da Biblioteca e pode visitarse na propia Biblioteca, situada no centro sociocultural Manuel Díaz Sampedro de luns a venres en horario de 10:00 a 14:00 horas e de 17:00 a 19:00 horas.
... leer más
Etiquetas:
03/04/2016
A Área de Cultura da Deputación de Lugo colabora coa Semana das Artes na Mariña, que se desenvolverá do 8 ao 29 de abril no Cenima de Foz.
 
Unha nova edición da Semana das Artes na Mariña presentouse  no Cenima de Foz. A Área de Cultura da Deputación de Lugo estivo representada neste acto por Antonio Veiga, Vicepresidente da Deputación de Lugo. No acto participaron tamén Xerardo López, por parte do equipo coordinador da Semana das Artes, o prologuista do catálogo editado para a ocasión, Albano González, e a deseñadora do mesmo, Cristina Basanta.
 
Baixo o nome de “Seis diálogos para educar” a Semana das Artes na Mariña celebrarase desde o vindeiro venres 8 ata o 29 de abril, tendo como sede o Cenima en Foz. Este evento pretende ser, en palabras dos seus organizadores, “ mostra das expresións artísticas dun grupo de seis creadores mariñáns que plasman nas súas obras as...
leer más
Etiquetas:
21/03/2016
En Burela o barco museo "Reina del Carmen" estará aberto ao público dende o vindeiro mércores, 23 de marzo. Poderase visitar pola mañá e pola tarde.
 
Segundo ven de anunciar o Concelleiro de Turismo, Ramiro Fernández, o barco museo Reina del Carmen estára aberto dende o vindeiro mércores, 23 de marzo, ao contar xa coa persoa seleccionada para desempeñar ese posto.
 
“Con isto garantimos que o barco museo vai a poder ser visitado durante toda a Semana Santa en horarios de mañá e tarde. Os horarios das visitas comezarán ás 11:00 da mañá e farase en tres quendas, tendo en conta que cada visita dura máis ou menos 45 minutos. Pola tarde as visitas comezarán ás 16:00 horas e poderán facerse visitas en catro quendas coa mencionada duración duns 45 minutos cada unha delas”, subliña o edil socialista.  
 
...
leer más
21/03/2016
Ata o 31 de marzo na OMIC de Ribadeo está aberta a exposición "Entre belenes y cabezudos", de Rodrigo García Istillary. Está destinada a todos os públicos.
 
A OMIC de Ribadeo acolle ata o 31 de marzo a exposición Entre Belenes y Cabezudos de Rodrigo García Istillarty.
 
A mostra presenta unha colección de pezas totalmente artesáns deste creador asturiano de Puerto de Vega. Os seus beléns sorprenden polo realismo que transmiten e por nos transportar á vida da época antiga. Así mesmo os diferentes cabezudos que achega están cheos de realismo e cunha tremenda capacidade de mímese.
 
Ata o 31 de marzo pode visitarse esta exposición na OMIC de Ribadeo no seu horario habitual.
 
Etiquetas:
19/03/2016
Durante esta Semana Santa estará aberto en Alfoz o Castelo de Castro de Ouro polas mañás e polas tardes.
 
Desde este 19 de marzo reabren as dependencias do Castelo de Castro de Ouro, en Alfoz, en horario de mañás de 10:00 a 14:00 horas e de 16:00 a 20:00 polas tardes. As instalacións permanecerán abertas durante toda a Semana Santa e todos os fins de semana ata o mes de xullo, data na que volverá a abrir de luns a domingo. 
 
O concelleiro de Desenvolvemento Local, Xavier Pardiñas, explica que “nas instalacións do Castelo estará aberta a Oficina de Información Turística, no horario anteriormente indicado, e poderase visitar unha exposición sobre materiais recollidos das antigas escolas unitarias de Alfoz, na planta baixa; unha exposición de obras do artista local Hipólito Xeada, na segunda primeira; e a Sala Museo das Zocas, coa...
leer más
18/03/2016
A Casa da Cultura de San Ciprián acollerá do 21 de marzo ao 2 de abril unha exposición de labores feitas por mulleres do municipio.
 
A Casa de Cultura, de San Ciprián, acollerá a partir do vindeiro luns, día 21, unha exposición de labores feitas por mulleres do municipio, como traballos en ganchillo, bordados ou bolillos. Anunciouno hoxe a concelleira de Igualdade, Pilar Armada Carrete.
 
A mostra, titulada Coas nosas mans, inclúe obras realizadas por socias dos seguintes colectivos: CIT de San Ciprián, Asociación de Amas de Casa Alborada, As Espalladoras, Alumnas de Mari Luz Méndez, Asociación de Veciñ@s Cervo-Sargadelos e Mulleres de San Ciprián. Será inaugurada na sala de exposicións da Casa de Cultura o vindeiro luns ás 17 horas e estará aberta ao público ata o 2 de abril. Poderá visitarse de luns a venres de 11 a 13 horas e de 17 a 20 horas. 
 ...
16/03/2016
O Concello de Mondoñedo abre a tempada de visitas á Cova do Rei Cintolo en Semana Santa. Do 19 ao 28 de marzo poderase acceder en tres quendas.
 
O Concello de Mondoñedo anuncia que o sábado día 19 de marzo iniciará as visitas á Cova do Rei Cintolo, que permanecerá aberta durante toda a Semana Santa. Ademais, o Goberno local explica que incrementan as quendas de acceso das fins de semana e as dos centros educativos, co obxectivo de aumentar o número de visitantes non só á cavidade senón tamén á localidade.
 
Durante a Semana Santa haberá tres quendas de acceso, as mesmas que haberá de venres a domingo a partir de abril, todas as fins de semana sen descanso. Os centros educativos poderán acudir cinco días laborais e non 3, como anteriormente. 
 
A rexedora, a popular Elena Candia, explica que o...
leer más
02/03/2016
A sala de exposicións municipal de Lourenzá acolle ata o 18 de marzo unha mostra sobre o Camiño Norte de Santiago.
 
A sala de exposicións do Concello de Lourenzá acolle dende hoxe, mércores, ata o 18 deste mes, unha mostra de imaxes do Camiño Norte de Santiago.
 
A exposición consta de 18 paneis nos que amosan as principais manifestacións artísticas, históricas e naturais desta ruta xacobea na que Lourenzá ocupa un lugar importante. A información que recollen os paneis ofrece ao visitante unha visión de todo o patrimonio artístico e histórico existente nos distintos lugares polos que discorre o Camiño.
 
A alcaldesa, Rocío López, di que “dende o Concello invitamos a todos os veciños e veciñas así como aos visitantes a ver esta exposición que é, sen dúbida, unha...
leer más