Exposiciones
11/12/2015
No espazo RegalXunqueira, de Viveiro, inaugurouse onte, 10 de decembro, a exposición Viveiro: dous mundos, de Jaime Oroza. No acto, que terá lugar na Sala de Exposicións, servirase un viño e algo de comer, segundo explican os organizadores.
Segundo o autor da mostra “malia a idea recorrente do Viveiro intramuros e o de fóra de murallas, co traballo refírome ao da imaxe e ao das verbas. As imaxes corresponden a lugares camiñados, os poemas son encrucilladas de pensamentos, de sentimentos, que foron xurdindo nos camiños, nos lindeiros, riba das pontes, na beiramar. Lugares camiñados coma a Maraleixa, o Souto da Retorta, monte Castelo, San Roque, Penedo do Galo, Penido, Silvarosa, Saímas, Sacido, Socastro, Faro, Ferida, Fraga Moura, mesturados nun remuíño calidoscópico que...
leer más 07/12/2015
Ata o 11 de xaneiro pódese visitar unha exposición sobre o Camiño Norte na Sala de Exposicións da OMIC (oficina municipal de información ao consumidor), onde tamén se encontran as dependencias da oficina de turismo. O concelleiro Farruco Graña dixo que “de paso que nos achegamos ao parque de San Francisco para ver a feira de Artesanía, ou máis adiante para visitar o parque infantil ou a pista de xeo, poderemos tamén achegarnos á Sala de Exposicións da OMIC e contemplar unha exposición sobre o Camiño Norte que nos achega ata Ribadeo o Instituto de Estudos Chairegos, de Vilalba”.
O edil nacionalista explicou que “esta entidade ten como fin a investigación, o estudo, a conservación, a defensa e a difusión da Cultura Galega, especialmente no que se refire á lingua, á historia...
leer más 18/11/2015
A sala de exposicións do Centro Cívico de Xove acolle a mostra ‘A Paz Cuestión de Fondo’, organizada polo Concello en calidade de membro do Fondo Galego de Cooperación e Solidariedade. A exhibición abriuse o día 5 de novembro e permanecerá na vila ata o 1 de decembro, con entrada de balde. A Exposición está aberta diariamente en horario de 10:00a 14:00 e de 16:00 a 19:00 horas. A entrada á mesma realízase pola porta principal do Salón de Actos.
A exposición, integrada por viñetas elaboradas por 28 autores de 16 países diferentes, convida a reflexionar sobre a pobreza como unha forma de inxustiza social que xera exclusión, racismo e violencia. Do mesmo xeito, a falta de oportunidades impídelle á sociedade medrar en condicións de...
leer más 11/11/2015
A obra pictórica de Juan F. Álvarez Cachón, artista multidisciplinar madrileño, poderá verse na Sala de Exposicións do parque San Francisco entre o 13 e o 22 de novembro. Trátase da mostra Irrealismo alegórico, un suxerente conxunto de 14 cadros.
Juan F. Álvarez Cachón busca entre a realidade que o rodea aspectos cotiáns que el recolle con detallismo. Aínda que traballa diferentes disciplinas artísticas, son a pintura e a ilustración as que con máis frecuencia aparecen na súa obra.
04/11/2015
O Complexo Cultural Regal-Xunqueira inaugura o xoves, 5 de novembro, a exposición de Gándara-Golpe Gravados. O acto de apertura terá lugar ás 20 horas na sala de exposicións do complexo e a mostra poderase visitar ata finais de mes.
O autor da exposición é o artista de Betanzos que asina como Gándara-Golpe, que comeza a interesarse polo gravado na súa localidade natal a finais dos 80. Estuda o Máster de Obra Gráfica na Fundación Centro Internacional de Estampa Contemporánea (CIEC) e trae a Viveiro un “revoltixo de obras producidas entre o obradoiro do CIEC e o de Alfara Studio na Encina de S. Silvestre, en Salamanca”. Punta seca, augaforte, augatinta, chiné collée, maneira negra, litografía, xilografía e serigrafía son algunhas...
leer más 03/11/2015
A pintora mariñá Yesenia Cao (Cervo, 1992) expón na Sala de Arte da Casa da Cultura de Burela 30 obras da súa autoría ata o 27 de novembro. A mostra reúne os óleos e debuxos de Yesenia Cao, técnico superior de ilustración na Escola de Arte Pablo Picasso da Coruña.
A mostra estará aberta ata o 27 de novembro e poderá visitarse de luns a venres en horario de 9 a 13 horas polas mañás e de 17 a 20 horas polas tardes. Organiza a Concellería de Cultura de Burela.
06/10/2015
A sala de arte da Casa da Cultura acollerá varias exposición ata finais de ano. Ata 30 de outubro pódese ver unha mostra de fotografía do Club Imaxe de Burela. O horario de visita é de 9 a 13 horas polas mañás e de 17 a 20 horas polas tardes. Trátase dunha mostra de fotos realizadas polos seus socios. É a 23ª edición, que nesta ocasión está composta de corenta imaxes de Burela e da Mariña.
Do 3 ao 27 de novembro haberá unha exposición de pintura de Yesenia Cao López. E do 1 ao 15 de decembro poderase ver outra mostra de pintura de José Luis Neira Brochs. E do 23 de decembro ao 22 de xaneiro estarán expostas as postais que participen no certame Nadal 2015, segundo informa a Concellería de Cultura, que dirixe José Díaz.
04/10/2015
O centro de saúde de Burela e o CEIP Virxe do Carme acollen unha exposición sobre os dereitos dos nenos e nenas. É unha iniciativa da Concellería de Inmigración e Cooperación en colaboración coa ong Educo.
A concelleira Angélica Gómez Sánchez anunciou hoxe que “o Programa de Atención a inmigrantes da Concellería de Inmigración e Cooperación do Concello de Burela e en colaboración coa ong Educo, de cooperación e educación para a infancia, queremos divulgar e sensibilizar á poboación sobre a realidade social do mundo que nos rodea. Grazas á axuda das diferentes ongs podemos dar a coñecer distintas visións sobre o desenvolvemento socioeconómico e a grande diversidade de situacións que se dan no mundo actual”.
Ángélica Gómez engadiu que...
leer más 02/10/2015
O vindeiro luns, 5 de outubro, ás 20 horas terá lugar a inauguración da exposición A Maruxaina e outras sereas, do libro do mesmo nome e composta por esculturas de Otero Regal e textos de Pablo Mosquera e Paco Rivas.
O evento, que se celebrará na sala de exposicións do Cenima, contará coa presenza do alcalde, Javier Castiñeira, e do presidente da asociación Os Aventados.
A Maruxaina e outras sereas poderase ver no Cenima ata o 31 de outubro. Durante todo este mes haberá diversas actividades complementarias arredor desta exposición. O día 16 pola mañá desenvolverase un relatorio para escolares sobre a Relación entre saúde e elementos utilizados na fabricación de recipientes de cerámica, a cargo de Otero Regal. O 23 proxectarase o...
leer más 18/09/2015
A Casa de Cultura de San Ciprián acolle ata o día 30 deste mes unha exposición de fotografías sobre India feitas por un mozo dese país: Totan KUndu, de 26 anos de idade e orixinario de Bengala. Á inauguración da mostra, titulada La India desde dentro, asistiron as concelleiras de Cultura, Dolores García Caramés; de Servizos Sociais, Pilar Armada Carrete; e de Medio Ambiente, Manuela Méndez Álvarez. A exposición pode visitarse de luns a venres de 8 a 15 horas e de 17 a 20 horas.
A concelleira de Cultura explicou que esta exposición fotográfica “leva ao visitante de viaxe á India, está ambientada con música dese país e as fotografías mostran, aparte da historia que poida ter cada unha, a visión desa cultura dende o ollo fotográfico do artista Totan, a quen agradecemos que...
leer más