Gastronomía
A praza do Concello de Trabada acollerá a cuarta edición da Festa Gastronómica da Enfariñada o día 7 de maio, domingo, a partir das 12:00 horas.
Ademais de degustación da enfariñada, haberá mercado de produtos locais de proximidade e as actuacións musicais de Cuarteto Seimeiro, Airiños da Freba e Luar na Lubre.
“Unha proposta gastrocultural que, abofé, hai que subliñar no calendario”, din os organizadores do evento, que promove o Concello de Trabada coa colaboración da Deputación de Lugo.
Con novas propostas e o bo facer de sempre, Lugar das Marías*** abre a temporada 2023 co obxectivo de seguir ofrecendo experiencias únicas na aldea da Rigueira-Xove.
Ás propostas de sempre arredor do aloxamento nos cuartos de Maruja Mallo, María Casares, Maruxa e Coralia, María Miramontes e Avoa Presenta e da variada carta de almorzos e brunch, sumaranse tamén novas experiencias efémeras, contos na leira, exposicións e concertos así como o showroom de Vacaloura e Xurela.
A fin de semana do 22 e 23 de abril dará comezo o programa Experiencias efémeras coa proposta Cerámica na aldea, un proxecto enmarcado dentro do Plan de Sostibilidade Turística que xestiona a ára de Turismo da Mancomunidade de Municipios da Mariña Lucense. Esta experiencia slow que consisitirá no desenvolvemento dun obradoiro de cerámica con Iria...
leer más
O 6 de abril, día de Xoves Santo, a partir das sete da tarde celebrarase a XIX edición da Festa do Polbo en 8 establecementos hostaleiros de Xove: Bar Pepe, Cafetería A Roda, Pulpería Bar Cociña, O Cabaliño, A Fuga, O Refugio, Onde Sempre e La Cívica. O prezo de cada ración de polbo é de 14 euros.
Este evento gastronómico, que será amenizado polo grupo de gaitas da Asociación Cultural Saiñas, conta coa colaboración e o patrocinio do Concello de Xove.
O Concello ven de presentar as bases do concurso gastronómico Ribadeo de Tapeo, que chega á súa décimo sexta edición e que terá lugar do 13 ao 21 de maio.
O concelleiro de Turismo e Desenvolvemento Local, Pablo Vizoso, dixo que “esta nova edición desexamos que reflicta a identidade gastronómica do noso pobo con fondas raíces tradicionais, mais sempre na vangarda e buscando a distinción e a diferenciación. E son precisamente dous factores claves para favorecer a continuidade no tempo dun dos concursos culinarios máis veteranos de Galicia. E un espazo no que os nosos hostaleiros se converterán en anfitrións e os nosos produtos en verdadeiros protagonistas”.
O edil ribadense explicou que “o concurso dará comezo o 13 de maio e prolongarase ata o 21 de maio.O prazo de inscrición para os establecementos remata o 14 de...
leer más
Este ano o CCH de Viveiro estrena o Tapeo de Cuaresma este venres, 24 de marzo. Unha iniciativa posta en marcha en colaboración ca Xunta de Cofradías da Semana Santa de Viveiro, e na que participan 7 locais que ofrecerán tapas variadas por 2,50€.. “ao ser un tapeo de Cuaresma ninguna das tapas leva carne”, explican desde o CCH.
Os locais que participan e as tapas que servirán tanto ó mediodía como pola noite son: Pulpería O Panadeiro (salpicón de centolo e marisco); Atlántico gastrobar (fusilli con atún e tomate); Mesón O Recuncho (tempura de verdura e langostino); Casa Pepi (lágrima de merluza); El Tigre (roliños de allo gratinados con catro queixos); Cornelius (pasta negra con gambas, setas e galmesano) e Heladería Puerta Real (tarta cheesecake de fresa).
O Seminario de Estudos Terra de Viveiro celebrará este domingo, 26 de marzo, a tradición local do Día das Tortillas, previa á Semana de Paixón, e que tanto arraigo mantén en Viveiro.
Os organizadores explican que “durante a xornada na cima do monte San Roque os participantes poderán gozar das fermosas paisaxes do val e da ría de Viveiro, así como das explicacións do cronista oficial da cidade, Carlos Nuevo Cal, quen falará sobre as orixes da advocación ao santo de Montpellier e da súa relación coa peste e con outras pandemias. Igualmente, explicaranse distintas lendas e historias relacionadas co mar de Viveiro, fonte inesgotable de tradicións e cultura. Deseguido, xantaremos na Parrillada Mirador San Roque para degustar as típicas tortillas, un variado churrasco e sobremesa, no ambiente de confraternidade que nos caracteriza”.
A parroquia de Bravos, no concello de Ourol, celebra a súa tradicional Festa da Tortilla este sábado, 25 de marzo, como cada ano por estas datas.
Está organizada pola asociación de veciños Irmáns Vilar Ponte e será no seu local social a partir das 21:00 horas.
Haberá degustación de tortilla e de raxo de balde, ademais de baile amenizado polo dúo Estrellas.
A XXX edición da Festa do Ourizo terá lugar o sábado 25 de marzo, en San Ciprián. Para ese día están programadas diferentes actividades que terán ao equinodermo como protagonista.
A cita foi presentada alcalde, Alfonso Villares, o edil de Turismo, David Rodríguez, polas concelleiras de Cultura e Medio Ambiente, Dolores García Caramés e Mali Méndez, respectivamente, e por representantes da hostalería local que participan neste evento declarado de Interese Turístico Galego.
Como en anteriores edicións, tamén se celebrará un concurso gastronómico que está aberto aos locais da hostalería de San Ciprián que participan na festa: O Noso Lar, As Titas, O Faro, A Bodega, Maruxaina e Aquelarre. O concurso será mañá, 17 de marzo, na Casa da Cultura. Os participantes deberán entregar as súas propostas –dúas como máximo- ás...
leer más
Do 17 ao 19 de marzo, do venres ao domingo, AciaFozCCA organiza unha fin de semana gastronómica dedicada ás tostas. Será coincidindo coa celebración da festividade de San Xosé e do día do pai.
Nove locais hostaleiros ofrecerán tostas eses días ao prezo de 2,5 euros. Son: A Viela, Anduriña, Augas Santas, Bar 78, Marexada, Dandy, O Muelle, O Tangarte e Xoyma.
O presidente de AciaFozCCA, José Carlos Paleo, dixo que “o que queremos é animar esta fin de semana, que para moita xente será de celebracións tanto do día do pai como de San Xosé, ofrecendo unha proposta gastronómica dedicada ás tostas. Así podemos saír tomar algo, degustar unhas tostas e logo comer ou cear nos bares e restaurantes do noso pobo”.
Paleo subliñou que “o obxectivo é complementar a campaña que organizamos para o día do...
leer más
AciaFozCCA organiza unha fin de semana gastronómica dedicada ás tostas. Será do 17 ao 19 de marzo coincidindo coa celebración da festividade de San Xosé e do día do pai.
Nove locais hostaleiros ofrecerán tostas eses días ao prezo de 2,5 euros. Son: A Viela, Anduriña, Augas Santas, Bar 78, Marexada, Dandy, O Muelle, O Tangarte e Xoyma.
O presidente de AciaFozCCA, José Carlos Paleo, explicou que “queremos animar unha fin de semana que para moita xente será de celebracións, ofrecendo unha proposta gastronómica dedicada ás tostas. Así podemos saír tomar algo, degustar unhas tostas e logo comer ou cear nos bares e restaurantes do noso pobo”.
Paleo sinalou que “o obxectivo é complementar a campaña que xa temos en marcha no comercio local para o día do pai e na que imos sortear 1.500 euros en...
leer más