Publicaciones
A escritora Xulia Marqués Valea presenta na Pontenova o seu libro titulado Para que non estiñe a memoria das avoas. Perfecta Ogaza Fontangordo. Será este sábado, día 27 de setembro, ás 12:00 horas no Auditorio da Casa da Cultura do Concello da Pontenova. Con entrada libre.
No acto de presentación intervirán: Darío Campos, alcalde da Pontenova; Valentín García, secretario xeral da Lingua da Xunta de Galicia; Belén Castro, profesora da USC e exvicedecana da Facultade de Ciencias da Educación de Santiago de Compostela; e a autora do libro. O acompañamento musical correrá a cargo da agrupación folclórica Colexiata do Sar, de Santiago de Compostela.
Ao rematar o acto haberá un xantar en honra de Perfecta Ogaza Fontangordo (Pichula), no local das asociacións desde as 14:30 horas.
Tras o parón do verán, o club de lectura da Biblioteca Pública Municipal do Concello de Barreiros retoma a súa actividade cunha nova xuntanza este sábado, día 20 de setembro, ás 12:00 horas na propia biblioteca. A publicación escollida para esta sesión é O derradeiro libro de Emma Olsen, de Berta Dávila.
“Seguimos contando coa escritora mariñá Antía Yáñez, que será a encargada de coordinar e conducir o club unha tempada máis. Adiantámosvos tamén que, durante o parón estival, sumáronse novas incorporacións e actualmente xa somos 18 persoas compartindo lecturas e conversas. Se ti tamén estás interesado/a en unirte para desfrutar da literatura en boa compañía, achégate a biblioteca municipal en horario de 9:30 a 14:30 horas; alí facilitaranvos máis información e resolverán as vosas dúbidas”, anuncia o Concello de Barreiros.
O coñecido xornalista Fernando Jáuregui presentará mañá, xoves, o seu último libro El cambio en 100 palabras. ¿Cómo serán nuestras vidas en 2050?. Será ás 20 horas no Salón dos Alcaldes do Concello de Ribadeo.
Fernando Jáuregui foi columnista en varios periódicos de tirada nacional, foi e é comentarista político en tertulias radiofónicas e televisivas e ocupou a subdirección dos servizos informativos de Telecinco, onde dirixiu o espazo Mesa de Redacción.
Ten publicado uns vinte libros. O último será o que presente en Ribadeo mañá.
A concelleira de Cultura, Begoña Sanjurjo, dixo que “en Ribadeo seguimos acollendo a presentación de diferentes publicacións e libros, actividades que forman parte da nosa oferta cultural. Animamos á veciñanza do noso concello e da contorna a que se acheguen a...
leer más
“Escrita cunha prosa poderosa, de diálogos incisivos, As donas da noite é unha proposta que agradará a aquel lectorado que desexe contemplar o noso rural cunha outra ollada”, así describiu o xurado do X Concurso Balbino de Relatos a obra As donas da noite, da autoría de Lionel Rexes, residente no concello do Alfoz do Castrodouro, texto co que resultou gañador desta décima edición.
O veredicto, que premiou a novela por unanimidade, emitiuno un xurado composto por reputados profesionais do sector, entre os que se atopaban Carlos Loureiro (profesor e escritor), Fernando González Graña (escritor e dramaturgo), Rosalía Morlán (escritora e poeta) e Armando Requeixo (profesor e crítico literario).
O xurado quixo destacar tamén nesta obra “a súa inmersión nun rural galego poliédrico no que convive o...
leer más
A Mancomunidade de Concellos da Mariña publica a Guía do Turista Responsable, un manual de boas prácticas para fomentar un turismo respectuoso co xeodestino. Ten como obxectivo promover unha reflexión activa sobre a necesidade de minimizar o impacto das viaxes nos territorios. O documento forma parte do proxecto de Estudos de Capacidade de carga en 11 lugares de especial fraxilidade de A Mariña Lucense, impulsado ao abeiro do PSTD.
No mundo no que vivimos, no que cada vez son máis as persoas que viaxan para coñecer novos lugares, é preciso facer unha reflexión e ser conscientes de como eses desprazamentos e estadías impaCtan nos territorios que se visitan. Con este obxectivo a Mancomunidade de Concellos da Mariña Lucense vén de publicar a Guía do Turista Responsable, un documento sinxelo e conciso que, máis alá de recompilar recomendacións...
leer más
Este mércores, 27 de agosto, ás 20:00 horas terá lugar na Biblioteca El Viejo Pancho de Ribadeo (rúa Antonio Otero, 19) a presentación do libro Salir al mundo. Guía práctica de vida diplomática, de Pedro Calvo-Sotelo Ibáñez-Martín.
O acto contará coa intervención de Carlos Álvarez Lebredo, Luis Fernández-Cid e o propio autor da obra.
A publicación ofrece unha visión práctica e divulgativa sobre a vida diplomática. A entrada é libre ata completar aforo.
O mércores 13 de agosto ás oito da tarde na Biblioteca Pública Municipal El Viejo Pancho, de Ribadeo, terá lugar a presentación do libro As bocas cosidas, de Marilar Aleixandre.
Organizada pola asociación veciñal O Tesón, con colaboración da Casa das Letras, a Editorial Galaxia e o Concello de Ribadeo, “contará coa presenza da autora, Marilar Aleixandre, académica de número da RAG e entre outras moitas distincións Premio Nacional de Narrativa 2022 e premio San Clemente 2003, e do tamén académico, a máis de paisano, Lourenzo Fernández Prieto. Introducirá o acto Antonio Gregorio. O acto corresponderá a un formato de tipo conversa”, anuncia O Tesón, que explica: “As bocas cosidas é o último libro de Marilar Aleixandre, novelado a partir dun episodio familiar. En xaneiro de 2010 ó pai da autora pedíronlle saliva para...
leer más
A asociación cultural A Pomba do Arco organiza o xoves, 14 de agosto, ás 20:30 hora no salón de actos do Cenima de Foz a presentación do libro de Martín Fernández Vizoso, Memoria de Mariñáns, que recolle 75 traballos sobre a emigración da Mariña ao continente americano.
O xornalista e estudoso Martín Fernández Vizoso “achegará na súa intervención 13 investigacións sobre emigrantes focegos en Arxentina, Cuba ou Filipinas. As mesmas permiten reconstruír unha parte descoñecida da diáspora focega”, explican desde A Pomba do Arco.
Fernández Vizoso, xornalista e investigador, é veciño de Cangas e autor dunha amplía bibliografía sobre a historia da comarca da Mariña, á que xa ten dedicada catro volumes e centos de artigos en diversas publicacións.
O Concello do Valadouro anuncia que a presentación oficial da última edición ampliada de Contos do Valadouro será este venres, día 1 de agosto, ás 20:00 horas na Casa da Cultura.
Esta é unha edición ampliada con algo máis de medio cento de contos e historias con respecto a edicións anteriores.
Moderará o acto Lionel Rexes, que estará acompañado por un dos autores e recolectores de contos e historias do Val do Ouro, Xesús Pisón. Acompañará o musicólogo Mano Panforreteiro, que interpretará varias pezas musicais durante a lectura dos contos.
A entrada é de balde.
O viveirense Antonio Lage-Seara acaba de publicar un libro dixital titulado Celeiro, fogar do mar.
O Concello de Viveiro explica que é “unha homenaxe en forma de libro dixital á profunda relación desta vila co océano, verá a luz o vindeiro 25 de xullo, coincidindo coas festas parroquiais. A obra, que conta co prólogo da alcaldesa Mariña Gueimunde, reúne textos de autoras e autores que afondan na memoria mariñeira de Celeiro: desde a galerna de 1961 ata a historia das conserveiras, os barcos co nome do porto, o papel das mulleres mariñeiras ou a vida na Cofradía. Todo acompañado de debuxos de peixes e imaxes das casas de Celeiro de hai medio século. O proxecto foi coordinado, editado e ilustrado por Antonio Lage-Seara, quen ademais fará unha doazón moi especial: un Santiago de Pedra para Celeiro, como mostra de cariño ao patrón e...
leer más