Teatro
O salón de plenos do Concello de Burela acolleu este mércores a presentación da obra teatral titulada O meu pai naceu o mesmo ano que Mick Jagger, unha coprodución entre Tarabela Creativa e o propio Concello que se estreará o día 9 de outubro en Burela. No acto participaron representantes do Concello e da compañía, que deron a coñecer a nova proposta escénica que mestura humor, memoria e identidade e que mantén unha estreita vinculación con Burela.
A concelleira de Cultura, Lina Gómez, explicou que "é unha satisfacción poder presentar un proxecto como este, no que levamos tempo traballando con Tarabela Creativa, unha compañía que xa coñece ben Burela”. Sinalou que nesta ocasión decidiron dar “un paso máis” apostando por unha coprodución dunha obra “moi especial e moi ligada á vila polo seu protagonista e pola historia que conta...
leer más
O grupo teatral O Centiño, de San Martiño (Foz), anuncia que celebra os seus dez anos de existencia estreando a súa oitava representación teatral. Trátase da obra titulada O Autobús, “unha comedia con momentos para a reflexión, escrita por Pepe Peinó, cuxa acción ten lugar no interior dun autobús”. A estrea terá lugar no centro social de Ferreira Vella, en San Martiño, lugar onde o grupo fai os seus ensaios, este sábado, día 11 de abril, ás 20:30 horas, con entrada de balde.
O Centiño explica que nesta obra “sete actores dan vida a diversos personaxes: unha turista inglesa, un xubilado, un gandeiro do rural galego, unha esteticista, un ama de casa e un profesor, acompañados, como é natural, polo chofer do autobús. Preséntase a viaxe como unha metáfora da vida, que se lle parece moito, con diversos sucesos e paradas, con diversa...
leer más
A compañía teatral Morraoconto representará en Viveiro a obra titulada Tromsø este sábado, 11 de abril. Será ás 20:30 horas no Teatro Pastor Díaz.
Esta obra é unha comida para maiores de 16 anos cunha duración de 80 minutos. O autor é Rafa Martínez, que tamén a dirixe xunto a Esther Latorre, e o elenco artístico esta formado por Miguel Gendre, Lara Pouso, Lidia Veiga, Julia Ammerman e Lucía Iglesias.
A sinopse é a seguinte: “cando un ser querido nos deixa, o baleiro que queda énchenos dun silencio que, ás veces, nunca conseguimos facer desaparecer. Un silencio que se aferra ao corazón apagando para sempre parte da súa luz. Tromsø é unha reflexión en clave de humor dende a perda. Sobre a vida, a morte e todo o que queda entre medias. É un canto á tristura pero tamén á esperanza. Unha viaxe épica...
leer más
A Casa da Cultura de Burela acollerá este venres, día 10 de abril, ás 21:00 horas a representación da obra teatral Testosterona, protagonizada por Camila Bossa e Luis Iglesia.
O Concello de Burela anuncia que é “unha proposta escénica que mestura comedia e reflexión arredor dun tema de plena actualidade como é a desigualdade laboral por cuestión de sexo. A obra de Sabina Berman, dirixida por Xoque Carbajal, parte dunha situación sinxela pero cargada de significado. O director dun importante medio de comunicación debe decidir quen ocupará o seu posto entre dúas persoas candidatas, un home e unha muller. A partir deste punto, o espectáculo afonda en cuestións como a capacidade profesional, a experiencia, o talento ou os prexuízos, poñendo o foco nas dificultades ás que se enfrontan as mulleres á hora de acceder a postos de...
leer más
Os coñecidos actores Camila Bossa e Luis Iglesia interpretarán a obra teatral titulada Testosterona en Ribadeo o día 19 de abril, domingo. Será ás 20:30 horas no auditorio municipal Hernán Naval.
Esta representación de Malasombra Producións, escrita por Sabina Berman e dirixida por Xoque Carbajal, trata de “dous candidatos, un posto de poder e unha pregunta incómoda: que pesa máis, o talento … ou o xénero? Unha obra intelixente e mordaz sobre a desigualdade laboral que che fará pensar (e sorrir)”, anuncia o Concello de Ribadeo.
Este sábado, día 4 de abril, a partir das 21:00 horas na Casa de Cultura de Trabada o grupo de teatro Pico do Castro, de Foz, representará a obra titulada Cousas de vellos.
“Un espectáculo que forma parte dos ciclos teatrais que o Concello organiza para achegar cultura e diversión á nosa veciñanza. Non perdas esta oportunidade de desfrutar dunha noite de risas e emocións en Trabada!”, anuncia o Concello de Trabada.
Con motivo do Día do Libro Infantil e Xuvenil, o Concello de Alfoz organiza unha xornada “moi especial para as nenas e nenos da Escola Infantil de Alfoz. O vindeiro xoves 9 de abril desfrutarán no seu centro da actividade: Manual para deitarse … e durmir. Unha sesión de contacontos, cantigas e fantasía deseñada en exclusiva para o alumnado da escola, co obxectivo de fomentar o amor pola lectura e a maxia das historias dende as idades máis temperás. Porque nunca é cedo de máis para descubrir o pracer dun bo conto!”, anuncia o Concello de Alfoz.
Este domingo, día 29 de marzo, ás 19:00 horas no Auditorio Hernán Naval, de Ribadeo, Os Quinquilláns van representar a súa versión de Cousas, de Castelao.
É unha actividade organizada pola Agrupación Cultural Francisco Lanza, que explica: “con esta representación poñemos fin á exposición Sempre en Galiza. 1944-2024, que aínda se pode ver na Oficina de Turismo de Ribadeo. Tanto a exposición como a representación teatral é patrocinada pola Área de Cultura da Deputación Provincial de Lugo”.
A Agrupación Cultural Francisco Lanza engade que “Os Quinquilláns celebran o Ano Castelao cunha divertida versión de Cousas na que están presentes os grandes temas do texto orixinal do rianxeiro universal: ecoloxía, solidariedade, emigración, xustiza social... O retranqueiro burro dun dos contos,...
leer más
O Concello de Cervo anuncia a representación da obra teatral Aire fresco, a cargo do grupo Ardora, de San Ciprián, que terá lugar este domingo, día 29 de marzo, ás 19:00 horas no Local Social de Lieiro. A entrada será libre ata completar aforo.
A presentación do evento contou coa participación da alcaldesa de Cervo, Dolores García Caramés, da concelleira Mali Méndez, así como de membros da Asociación de Veciños Nosa Señora de Lieiro, que organiza a actividade, e do elenco da obra, e celebrouse no propio local social onde terá lugar a representación.
O Concello de Cervo explica que “Aire fresco é unha comedia que, a través do humor, convida á reflexión sobre cuestións sociais de gran relevancia. A obra aborda como a crise da Covid puxo de manifesto problemas comúns da vida cotiá que a miúdo pasan...
leer más
O actor e humorista Carlos Blanco levará o seu espectáculo A penúltima á Casa da Cultura de Burela o venres 27 de marzo ás 21:00 horas.
O Concello de Burela explica que A penúltima “é unha proposta na que o artista presenta imaxes e historias, combinando contidos novos con outros xa coñecidos, mantendo o humor como eixo principal. A función está dirixida a público maior de 14 anos. O prezo da entrada é de cinco euros e estarán dispoñibles no despacho de billetes unha hora antes do comezo”.
A actividade conta coa colaboración do Concello de Burela, a Xunta de Galicia, a Axencia Galega das Industrias Culturais e a Rede Galega de Teatros e Auditorios.