Teatro
A humorista Leti da Taberna presentará no Valadouro o seu espectáculo titulado Enredada. Será este sábado, día 14 de marzo, ás 20:00 horas na Casa da Cultura.
Está organizado polo Concello do Valadouro, que anuncia: “o sábado 14 de marzo ás 20: 00 horas haberá un show da famosa humorista Leti da Taberna que asegura moitas risas e diversión, con entrada de balde”.
O Concello de Foz vén de publicar as bases para inscribirse no V Certame de Teatro Afeccionado José Luis López Lorenzo O Poto, que se celebrará en xuño.
As inscricións poderán facerse a través da sede electrónica municipal, onde existe un trámite específico para a mesma. As bases poderán consultarse no departamento de Cultura ou na sede electrónica do concello. O prazo para anotarse remata o día 11 de abril.
A concelleira de Cultura, Inés López Couto, explica que o certame de teatro afeccionado “é unha cita xa consolidada en Foz, onde se xuntan actrices e actores afeccionados e un público amante do teatro. As datas do certame son no vindeiro mes de xuño: os días 5, 6, 7, 12, 13 e 14, na Casa da Cultura”.
Inés López engade: “agardamos que coma nos últimos anos as compañías se animen a...
leer más
O Concello de Ribadeo pon en marcha unha Aula de Teatro, que botará a andar o 15 de marzo.
A concelleira de Cultura, Begoña Sanjurjo, explicou que “na Concellería de Cultura queremos animar a todas as persoas que gustan da interpretación a participar na Aula de Teatro tanto para comezar no mundo do teatro como para mellorar a expresión corporal e a creación de personaxes ou simplemente para gozar coa experiencia de converterse noutra persoa”.
A edil ribadense dixo que “consistirá nunha sesión mensual de 3 horas coa idea de facer unha representación final colaborativa aló polo mes de maio. Este proxecto estará conducido por Rubén Pérez Pombo e Daniel Vázquez Vila”.
Sanjurjo engadiu que “aínda que comezamos en domingo os ensaios, seguramente serán os sábados pola maña. Vémonos para comezar...
leer más
A compañía Inventi Teatro representará en Viveiro a obra titulada As palabras perdidas. Será o día 14 de marzo, sábado, ás 18:00 horas, no Teatro Pastor Díaz.
É unha comedia para público infantil, a partir de 4 anos, escrita e dirixida por Bea Campos, que tamén forma o elenco artístico xunto a Marcos Alonso.
A sinopse é a seguinte: “A Condesa Colorada e o seu axudante Leocadiof son viaxeiros chegados dende moi lonxe. A Condesa, unha coñecida contadora con fama internacional, disponse a narrar o seu relato preferido pero, ao abrir o libro, cae na conta de que o seu conto está cheo de buracos. Faltan palabras moi importantes, palabras como ganapán, vagalume ou verme. As palabras fuxiron da historia, borradas por falta de uso. Só utilizándoas de novo volverán ao conto. As palabras perdidas é un...
leer más
O Auditorio de Burela acollerá este sábado 7 de marzo ás 19.00 horas a representación de Molto Barroco, un espectáculo escénico que combina teatro, comedia e música inspirado no período barroco europeo para todos os públicos. A función forma parte da programación cultural promovida pola Axencia Galega das Industrias Culturais (AGADIC) dentro da Rede Galega de Teatros e Auditorios. A proposta de Píscore Teatro “sitúa a acción nunha corte real europea de mediados do século XVIII, onde o rei encarga unha composición musical para un baile de pedida de man, dando lugar a unha sucesión de situacións cómicas e musicais protagonizadas polo compositor da corte, os músicos e un bufón de carácter irreverente”, anuncia o Concello de Burela, que engade: “o espectáculo combina interpretación teatral, humor, danza e música, incluíndo composicións orixinais inspiradas na...
leer más
O grupo Andanzas, de Viveiro, representará a obra titulada Los hombres no mienten, este sábado, día 28 de febreiro, ás 19:30 horas na Casa da Cultura do Vicedo.
Trátase unha comedia destinada a público adulto e con entrada gratuíta.
A compañía teatral Malasombra Producións representará en Viveiro a obra titulada O proceso. Será este sábado, día 28 de febreiro, ás 20:30 horas no Teatro Pastor Díaz.
É unha comedia para público adulto (maiores de 14 anos) escrita e dirixida por Candido Pazó. O elenco artístico está formado por Jouse García, Marcos Orsi, Paula Pier e Xoque Carbajal.
A sinopse é a seguinte: “1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado. A partir destes feitos históricos Cándido Pazó constrúe unha peza teatral que, en ton de sainete cómico protagonizado por unha galería de personaxes populares do Ourense...
leer más
Galeatro representará a obra titulada Berenguela na gaiola este sábado, día 21 de febreiro, ás 18:00 no Teatro Pastor Díaz, de Viveiro.
É unha obra dirixida ao público infantil maior de 6 anos. A autora e directora é Paula Carballeira e o elenco artístico está formado por Alba Bermúdez, Atenea García e Tone Martínez.
A sinopse é a seguinte: “nunha residencia da terceira idade traen de volta á Berenguela, una anciá que aproveita para fuxir en canto pode. Quere volver á súa casa na aldea, onde sempre viviu, onde é feliz. Berenguela protesta, rosma, funga, ata que a súa amiga Aurora consegue acougala. Aurora é outra anciá prisioneira, unha anciá que non lembra ben quen é, así que pode ser o que ela queira. Na mesma residencia está Tomás, que pasa o día mirando pola xanela, cismando nas súas cousas, triste e...
leer más
A compañía teatral Lume Escénico, de A Pontenova, representará a obra titulada Activ@s na Casa da Cultura de Trabada. Será este sábado, día 7 de febreiro, ás 21:00 horas.
Está organizada polo Concello de Trabada, que anuncia: “temos unha nova cita teatral coa representación da obra Activ@s, da compañía Lume Escénico. Unha proposta chea de humor e reflexión. Convidamos á veciñanza a asistir e seguir desfrutando da programación cultural municipal”.
Malasombra Produccións representará en Ribadeo a obra teatral para público adulto titulada De algo hai que morrer. Será este domingo, día 8 de febreiro, ás 20:00 horas no Auditorio Municipal Hernán Naval.
É unha obra de José Prieto, dirixida por Marcos Orsi e interpretada polos actores Xoque Carbajal e Jouse García.
O Concello de Ribadeo anuncia que “hai historias que fan rir, hai historias que incomodan e logo está De algo hai que morrer. Se che gusta o humor negro, os personaxes ao límite e as verdades ditas con sorriso … esta é a túa”.