Teatro
O vindeiro sábado, 27 de novembro, chega á Casa da Cultura de Burela Conexión Pingüín, unha divertidísima comedia sobre a incomunicación protagonizada por Luís Iglesia e Marcos Orsi con texto do premiadísimo José Prieto e producida por Culturactiva Producións. Tralo éxito de Sénior, estes dous grandes actores xúntanse de novo para meterse na pel de dous intrépidos montañeiros que tratan de chegar á Antártida.
Conexión Pingüín é unha peza que fala da incomunicación entre os seres humanos, un mal que fai estragos todo os días e a todas horas. Estamos na súper era tecnolóxica, da conexión inmediata, da telecomunicación, mais nunca estivemos tan lonxe entre as persoas.
Unha reflexión cómica sobre a incomunicación na era da comunicación, nunha posta en escena que mestura neve polar, móbiles de última xeración,...
leer más
O Teatro Pastor Díaz de Viveiro acollerá a representación da obra Porvenir a cargo de Impromadrid. A función será este domingo, 27 de novembro, ás 20:30 horas.
Porvenir conta a historia de catro amigos de toda a vida que, azuzados pola deusa da fortuna, se enfrontan á incómoda pregunta de como queren vivir a madurez das súas vidas. Son eles os que lean as rendas da súa existencia ou, polo contrario, simplemente se deixan levar pasivamente polas súas labores cotiás? A obra non dá solución á pregunta pero reivindica o feito mesmo de plantexala e, sobre todo, a necesidade de atopar tempo para pensar nela.
Baixo a dirección de Ignacio López, autor da obra, o elenco artístico está formado por: Ignacio Soriano, Paloma Córdoba, Elena Lombao, Borja Cortés e Ignacio López.
¡Es Navidad! El Musical chegará a Burela o día 28 de decembro. A representación terá lugar na Casa da Cultura ás 19:00 horas.
A obra chega da man da Compañía de Teatro Musical de España e Pekebaila Kids, creadores do musical de Coco Recuérdame. As entradas están xa á venda en https://bit.ly/3nnatr4.
Trátase dunha nova e divertida versión do Nadal dirixida a nenos e nenas ata 8 anos con todos os bonecos de Pekebaila e convidados como Arendelle, Olaf, Elsa, Anna, Maléfica, Papá Noel, Grinch, o Ratonciño Pérez e Pinocho na que se interpretan cancións populares de Nadal e outras cancións de musicais e películas.
O Auditorio Municipal de Burela acolle a representación da obra "Libre como os paxaros" a cargo de Teatro do Atlántico. A función terá lugar este domingo, 21 de novembro, ás 21:30 horas con entrada é libre ata completar aforo. Programada pola Delegación de Cultura do Concello de Burela, enmárcase no programa de dinamización lingüística FalaRedes 2021 da Secretaría Xeral de Política Lingüística para a Rede de Dinamización Lingüística.
Baixo a dirección de Xulio Lago, está interpretada por María Barcala. Trátase dunha representación teatral para público adulto e adolescentes maiores de 14 anos no que a figura protagonista é Rosalía de Castro quen se dirixe ao público en primeira persoa compartindo as particularidades da súa propia orixe, do seu pensamento, da súa circunstancia social e dos condicionamentos que ten que superar para ser quen...
leer másTeatro de Ningures presenta o 21 de novembro no Valadouro "O OGrocho", dirixida ao público familiar.
O grupo Teatro de Ningures presenta a obra O OGrocho este domingo, 21 de novembro, ás 19:00 horas, no salón de actos do Centro Sociocultural Xuvenil e da Terceira Idade Manuel Lourenzo do Valadouro.
A obra, dirixida ao público familiar, representa a historia dun pequeno ogro que vive só coa súa nai nunha casa no medio dun tupido bosque apartado da comunidade. O día que empeza a ir á escola e ve a outros nenos descobre a súa diferenza, non só no seu tamaño senón tamén no seu instinto, é o fillo dun ogro que a súa nai amou de forma apaixonada. O Ogrocho, cos seus seis anos, a súa forza extraordinaria e a súa terrible herdanza, intenta reconciliarse coa súa parte oculta, dominar os seus instintos nun intento de parecerse aos demais. Para elo ten que superar tres probas.
Baseado na obra de Suzanne Lebeau,...
leer más
O comercio xusto chega unha vez máis a Burela da man de Solidariedade Internacional de Galicia coa fin de seguir espallando a súa mensaxe: promover unhas relacións comerciais máis xustas entre países respectando os dereitos humanos.
No marco da campaña Aquí e Acolá O Xusto, xa se realizou en Burela a feira Comercio Con Sentido de produtos de comercio xusto na Praza da Mariña o 22 de outubro. E agora vai ter lugar a representación da obra teatral “Vaia Tea!” na Casa da Cultura o día 19 de novembro ás 20:00 horas. A entrada ao espectáculo, recomendado para un público a partir de 12 anos, será de balde ata completar aforo.
A representación teatral “Vaia Tea!” da compañía Xucrut Teatre pretende achegar aos/as espectadoras a realidade que existe detrás do consumo de roupa a través do humor e a invitación á reflexión...
leer más
O Auditorio Municipal de Burela acolle a representación da obra O Premio a cargo da Cía. La Quintana, este sábado, 13 de novembro, ás 20:30 horas. A actividade está organizada pola Concellería de Cultura.
Trátase dunha comedia aceda que fala da situación das persoas dentro dun futuro próximo no que o progreso tecnolóxico e a loita cara ao éxito económico, sentimental e social fose tal que se viron obrigadas a caer en O Premio como única fórmula de conseguir a felicidade. O Premio é un reallity en directo onde o público vota a quen merece levar o premio da súa vida.
A obra de Santiago Cortegoso, baixo a dirección de Marián Bañobre, conta cun elenco artístico formado por: Raquel Espada, Victoria Teijeiro e Xurxo Cortázar.
O Premio recibiu o Pemio FETEGA 2021 a Victoria Teijeiro como Mellor...
leer más
Contraproduccións porá en escena a obra Cigarreiras, no Teatro Pastor Díaz, de Viveiro este sábado, 13 de novembro, ás 20:30 horas.
No centenario do pasamento da novelista Emilia Pardo Bazán, Contraproduccións presenta unha relectura dunha das obras máis interesantes da autora, A Tribuna. A muller, o amor e os prexuízos de clase son os temas entorno aos que xira esta relectura facendo fincapé no ambiente e primeiras loitas femininas das traballadoras da fábrica de Tabacos da Coruña. Todo isto con un transfondo político onde se asiste ao ocaso dos Borbóns e á atribulada proclamación da I República.
Baixo a dirección de Cándido Pazó, o elenco artístico está composto por: Tamara Canosa, Susana Dans, Ledicia Sola, Isabel Naveira, Covadonga Berdiñas, Ana Santos e Merce Castro.
A venda de...
leer más
A Biblioteca Municipal de Ourol organiza o espectáculo de contacontos "A aventura de Daniela Pirata" para bebés de 0-3 anos dentro da campaña contra a violencia de xénero e pola igualdade. Será no edificio multiusos de Ourol o día 20 de novembro, sábado, ás 11:30 horas.
Neste contacontos, a través da música e dos xogos, os asistentes acompañarán a Daniela Pirata nas súas aventuras, que encantarán ós máis pequenos.
As prazas son limitadas e inscriben no teléfono 982.55.90.19 ata o 16 de novembro.
O Teatro Pastor Díaz, de Viveiro acollerá este xoves, 11 de novembro, ás 19:00 horas o espectáculo de Paula Carballeira Facer Memoria.
Trátase dun espectáculo-encontro entre a narradora oral Paula Carballeira e as persoas de Viveiro no que desaparecen os límites entre o palco e o patio de butacas, dándolles voz tamén ás lembranzas do público. Deste xeito, entre contos e conversas, inténtase facer memoria.
Colaboran na organización deste evento: Xunta de Galicia, Xacobeo 21-22 e Rede de Dinamización Lingüística.