Teatro
Este sábado, día 12 de abril, ás 18:00 horas chega á Casa da Cultura de Burela a obra de teatro familiar titulada Facendo o indio, de Galitoon Muppets á Casa da Cultura de Burela.
O Concello de Burela anuncia que é “un espectáculo cheo de humor, música, maxia e moitas aventuras que nos fará viaxar ao salvaxe oeste sen saír da butaca”.
O prezo da entrada é 3 euros.
O grupo teatral O Centiño, de San Martiño, representará a obra titulada Trepa, Tripa e Tropa este sábado, día 12 de abril, ás 20:00 horas no local da antiga báscula de Marzán (Foz).
A asociación de veciños O Torques, de Marzán, e a Delegación de Cultura do Concello de Foz organizan esta velada de teatro, na que O Centiño, de San Martiño, ofrecerá a súa última obra, Trepa, Tripa e Tropa, “unha crítica sobre as malas formas de vivir e unha louvanza sobre as virtudes que fan mellor a vida. Será polas 8 da tarde no local social da antiga báscula de Marzán. Unha boa ocasión para desfrutar do teatro e pasar un rato divertido. Apuntádevos!”, anuncia o grupo teatral O Centiño.
O Concello de Foz vén de publicar as bases para inscribirse no IV Certame de Teatro Afeccionado José Luis López Lorenzo O Poto. As inscricións poderán facerse a través da sede electrónica municipal, onde existe un trámite específico para a mesma. As bases poderán consultarse no departamento de Cultura ou no taboleiro de anuncios da sede electrónica. O prazo para anotarse remata o día 5 de maio.
A concelleira de Cultura, Inés López Couto, explica que o certame de teatro afeccionado “é unha cita xa consolidada en Foz, onde se xuntan actrices e actores afeccionados e un público amante do teatro. As datas do certame son no vindeiro mes de xuño: os días 6,7 e 8 e 13, 14 e 15, na Casa da Cultura”.
Inés López engade: “agardamos que coma nos últimos anos as compañías se animen a participar e facernos desfrutar ao...
leer más
Caramuxo Teatro presenta en Ribadeo o espectáculo titulado Catro, para bebés de 6 meses a 3 anos, este domingo, día 6 de abril. Será no auditorio municipal Hernán Naval ás 17:30 horas.
Este espectáculo ten unha duración de 30 minutos e o prezo da entrada é de 3 euros.
Este venres, día 4 de abril, Brais das Hortas presenta en Foz o seu espectáculo para público infantil e familiar titulado Contos para caghar patatillas. Será ás 18:30 horas na Casa da Cultura, con entrada de balde.
“A Santa Compaña cantando un trap, o home do saco, a verdadeira canción de como morreu tranquilo, un ataque de salouco, unha base creada ao vivo cunha loop station, sete bruxas que voan de Moaña a Sevilla nunha barca, instrumentos de refugallo creados en directo...e moito máis. Un espectáculo para morrer de medo....ou de risa!”, anuncia o Concello de Foz.
O grupo teatral A Adala, de Fazouro (Foz), representará a obra titulada Unha morta moi viva este sábado, día 5 de abril, as 21:00 horas na Casa da Cultura de Trabada. A entrada é de balde.
O Concello de Trabada anuncia que é “unha comedia chea de sorpresas que non podes perder. Vén gozar do mellor teatro afeccionado!”.
Este sábado, día 5 de abril, ás 19:30 horas no salón de actos da Casa da Cultura de Alfoz haberá un espectáculo de maxia e humor para todos os públicos a cargo do Mago Paco. Titúlase Hocus Pocus.
Está organizado polo Concello de Alfoz, que anuncia: “un espectáculo cheo de ilusión, risas e maxia para todos os públicos! Ven pasar unha tarde inesquecible con O Mago Paco e deixa que a sorpresa encha o escenario”.
A compañía Teatro do Noroeste representará a obra titulada Gloria Nacional en Burela o día 4 de abril, venres.
Está incluída dentro da programación cultural do Concello de Burela, que anuncia: “Teatro do Noroeste trae a historia dun escultor en crise creativa, reflexionando sobre arte, identidade e política. Un espectáculo cheo de humor e crítica social, interpretado polas actrices Luma Gómez e Manuela Varela e o actor Miguel Pernas”.
Esta representación, para público adulto, será na Casa da Cultura de Burela e o prezo das entradas é de 5 euros.
O grupo teatral 57 palabras, de Viveiro, representará a obra titulada Sen frores nin coroas este domingo, día 30 de marzo, ás 19:30 horas na Casa da Cultura de O Vicedo.
O encargado da tradución e dirección da obra é Juan Pascual, que tamén forma parte do elenco xunto a Dolores Blanco, José Manuel Vale, Maki Franco e Cristina Suriano.
A entrada é gratuíta.
O grupo humorístico Trípode representará a obra teatral titulada A presa en Bravos (Ourol) este domingo, día 30 de marzo. Será ás 18:30 horas no Local Social, con “taquilla inversa”.
É unha actividade organizada polo grupo de teatro da Asociación Cultural Recreativa Deportiva Aturuxeiros de Bravos, que con esta representación pecha o seu ciclo de teatro deste mes de marzo.