Burela
02/03/2015
A Asociación Pasada das Cabras de Burela ten previsto facer o vindeiro sábado, 7 de marzo, a ruta Camiños de Santaballa en Vilalba. Son 12 quilómetros e a dificultade é baixa.
O prezo será de 25 € para os socios e de 30 para os que non o son e inclúe autobús, comida e seguro. A saída será ás 9 da mañá da Estación de Autobuses de Burela. Recoméndase levar botas e bastón.
Para participar é imprescindible anotarse en Gráficas Arfe ou ben n o teléfono: 982 580 504 antes do xoves día 5 de marzo ás 20.00 horas.
01/03/2015
Segundo explican desde a organización “estas datas mantéñense desde a fundación do festival en 2011, e son xa unha seña de identidade do evento”.
Unha das novidades deste ano é a ampliación das instalacións do festival: “nas dúas últimas edicións habilitamos o pavillón dos institutos como recinto, mais na vindeira as instalación abarcarán o pavillón dos institutos e un amplo espazo exterior, preto desas instalacións. Fundamentamos esta ampliación na necesidade de habilitar unha zona onde os asistentes poidan pernoctar, facilitando a asistencia de público os dous días do festival”.
Os organizadores subliñan que “o cambio máis importante a resaltar no programa de actividades é a inclusión dunha sound system. Este formato goza da...
leer más 28/02/2015
A Concellería de Muller e Igualdade e o CIM organizan diversas actividades para conmemorar o Día da Muller, que se celebra o 8 de marzo. En Burela hai actos programados para os vindeiros venres e sábado (6 e 7 de marzo).
Segundo explican desde a Concellería de Igualdade e Muller “o venres, 6 de marzo, teremos un encontros lúdicos, deportivos e terapéuticos, dirixidos a mulleres e ás súas fillas e fillos menores, co fin de reforzar vínculos materno-filiais e socio-afectivos, reforzando o ocio e tempo libre conxunto de nais e fillos/as”. Esta 1º xornada terá lugar nos CEIPs do Concello con alumnado de terceiro ciclo: no Vista Alegre de 10 a 11 da mañá e no Virxe do Carme de 12:15 a 13:15 do mediodía. Para a realización destas actividades o Concello conta coa colaboración sa...
leer más 27/02/2015
O Burela FS Pescados Rubén recibe mañá en Vista Alegre ao Marfil Santa Coloma nun duelo de iguais con 1 só punto de distancia entre a novena praza dos cataláns (27 puntos) e a undécima dos galegos. Os pupilos de Juanlu saltarán á pista ás 18.30 horas para poñer a proba a sólida defensa laranxa ante o envite ofensivo dos visitantes, máximo goleador da competición (115 tantos a favor).
O conxunto burelista chega á cita sen contratempos, con pleno de efectivos, logo de plantarlle cara ao mismísimo ElPozo Murcia (5-4), a piques de dar a sorpresa. “Estamos nun bo momento de forma, probablemente no mellor momento de xogo da tempada, pero pésanos un pouco a racha de cinco partidos sen gañar; necesitamos romper esa dinámica” falaba así Juanlu da actualidade laranxa.
... leer más 27/02/2015
MariñaPatrimonio e ACIA Burela, coa colaboración do Concello de Burela, organizan o venres 6 de marzo a conferencia : “Castrexos. Quen eran? Como vivían? Como vestían?” que contará coa intervención do arqueólogo Eduardo Ramíl Rego, director do Museo Arqueolóxico de Vilalba.
Con este acto, pensado como anticipo á IV Festa Castrexa que se celebrará no mes de xullo, preténdese facilitar ao público información sobre os costumes e aparencia dos castrexos, para que participantes, membros dos clans e todo aquel que queira achegarse, conten con datos e detalles da man dun experto, que se centrará de maneira especial na indumentaria dos homes e mulleres que habitaban os castros.
A conferencia “Castrexos. Quen eran? Como vivían? Como...
leer más 25/02/2015
Las Estrellas Naranjas ya tienen su propio álbum oficial. La colección de la temporada 2014-15 con fotografías de toda la familia del CD Burela FS Pescados Rubén fue presentada esta mañana por el presidente de la entidad, Manuel Blanco, acompañado por el secretario técnico, Juanma Marrube.
Un total de 213 fotografías individuales de deportistas y técnicos, además de las 14 plantillas, componen el cuidado álbum del club mariñano, con las categorías prebenjamín, benjamín, alevín, infantil, cadete, juvenil, filial femenino y masculino, además de sénior feminino y masculino, con un prestigioso espacio reservado para los autógrafos de los equipos de Primera División LNFS y RFEF.
La idea se venía fraguando desde hace tiempo y "decidimos...
leer más 20/02/2015
O Burela FS Pescados Rubén recibirá mañá o Móstoles FSF ás 18.30 horas. A 19ª xornada de Primeira División RFEF será o primeiro encontro de Iván Cao, Lucas, en Vista Alegre á fronte do equipo mariñán: “A medida que se achega o momento van aparecendo os nervios por ver desde o banco o grande ambiente de Vista Alegre nos partidos de Primeira, pero supoño que unha vez que soe o asubío inicial todo desaparecerá; a miña experiencia sobre a pista indícame que despois a concentración só se centra no que pasa no campo de xogo” explicaba con emoción o técnico formado na estrutura burelista.
Desde a terceira praza, con 40 puntos, o Burela FS recibirá ao oitavo clasificado (25 puntos), que vén de empatar co líder, Atlético de Madrid Navalcarnero (3-3) e que conta con Patri Chamorro...
leer más 20/02/2015
As concelleiras de Muller e Igualdade e Cultura, Diana Durán e Mónica Pedre, explican que “continuando coa actuación iniciada polo Concello o pasado 30 de xaneiro coa actividade Que bela te deu Deus!, espectáculo de baladas galegas interpretadas pola soprano Esperanza Iglesias Méndez e polo pianista Aurelio Chao Fernández, o vindeiro luns, 23 de febreiro, seguiremos rendéndolle homenaxe a Rosalía de Castro e contaremos coa presencia de María Reimóndez, traductora e escritora galega, que cultiva tanto a narrativa e a poesía como o ensaio e o teatro. Ven a Burela a presentar un dos seus libros: Lía e as zapatillas de deporte, co que se acadan dous obxectivos: traballar a non discriminación entre a xente máis nova e como muller galega e escritora, renderlle homenaxe a Rosalía de Castro, promovendo, deste xeito, a...
leer más 19/02/2015
O Concello, en colaboración con Radio Burela, organiza a proxección da película A Esmorga. Será na Casa da Cultura este venres e este sábado.
O venres, 20 de febreiro, haberá pola mañá proxeccións para os institutos da localidade e ás 20:30 horas será o primeiro dos pases para todo o público. Xa o sábado, día 21, haberá dous pases un ás 17:30 horas e outro ás 20:30 horas. Antes deste segundo terá lugar un coloquio no que participará o director do filme Ignacio Vilar.
A Esmorga está protagonizada por Karra Elejalde, Miguel de Lira e Antonio Durán “Morris”.
13/02/2015
Vista Alegre prepárase para vivir mañá o Entroido Laranxa coa 22ª xornada de Primeira División LNFS que enfrontará o CD Burela FS Pescados Rubén e o DLink Zaragoza, a partir das 18.30 horas. A entrada será gratuíta para os afeccionados que acudan disfrazados e haberá agasallos para o mellor disfrace adulto e infantil.
A bomboneira acollerá o duelo entre a décima praza dos da Mariña (26 puntos) e a duodécima (22) dos aragoneses, que chegan con boas sensacións tras o empate fronte ao FC Barcelona (4-4) da semana pasada. “Creo que está no seu mellor momento, ao mellor non o acompañan os resultados todo o que deberían pero iso é lóxico porque tamén está nun tramo de calendario complicado” opinaba Juanlu, facendo fincapé nas singularidades do DLink: “É un rival complicado, cun estilo que se nos resiste a moitos equipos. A súa defensa de zona obriga os rivais a...
leer más