Debuxo
O vindeiro domingo, 21 de marzo, conmemórase o Día Forestal Mundial, o Día da Árbore, unha data tradicionalmente marcada no calendario da delegación de Medio Ambiente coa programación de actividades que redundan na preservación da nosa contorna.
O Concello de Cervo, a pesar da situación excepcional que vivimos, quere seguir a carón da comunidade educativa, promovendo accións que redunden no coidado e na protección do Medio Ambiente. Deste xeito promove unha actividade didáctica dirixida ao alumnado de primaria do CEIP de Cervo e do CEIP Península da Paz baixo o título: Unha árbore, un fogar. Trátase dun concurso de debuxo.
Desde o Concello indican que “unha árbore non é só unha planta tamén é o fogar de moitos seres vivos como: paxariños, que fan o niño na súa copa; insectos que viven no seu tronco, fungos que medran nas súas raíces ou...
O Concello de Barreiros pon en marcha un curso a distancia de debuxo e pintura dirixido ás nenas e nenos, mais tamén para persoas adultas, que será impartido polo acuarelista leonés Juan Ramón Alves.
A iniciativa partiu do propio artista, que ten vivenda en Barreiros, e que xa no verán pasado mostrara a súa obra no centro sociocultural barreirense. A proposta foi moi ben acollida polo executivo local, ao tratarse "dunha iniciativa de aprendizaxe e entretemento que nos fai chegar unha persoa con un alto coñecemento da técnica e que se presta a compartilo gratuitamente co conxunto da veciñanza."
"É un luxo poder contar coa colaboración totalmente desinteresada dunha persoa do nivel de Juan Ramón Alves para achegar as técnicas de debuxo e pintura ás veciñas e veciños", sinala a alcaldesa. Para Ana Ermida, este tipo...
leer más
O Concello de Cervo convoca un concurso de debuxo infantil e xuvenil con motivo da celebración do Día do Libro.
O certame leva por título Debuxo do teu conto favorito e establece tres categorías: Infantil, para idades de 1 a 5-6 anos; Primaria, de 6 a 11-12 anos; e Xuvenil, de 12 a 17 anos.
Os participantes poderán enviar os seus traballos ao correo electrónico cervocultura@gmail.com ou ben ao whatsapp 691 656 600.
O prazo de presentación de obras remata o 12 de abril.
O Concello de O Valadouro convoca o concurso #QuedaNaCasa on-line para dúas modalidades: debuxo e fotografía.
Na modalidade de debuxo poden participar nenos, nenas, mozos e mozas do Concello de O Valadouro. A temática é libre, cada persoa poderá presentar ata 2 debuxos, a dimensión máxima dos debuxos será en tamaño normalizado A-4, os traballos deben ser orixinais e inéditos. A técnica será libre e poderase usar: acuarelas, lapis de cores, rotuladores, ceras, … Os traballos escanearanse ou sacaráselles unha fotografía (con boa visibilidade de traballo) e enviaranse ó seguinte correo electrónico: concurso@valadouro.org. O Concello pode subir ás súas redes sociais todos ou parte dos traballos presentados.
Hai catro categorías: Infantil, Primeiro ciclo de Primaria (1º, 2º...
leer más
O Concello de Foz acaba de convocar dous concursos on line, de debuxo e de relato curto, como opcións de entretemento para os veciños durante o confinamento ocasionado polo estado de alarma. O prazo para entregar os traballos remata o vindeiro martes, día 24.
O alcalde focense, Fran Cajoto, e o concelleiro de Cultura, Héctor Moris, presentaron os certames hoxe, mércores, e explicaron: “sabedores das dificultades que supón para todo os cidadáns o confinamento que estamos a levar a cabo, o Concello de Foz lanza dous concursos: un de debuxo e outro de relato curto. Con estes certames pretendemos ofrecer una actividade lúdica que sexa unha posibilidade máis de entretemento, sobre todo para os máis pequenos, que son os que máis están a sufrir as consecuencias desta situación”.
Cajoto e Moris engaden que “o...
leer más
A nena de 7 anos Claudia Pérez Centeno foi a gañadora do concurso convocado pola Concellería de Cultura de Lourenzá para o cartel anunciador da Cabalgata de Reis 2020.
O premio, consistente nun lote de material didáctico, será entregado ao remate da Cabalgata o día 5 de xaneiro, anunciou o concelleiro de Cultura, Manuel Arango.
O Concello convoca a sexta edición dos concursos de Debuxo e Pintura e Lemas 21 de marzo: Día Internacional para a Eliminación da Discriminación Racial.
A concelleira de Inmigración e Cooperación, Angélica Gómez, subliña que “os obxectivos destes concursos son transmitir, a través de mensaxes curtas ou debuxos, a importancia da educación en igualdade e a necesidade de eliminar a discriminación racial, así como a súa prevención. As bases para poder participar nestes concursos pódense obter na Casa do Concello ou na sede electrónica da páxina web do Concello de Burela”.
No Concurso de Debuxo e Pintura haberá tres categorías: de 6 a 12 anos, de 12 a 18 anos, e maiores de 18 anos. Os menores terán que estar autorizados polo pai, nai ou titor. A técnica do debuxo é libre e a medida DIN A4. Cada persoa só poderá...
leer más
A Biblioteca Pública Municipal El Viejo Pancho de Ribadeo convoca a fase local do Certame de Narración e Debuxo Infantil Letras Galegas 2018. O prazo de presentación de traballos remata o 8 de maio.
Na modalidade de Narración os traballos presentados serán en galego, cunha extensión máxima dun folio por unha soa cara, e o tema proposto é Como cambiou o conto ou Como darlle a volta ao conto tradicional: O lobo e vexetariano?, Carrapuchiña feroz?, Cincento no canto de Cincenta?, Unha Bela que nunca dorme?.
No apartado de Debuxo terán que ser feitos sobre cartolina de tamaño aproximado de DIN A4 (folio) e tamén sobre o tema Como cambiou o conto ou Como darlle a volta ao conto tradicional.
Cada autor/a pode presentar cantos traballos desexe, mecanografados, escritos a computador ou a man,...
leer más
A asociación cultural e deportiva Penalba-Colectivo Chilindrín convoca a VI edición do concurso infantil de debuxo Festa da Merluza do Pincho de Celeiro.
O obxectivo é facer partícipes desta festa a toda a poboación infantil de Celeiro, do Concello de Viveiro, e por extensión de toda Galicia e España, e facer un debuxo relacionado co evento. Poden participar todos os nen@s que o desexen ata 12 anos (cumpridos ou por cumprir no ano 2018). Os participantes deberán realizar un debuxo relacionado co pobo de Celeiro ou coa Festa da Merluza en particular. Os debuxos ou murais deberán facerse a man non valendo o uso do ordenador, e terán que levar o texto Festa da Merluza de Celeiro.
O prazo de presentación de traballos remata o día 29 de maio de 2018, e os debuxos poderán entregarse a algún membro da directiva da ACD...
leer más
O Concello de Barreiros colabora co grupo Nordés (grupo de facebook) na organización da exposición conxunta de Olivia C. Rozas e María del Carmen Santamarina que se inaugura mañá, venres DÍA 15, no centro sociocultural Manuel Díaz Sampedro en San Cosme.
Ambas artistas son veciñas de Barreiros. Na mostra Olivia C. Rozas presenta un mundo en branco e negro de onírico lirismo que intercala realismo e soño a través do grafito. Pola súa banda Santamarina pon a voz aos trazos de Olivia mediante breves poesías que nos falan do amor, o mar e a emigración.
Olivia C. Rozas é debuxante dende moi nova e o seu medio de expresión favorito é o grafito sobre papel. Defínese como unha artista autodidacta que explora as fronteiras do real e o onírico compoñendo a súa realidade a través de grisallas, aínda que de vez en cando...
leer más