Foz
A cea baile de coroación da raíña do Entroido de Foz, Sabela Pico Lombán, será o 16 de febreiro, sábado, a partir das dez da noite na Sala Bahía. As tarxetas para asistir hai que retiralas na Delegación de Cultura do Concello de Foz a partir do vindeiro martes, día 5, de 09:00 a 14:00 horas.
O menú da cea está composto por entrantes, sopa de Entroido, costela asada con guarnición, viños tinto e branco, sobremesa, café e chupito. Estará amenizada por Puzzle Animación e o prezo da tarxeta é de 25 euros por persoa.
A retirada de tarxetas farase o 5 de febreiro, martes, e días sucesivos ata o remate das prazas, de 09:00 a 14:00 horas de maneira presencial na Delegación de Cultura do Concello de Foz, que explica que “unha persoa responsable por mesa retirará as entradas, só para o seu grupo, previo pago das tarxetas e...
leer más
O xoves, 31 de xaneiro, terá lugar no Cenima, en Foz, un acto sobre “O teatro de Manuel María”. O seu inicio está previsto para as 20:30 horas.
Está organizado pola Pomba do Arco e no mesmo participarán Pilar García Negro e Alberte Ansede.
O Centro Comercial Aberto de Foz fará mañá, sábado, entrega dunha bandeira de grandes dimensións destinada á afección do equipo de baloncesto local, o Celtas CCA de Foz. Será antes do encontro que os enfrontará en Marzán ao Allariz ás 18:00 horas.
A bandeira mide 54 metros cadrados (9x6) e servirá para animar aínda máis ao Celtas CCA de Foz, desde as bancadas do pavillón de Marzán. O equipo de baloncesto focense conta co patrocinio da ACIA/CCA focense. No acto de mañá, 19 de xaneiro, participarán o presidente, José Carlos Paleo, así coma o presidente do Celtas, Miguel Fraga, e directivos tanto de Acia como do club.
A Asociación Cultural A Pomba do Arco organiza o 24 de xaneiro ás 20:30 na Libraría Bahía, de Foz, un concerto a cargo do grupo de musica tradicional Maraxe e un recital poético de Ricardo Seixo.
O acto alternará a lectura dos poemas recollidos no último libro de Ricardo Seixo, “Versos noctámbulos. Abracei a noite para bicar o amencer” con diferentes pezas musicas interpretadas polo grupo Maraxe, conxunto de musica tradicional galega e portuguesa da que tamén fai parte Seixo. “Versos noctámbulos” é un poemario composto por 47 textos que abranguen diversas temáticas: poesía cívico-social, costumistas, intimistas, de reivindicación feminina como recoñecemento da fortaleza das mulleres e da súa relevancia na sociedade galega
O repertorio do grupo Maraxe, integrado por diversos apaixoados do canto tradicional e por...
leer más
O Centro Comercial Aberto de Foz organiza un ciclo de conferencias titulado Impulsa o teu negocio, que se celebrarán os días 21 e 28 deste mes de xaneiro. Están dirixidas a autónomos e empresarios. As charlas terán lugar na Casa da Cultura ás 20:30 horas e a entrada será libre.
O poñente será Alberto Ferreiro, empresario, conferenciante, mentor e formador de emprendedores, autónomos e empresarios con máis de quince anos de experiencia no mundo dos negocios.
A primeira charla, que leva por título ¿Es escravo ou dono do tu negocio?, celebrarase o vindeiro luns, 21 de xaneiro. Estará dirixida a todos aqueles autónomos e empresarios que ven como os seus negocios non avanzan e que se ven atrapados no día a día, non conseguindo os resultados esperados e que en moitos casos acaban pagando un alto prezo polo esforzo....
leer más
A XVI edición da Festa do Chícaro ou Berberecho celebrarase en Foz os días 19 e 20 deste mes de xaneiro. O programa de actividades foi presentado este mediodía nun acto que se desenvolveu na Casa da Cultura. Participaron o alcalde focense, Javier Jorge Castiñeira; o concelleiro do Mar, Pedro Fernández Manín; e a deputada provincial Mayra García Bermúdez.
O día 17 haberá unha charla sobre Marisqueo e Acuicultura en Galicia e o 19, a partir das 12:00 horas, será a inauguración da festa e o pregón, que pronunciará Eduardo Fraga, ex secretario da Confraría de Pescadores de Foz. Ese día na carpa instalada no peirao poderanse degustar chícaros en empanada, á provenzal, ao vapor e tamén con fabas de Lourenzá. Esta festa gastronómica tamén se desenvolverá en varios locais hostaleiros da vila o sábado e o domingo.
O...
leer más
Este venres, día 11, da comezo unha nova edición do Campañazo, que organiza o Centro Comercial Aberto de Foz e na que se repartirán 2.400 euros en vales de compra. En total participan nesta cita 46 establecementos focenses: 35 comercios e servizos e 11 locais hostaleiros.
Os sorteos do Campañazo de xaneiro do CCA de Foz terán lugar os días 11, 18 e 25 de xaneiro e tamén o 1 de febreiro. Cada venres poranse en xogo 600 euros en vales de compra, 300 para o primeiro que cante o bingo e 300 para o resto dos cartóns premiados.
Os 11 locais de hostalería que participan no Campañazo de Foz son: A Viela, Acuario, As Brasas, Cafetería Express, Cafetería Happy Days, Casa Damián, Costumes do Mar, Pizzería Xoíña, Restaurante Dandy, Tangarte Mariñeiro e Xoyma. Tamén se inclúen no Campañazo os seguintes establecementos...
leer más
A asociación Os Sendeiros de Foz organiza o primeiro andareiro de 2019 o vindeiro 13 de xaneiro a Teixois, en Taramundi (Asturias).
A saída será ás 8:00 horas do colexio do Pilar e ás 8:20 h. de Ferreira.
O prezo é 25 euros para os socios federados, 29 euros para os socios non federados e 33 euros para os non socios. Está incluído o xantar.
O prazo para anotarse remata o 9 de xaneiro e pode facerse nos teléfonos 606 718 482 e 670 369 017, e no e-mail ossendeiros@yahoo.es.
A organización recomenda levar equipo de sendeirismo e comunica que a ruta ten un nivel de dificultade medio.
O Concello de Foz colabora na organización desta actividade.
A parroquia focense de Vilaronte acollerá un acto solidario o día 4 de xaneiro, venres, e a 56ª edición da Cabalgata de Reis ao día seguinte. Son actividades organizadas pola asociación cultural O Castro, de Vilaronte, coa colaboración do Concello de Foz.
No acto solidario do venres 4 de xaneiro ás 21:00 horas no local da asociación cultural O Castro actuarán o grupo musical Mar Aberto e a compañía teatral Axóuxeres. O recadado destinarase a apoiar as sesións de movemento ABM-París que realiza a nena Lua Auel Rougier Pedreira.
E ao día seguinte, o sábado 5, celebrarase a Cabalgata de Reis de Vilaronte, que cumpre á súa 56ª edición. Os Magos de Oriente chegarán ao local da asociación cultural O Castro ás oito e media da tarde.
O comercio de Foz abrirá as súas portas os domingos 23 e 30 de decembro “co obxectivo de facilitar as compras destas datas á súa clientela”, segundo explica o presidente de Acia/CCA, José Carlos Paleo.