Teatro
29/05/2016
A actuación musical Ao encontro de Martín Códax, de Xoan Curiel, abriu en Trabada a programación da cuarta edición de Cultura no Camiño na comarca da Mariña.
Este ambicioso proxecto, promovido pola Axencia Galega das Industrias Culturais (Agadic) e Turismo de Galicia, percorrerá con 14 espectáculos máis os concellos mariñáns da ruta do Norte ao longo dos vindeiros meses, xirando polos municipios de Barreiros, Lourenzá, Ribadeo e Trabada.
O obxectivo do programa é incentivar a distribución de produtos culturais galegos nos diferentes concellos vinculados ao Camiño de Santiago e facer chegar a cultura á cidadanía mediante eventos e actividades...
leer más 17/05/2016
O Teatro Pastor Díaz, de Viveiro, acolle este sábado, 21 de maio, ás 20:30 horas, o espectáculo de novo circo Pistacatro, que pon en escena "Impreuna".
Trátase dun espectáculo mergullado íntegramente nos códigos artísticos do circo con malabares, acrobacias e clowns, sen renunciar á fusión con outras artes como a danza, o teatro físico e a comedia. A función descubre ao espectador a vida interior do circo a través das vivencias dunha troupe de sete artistas.
Cunha duración dunha hora este espectáculo está dirixido a un público adulto.
14/05/2016
Aciam Xove celebra o Día das Letras Galegas cunha homenaxe a Manuel María. A Asociación Empresarial vai facer este ano o seu particular homenaxe a Manuel María.
O día 17 de maio, Día das Letras Galegas, no Salón de Actos do Concello de Xove, a partir das 20:00 horas farase un percorrido pola biografía do autor, cunha teatralización da persoa no mesmo, e dedicando momentos a lectura de poemas e sonetos do autor, con música en directo.
Serán os asociados e veciños de Xove os encargados de escenificar e facer a homenaxe. Colabora na organización destes actos o Concello de Xove .
13/05/2016
Barreiros celebra o día das Letras Galegas con teatro e con música o domingo e o martes.
Este domingo, 15 de maio, haberá teatro. O grupo A Adala representará Unha morta moi viva. Será a partir das sete da tarde no centro sociocultural Manuel Díaz Sampedro. A actividade está organizada pola Oficina de Información Xuvenil e pola Biblioteca Pública Municipal.
E o martes, 17 de maio, ás 19:30 horas a Coral Polifónica de Barreiros actuará nas Escolas de Celeiro de Mariñaos. A cita foi organizada pola Concellería de Cultura para conmemorar as Letras Galegas.
12/05/2016
Este sábado, 14 de maio, no salón de actos da Casa da Cultura Manuel Lourenzo, ás 20:30 horas, a asociación cultural e teatral Abril de Lume e Ferro de Carral vai representar a obra de Manuel María sobre os mártires de Carral denominada Abril de Lume e Ferro.
Esta actividade encádrase nos actos organizados pola Concellería de Cultura de O Valadouro con motivo da celebración do Día das Letras Galegas. O martes, 17 de maio, ás 20:30 horas, o grupo de cantareiras Nova Semente de Celeiro e o grupo de cantareiras do Lar de Ferreira farán a súa particular homenaxe ás letras interpretando cancións populares galegas, e xunto ao coro parroquial Virxe das Dores de Ferreira cantarán varios temas aos que lles puxo a letra Manuel María. Nesta...
leer más 10/05/2016
Este sábado, 14 de maio, ás 20:30 horas no Teatro Pastor Díaz de Viveiro, Cándido Pazó presentará o espectáculo Que comerá o rei?.
Trátase dunha sesión de historias e contos inspirados nos textos e debuxos de Castelao. Un espectáculo que coa palabra como única ferramenta, procura o humor agudo e tenro, a expresión sinxela e sutil e o trazo delicado e potente deste xenial artista.
Esta actividade está organizada pola Área de Cultura da Deputación.
08/05/2016
O xoves, 12 de maio, no Teatro Pastor Díaz de Viveiro, ás 20:30 horas, porase en escena a obra Pedanca e Oso, un espectáculo aldaolado sobre o amor.
Trátase das aventuras ou desventuras amorosas de cada un e de cada unha das que xorden paixóns desenfreadas, anos de martirio, cotas altas de felicidade, ansiedades varias, gozos e sombras. Dese caldo de cultivo xorden tamén os poemas que aldaolado recitan no seu espectáculo, poñéndolle moita música e humor ao amor máis romántico e ao máis miserable. Dúas poetas no escenario co corazón aberto en canal e escarallándose.
O prezo da entrada é de 5 euros. Organiza o Colectivo Pensamento e Sementeira e...
leer más 05/05/2016
A compañía Baobab Teatro representará este sábado, 7 de maio, en Burela Contos para un caldiño. Será na Casa da Cultura ás 17:30 horas. Trátase dun espectáculo para nen@s a partir de tres anos. O prezo da entrada é de 2,5 euros. A actividade forma parte da programación cultural do Concello burelés e conta co patrocinio da Consellería de Cultura, da Rede de Teatros e Auditorios e da Agadic.
Desde a organización explican que “Contos para un caldiño convida ao público a escoitar e a deixarnos levar polos contos e polos obxectos visuais que se presentan, así, un chapeu que non é un chapeu, unha tesoira non é unha tesoira. Entre todos construiremos un caldo máxico con poderes especiais para converternos en...
leer más 02/05/2016
Este sábado, día 7, o Teatro Pastor Díaz de Viveiro acollerá a representación da obra Os soños na gaiola a cargo da compañía do Trinke Trinke.
Esta obra, inspirada no libro de poemas de Manuel María, está dirixida a un público familiar. A entrada é de balde ata completar aforo. A representación comezará ás 18:00 horas.
01/05/2016
Buxiganga, o Proxecto Teatral Educativo da Área de Cultura da Deputación de Lugo continua medrando ano a ano. Nesta edición son un total de 40 grupos de teatro afeccionado con sede na provincia de Lugo os que participarán nas máis e 110 actuacións que hai xa programadas ao longo de todas as comarcas lucenses.
O Delegado de Cultura da Deputación de Lugo, Xosé Ferreiro, destacou que desde que o proxecto Buxiganga comezara a súa andaina no ano 2009, observouse que o número de colectivos teatrais na provincia vai en aumento. “Nestes anos pasouse dos 12 grupos iniciais aos 40 inscritos este ano, polo que podemos afirmar sen dúbidas que Buxiganga funciona como alicerce para a creación de tecido asociativo e base cultural na provincia...
leer más