Eventos
A concelleira de Servizos Sociais, Mónica Freire, agradece a resposta da veciñanza para que todas as nenas e os nenos de Ribadeo reciban agasallos este Nadal.
A edil ribadense fai un balance positivo da campaña de recollida de xoguetes Dálle unha volta ao Nadal: “agradecemos enormemente a colaboración e implicación da veciñanza nesta campaña”.
Mónica Freire subliñou que “as familias que o precisen, poden pasar en horario de mañá polo auditorio, polo departamento de Servizos Sociais, para recoller os xoguetes para a visita do Apalpador e do Reis Magos”.
A concelleira de Servizos Sociais engadiu que “tamén contamos coa colaboración da Anpa do Ceip Gregorio Sanz, que nos fixo chegar xogos e outros agasallos. Agradecemos tamén o seu xesto”.
A nova edición da...
leer más
Arrincou a segunda edición do RibaXogo na gran carpa instalada no parque de San Francisco. Os tíckets para acceder poderán conseguirse en comercios, en establecementos hostaleiros e de servizos, en calquera micropeme ou pequena empresa de Ribadeo, de calquera sector, despois de ter feito unha compra ou de ter consumido por un importe superior a 5 euros.
O RibaXogo está aberto hoxe en horario de 12 a 14 horas e de 17 a 21 horas, ao igual que os días 30 de decembro, 7 e 8 de xaneiro. O 24 e o 31 de decembro o horario será de 12 a 14 horas polas mañás e polas tardes de 16:30 a 19:30 horas. O resto das xornadas 26, 27, 28 e 29 de decembro e 2, 3, 4 e 5 de xaneiro RibaXogo abrirá de 17 a 21 horas. Os días 25 de decembro, 1 e 6 de xaneiro este centro de ocio estará pechado.
O concelleiro de Comercio e Desenvolvemento...
leer más
O Concello de Cervo felicita un ano máis estas Festas á veciñanza co tradicional calendario de Nadal.
En total editáronse 2.200 exemplares que o equipo de goberno xa está a repartir estes día fogar por fogar, polas distintas parroquias do municipio.
Como é tradición, a veciñanza é a protagonista indiscutible deste almanaque, que conta cun deseño moi especial no que cada mes vén ilustrado cunha fotografía de xuntanzas de amigos, familias e asociacións, festas populares e recordos de escolas e clubs deportivos que tiveron lugar entre os anos 1981 e 1997; e que, de seguro, lles van traer moitos recordos aos protagonistas.
Ademais, resulta unha ferramenta moi útil para os veciños, que contan cunha lista de festividades e días importantes que se conmemoran e celebran a nivel nacional, unha...
leer más
A Xunta de Goberno da Deputación de Lugo aprobou este venres as bases para poder lanzar o vindeiro ano 2023 a terceira edición do programa de viaxes gratuítas Coñece a túa provincia. A voceira socialista do Goberno, Pilar García Porto, sinalou que a institución provincial prepara xa unha nova tempada desta iniciativa “ante o enorme éxito que tiveron as dúas edicións anteriores, nas que participaron máis de 4.500 persoas”.
Lembrou García Porto que este programa da Deputación está dirixido a asociacións e colectivos sen ánimo de lucro de toda a provincia e consiste en viaxes gratuítas, en pequenos grupos, dunha xornada de duración por diferentes puntos da xeografía lucense seguindo diversas rutas polo patrimonio natural, histórico, cultural e gastronómico.
“Esta é unha das medidas que puxemos en marcha neste mandato...
leer más
O 30 de decembro ás 20:30 horas no Auditorio de Burela terá lugar Máxica-Mente, un evento organizado pola Asociación de Magos da Mariña e pola Asociación de Saúde Mental A Mariña, coa colaboración do Concello. Os magos (Pi, Senín, Paredes, Aris e Joge) encherán de ilusión o auditorio. O prezo das entradas, que se venderán o mesmo venres no Auditorio, será de 5 euros. O recadado irá destinado á Asociación de Saúde Mental A Mariña.
Despois do acendido das luces de Nadal, que enchen Foz de luz e cor, achéganse as vacacións dos máis pequen@s e a Delegación de Cultura do Concello de Foz preparou unha programación para que gocen da ilusión destas festas e compartan momentos de ledicia e diversión tamén cos maiores, explica a concelleira de Cultura, Inés López Couto.
Esta semana chega Papá Noel e para amenizar a espera o xoves 22 a partir das 20 horas a Escola de Música Municipal Arcadio Mon organiza o seu festival de Nadal no salón de actos do colexio Martínez Otero: poderanse ver as actuacións das nenas e nenos das clases de música en movemento, prebanda, aula coral e a orquestra de jazz. O sábado 24 pola mañá Papá Noel fará parada en Foz e estará acompañado polas rúas da vila dos nenos dos coros da Escola de Música, que cantarán pola Avenida da Mariña e Álvaro...
leer más
O Concello de Viveiro presenta a súa programación para estas festas de Nadal cunha oferta de actividades variada, ampla e con opcións para todas as idades. Á longa lista de propostas súmanse o Belén ‘Viveiro ante o Berce’, considerado un dos máis importantes de Galicia, os obradoiros para a infancia e a inauguración dende hoxe, martes, do mercado ‘A Trastenda de Nicomedes’.
“Nun Nadal por fin xa sen restricións pola pandemia, esperamos que con esta programación se cumpran os gustos de grandes e de pequenos. A nosa intención é facer unha programación familiar, pensada tamén nos máis cativos, os grandes protagonistas destas festas”, afirma María Loureiro, alcaldesa de Viveiro, que confía en “atraer numerosos visitantes para desfrutar do noso comercio e hostalaría en Nadal”.
“Dende a Concellería de Cultura desexamos...
leer más
Seis establecementos hostaleiros da Zona Vella de Ribadeo -A Cova, Chámalle Estopa, Cienfuegos, O Alén, O Recuncho e Ribanzo- organizan un evento para este venres, día 23, que inclúe o sorteo dun coche Volkswagen Polo e un concerto na praza José María López, do casco histórico ribadense.
O concerto, a cargo do grupo Sintético Fantástico, empezará ás 22:30 horas e o sorteo presencial será ás doce da noite. Para iso os establecementos organizadores entregaron rifas aos seus clientes nos últimos meses.
Os organizadores do evento explican que o coche que sortean “será transferido, con seguro e o depósito de combustible cheo”.
A Concellería de Deportes organiza un Campamento de Nadal, que terá lugar do 26 ao 30 de decembro no pavillón dos institutos. Son 60 as prazas que se ofertan para as nenas e os nenos de Burela. A inscrición estará aberta este xoves e este venres.
O edil Ramiro Fernández Rey contou que “o Campamento de Nadal será desde o 26 ata o 30 de decembro no pavillón dos institutos de 10 a 14 horas. Este campamento vai contar con actividades deportivas, obradoiros de Nadal, xogos alternativos e unha festa con inchables. Ten un límite de inscrición de 60 persoas e todos os interesados poderán apuntarse no Concello por mediación do técnico de Deportes, que terá un sitio habilitado para iso o xoves e o venres entre as 10 e as 13 horas”.
O concelleiro de Deportes relatou que “ademais disto para o día 2 de xaneiro vamos ter unha...
leer más
Deron comezo as actividades de Nadal de Acisa Ribadeo. Os mais pequenos e as máis pequenas da casa gozaron onte, domingo, de teatro.
A presidenta de Acisa Ribadeo, Carmen Cruzado, contou que “grazas a un dos nosos establecementos asociados Kids&Us nenas e nenos disfrutaron onte da obra de teatro Story Time The Elf´s Inventions no Teatro de Ribadeo. E o vindeiro sábado, día de Noiteboa, teremos un taller de adornos de Nadal. Será en dúas quendas, ás 10:30 e ás 11:45 horas nas instalacións de Kids&Us na rúa Rosalía de Castro”.
O xerente da Asociación de Comerciantes, Industriais, Servizos e Autónomos, Jesús Pérez, dixo que “estas non son as únicas actividades deseñadas para a rapazada de Ribadeo, xa que teremos as visitas de Papá Noel e do Apalpador. Pero de todo isto iremos dando conta ao longo dos...
leer más