Teatro
A ópera de primeiro nivel volve á Mariña. Será o vindeiro 2 de abril cando os amantes deste xénero poderán gozar de El barbero de Sevilla no auditorio de Burela, segundo ven de anunciar o concelleiro de Cultura, José Díaz.
O edil burelés dixo que “desde a Concellería de Cultura de Burela queremos anunciar que por fin está confirmada a presenza aquí dunha ópera. Será o día 2 de abril, domingo, ás sete da tarde”.
Díaz subliñou que “a verdade é que custou moito esta vez poder convencelos para que actúen en Burela porque están limitándose a cidades grandes, con teatros de moito aforo, para cubrir gastos. Unha das razóns é que antes a ópera facíase con actores ucranianos ou de Moldavia e a orquestra tamén era destes países; e agora, cos problemas que todos coñecemos, xa non pode ser así e as orquestras están compostas...
leer más
A compañía Trécola Producións representará esta semana en Viveiro e A Pontenova a obra para público familiar “The Piccole Theatre”, dentro da programación cultural da Vicepresidencia da Deputación de Lugo. A compañía estará o xoves no Salón de Actos do Porto de Celeiro (15.30 horas), coa colaboración da Asociación Cultural Proa, e o sábado na Pontenova (Casa da Cultura), da man da Asociación Eco das Minas.
Sinopse da obra
Un pequeno teatro viaxa ao redor do mundo dentro dunha caixa de recordos. Un elenco formado por fabulosos artistas de rúa mostran os máis variados números: equilibrismos, maxia mentalista, malabares, música e como non.. dous grandes pallasos: Tontón e Totó Gluk. A maxia dos fíos destas marionetas learán nunha viaxe fascinante ao público, que se converte en gran protagonista, participando activamente durante todo o...
O Concello de Cervo, a través da delegación de Cultura, está a organizar a unha nova edición do obradoiro de teatro infantil.
Tal e como explicou a edil responsable, Dolores García Caramés, o taller está dirixido a rapaces de entre 6 e 16 anos que conformarán, un ano máis, o grupo de teatro municipal PimPim.
Desde este martes queda aberto o prazo de inscrición ata o próximo venres 27 de xaneiro.
O obradoiro impartirase no Auditorio da Casa da Cultura e o horario estará determinado en función do número de nenos e nenas inscritos. A partir do luns, 30 de xaneiro, informarase aos anotados por vía telefónica.
Caramés destacou “o gran éxito que tivo ano tras ano esta iniciativa que se viu condicionada ultimamente pola pandemia, pero que recuperamos agora con moita...
leer más
O espectáculo Cine Marabillas, de Raquel Queizás, presentarase en Alfoz o 28 de xaneiro, sábado, ás 18:30 horas. Será no salón de actos da Casa da Cultura.
É unha actividade organizada polo Concello de Alfoz, que anuncia: “Ver para Ler. Vide descubrir a amizade entre o cine e a literatura infantil e xuvenil. Gozaremos durante 50 minutos vendo as primeiras adaptacións cinematográficas inspiradas nos contos marabillosos e nos libros clásicos da literatura. O obxectivo é facerlles ver as crianzas e as súas familias que esas historias que coñecen poden contarse de diferentes maneiras. Que descubran que o cine mudo é unha expresión que pode resultar moi divertida. Non faltará a aventura, o humor, misterio, tenrura, maxia, fantasía e sobre todo moita imaxinación. A literatura é e sempre será unha gran fonte de inspiración para o cine. O cinema...
leer más
O local da antiga báscula de Marzán, en Foz, acollerá este sábado, 14 de xaneiro a representación teatral da obra titulada O terapeuta, a cargo do grupo focego Pico do Castro. Será ás 19:30 horas.
Esta actividade está organizada pola Delegación de Cultura do Concello de Foz e asociación de veciños O Torques, de Marzán.
O coñecido actor galego Xosé Antonio Touriñán chega este sábado, 7 de xaneiro, a Burela con “Recortes, caneos e outras formas de driblar”. Será ás 18:00 horas na Casa da Cultura.
Trátase dunha montaxe teatral que recrea un de tantos partidos de fútbol do século a través do comportamento de xogadores, adestradores, xornalistas, directivos, árbitros, seareiros e demais personaxes principais, secundarios ou figurantes que conforman o mundo futbolístico. Logo do éxito de “Fariña, o espectáculo teatral” Nacho Carretero Pou volve unir forzas con Tito Asorey, José L. Prieto e Xosé Antonio Touriñán neste espectáculo sobre o mundo do fútbol e todo o que o rodea. Interpretado por Xosé Antonio Touriñán, Manuel Cortés, Isabel Garrido, Christian Escuredo, Xoán Fórneas e Sergio Zearreta "Recortes, caneos e outras formas de driblar" é unha viaxe...
leer más
O 6 de maio de 2023 ás 20:00 horas Luis Piedrahita presentará na Casa da Cultura de Burela o seu novo monólogo "Es mi palabra contra la mía".
Trátase dun espectáculo cheo de enxeño e tenrura no que Luis Piedrahita analiza por que ninguén está contento co que lle tocou. Unha vez máis Piedrahita olisquea a realidade con afán de porco trufero e saca a relucir os aspectos máis absurdos do noso día a día. Temas de fondo calado existencial como as cellas negras das señoras maiores, o medo ao váter alleo ou o amor verdadeiro. Profundas reflexións de voo galináceo e improvisacións meticulosamente ensaiadas. Un show no que todos chegan á mesma conclusión: só o humor fai a vida soportable.
As entradas xa estáná venda en https://bit.ly/3jqmjkZ
O 29 de decembro ás 19:00 horas chegará ao Auditorio Municipal de Burela o musical La gran aventura de los Reyes Magos de Artes Escénicas Gaudium.
O concelleiro de Cultura, José Díaz, considera que se trata “do mellor agasallo deste Nadal. É un musical para toda a familia, interpretado en rigoroso directo, que conta unha orixinal e divertida historia sobre os reis magos”.
O edil burelés sinala: “pensamos que é a mellor maneira de despedir este ano coas nosas fillas e cos nosos fillos”.
É Nadal e corre a voz de que un pequeno neno acaba de nacer nun cortello nos arredores de Belén. A misión de difundir a gran noticia foi asignada á divertida pero despistada Estrela, á que lle encomendaron a súa primeira misión desde que saíu da Academia de Estrelas Fugaces e que debe viaxar polo mundo...
leer más
Na noite de onte, sábado, nun multiusos ateigado de público celebrouse a gala de entrega de premios do IV Certame de Teatro Afeccionado Concello de Lourenzá. O premio Conde Santo á mellor representación, dotado con 750 euros, recaeu na obra E se todo se reducise ao amor, de Os Palimoquiños, de Lugo.
O premio Lourenzo, ao mellor actor, foi para Xulio Leal, de Avelaíña Teatro, de Pontevedra. O premio Ana, á mellor actriz, logrouno Miriam Bouso, de Ollomao, de Barreiros. O premio á mellor posta en escena levouno a obra Fátum, de Catre Teatro, de As Pontes. O premio ao mellor actor de reparto recaeu en Juan Rodríguez, de Ollomao, de Barreiros. O premio á mellor actriz de reparto estivo compartido polas actrices de Catre Teatro Mª José Alonso, Dolores Alonso e Carolina Díguele. E, por último, o premio especial do público foi para a obra Vivan...
leer más
Pinocús Teatro chega a Viveiro este sábado, 17 de decembro, ás 18:00 horas con Pinconús. Será no Pastor Díaz. Con entrada libre ata completar o aforo.
Sinopse: Un día calquera na estación de tren de Aquimesmo. Unha billeteira que ven e que vai. Un viaxeiro decidido a deixalo todo para chegar ao seu novo lugar de traballo. As indecisións dun viaxeiro que non sabe moi ben a onde ir. As estratexias dunha viaxeira que quere ser a única que colla o tren. O humor e a música xúntanse na escena para xogar unha espera de absurdos encontros e desencontros. Todo isto para chegar a ese lugar ao que todos queren ir, pero moi pouca xente se atreve, chamado Pínconús.