Teatro
Este venres, 4 de agosto, haberá teatro en Barreiros. O grupo Migallas Teatro representará Pan de millo: vai ser boa!. Trátase dunha montaxe de cancións combinadas con accións dramáticas.
A representación, incluída no programa Cultura no Camiño 2017 da Xunta de Galicia, terá lugar no centro sociocultural Manuel Díaz Sampedro ás 12:00 horas. Colabora o Concello de Barreiros, a través da Delegación de Cultura e da Oficina de Información Xuvenil.
Veciños de Lagoa, do municipio de Alfoz, estrearán unha obra de teatro o 24 de xullo, coincidindo coa celebración das festas do Santiago.
A idea xurdiu cando os veciños de Lagoa participaron nas olimpíadas parroquias que teñen lugar en Alfoz ano tras ano, e a convocatoria divulgouse no pasado outono.
A obra escollida é unha coñecida adaptación elaborada nos anos 60 polo escritor chairego Xosé Manuel Carballo, titulada Menciñeiro á forza. Trátase dun texto baseado na famosa comedia de Molière O enfermo imaxinario.
Os decorados foron elaborados polos propios actores de xeito artesanal e coa axuda da comisión de festas e máis do Concello de Alfoz. A representación terá lugar no campo da festa. Será a partir das nove da noite.
O salón de actos do Concello de Lourenzá acollerá unha representación a cargo do grupo de teatro O Batán, de Cangas de Foz, o día 30 deste mes, domingo, as oito da tarde. Anunciouno hoxe a Concellería de Cultura.
O Batán ofrecerá a obra titulada Bicos de vinagre, dentro do programa Buxiganga 2017, que ten en marcha a Deputación de Lugo para contribuír a difundir o teatro afeccionado da provincia.
Barreiros acolle este domingo, 25 de xuño, o espectáculo de humor Inmedioteces.com.
Dinamoteatro, con Pedro Brandariz e Víctor Grande, pon en escena esta representación na que coa palabra, a mímica e a imaxinación, estes dous actores improvisan e crean historias breves cargadas de humor.
Inmedioteces.com terá lugar o domingo ás 19:30 horas no centro sociocultural Manuel Díaz Sampedro en San Cosme de Barreiros.
A actuación está incluída no programa Cultura no Camiño 2017 da Xunta de Galicia e Agadic. Colabora o Concello de Barreiros a través da súa Concellería de Cultura e a Oficina de Información Xuvenil.
A Concellería de Cultura de O Valadouro organiza un obradoiro de teatro para estes meses de verán, destinado a todas as idades.
Esta actividade programada para este verán 2017 está dirixida a persoas con idades desde os 6 anos e sen límite de idade máxima.
O número de prazas é limitado e @s interesad@s poden recibir máis información e realizar a inscrición nas oficinas da Casa da Cultura do Concello de O Valadouro, de luns a venres de 9:30 a 14:00 horas, e de 16:30 a 20:00 horas.
Colabora coa realización desta actividade a Deputación Provincial de Lugo.
O Concello de Cervo convida a todos, veciños, familiares e visitantes, a que asistan ao espectáculo do Grupo Municipal de Teatro Infantil PimPin, que terá lugar o vindeiro xoves, 22 de xuño, na Casa da Cultura de San Ciprián.
O Grupo, formado por uns 40 pequenos, leva ensaiando intensamente varios meses da man da edil de Educación e Cultura, Dolores García Caramés, para amosar o seu talento ante o público.
Caramés anunciou que a actuación é unha sorpresa que non deixará indiferente a ninguén, e avanzou que terá que ver cun formato televisivo de éxito no que os nenos e nenas deixarán boa mostra das súas habilidades escénicas e interpretativas
O Goberno da Deputación ofrece dende os meses de xuño a outubro 104 actuacións de grupos teatrais en 44 Concellos da provincia co Buxiganga. Trátase da iniciativa posta en marcha polo Executivo Provincial para dinamizar a actividade cultural nos municipios, cun orzamento de 40.000 euros, e para dar a coñecer e promover a actuación de grupos de teatro afeccionado lucenses.
Buxiganga está dirixido tanto aos municipios da provincia que solicitaron a celebración de actuacións, como ás asociacións sen ánimo de lucro que teñen entre as súas finalidades a promoción da cultura. En concreto, nesta edición participan 34 Concellos e 30 asociacións que acollerán as actuacións de 35 grupos teatrais da provincia.
A programación teatralcomeza mañáás 12:00 horas no salón de actos do CEIP Albeiros de Lugo da man da súa ANPA no que...
leer más
Barreiros acolle a representación do espectáculo Falar sen Cancelas este domingo, 11 de xuño.
Culturactiva SCG pon en escena esta obra protagonizada por Isabel Risco, Pedro Brandariz e Fran Rei, e dirixida por Diego Rey. Os tres recoñecidos actores cómicos ofrecen unha gala chea de humor e comedia.
A cita será o vindeiro domingo, 11 de xuño, ás 19:30 horas, no centro sociocultural Manuel Díaz Sampedro en San Cosme de Barreiros.
Esta actividade enmárcase no programa Cultura no Camiño 2017 da Xunta e Agadic, e colabora o Concello de Barreiros a través da súa Concellería de Cultura e Oficina de Información Xuvenil.
O Concello de Cervo programa para o vindeiro sábado 10 de xuño unha actividade de narración oral para os máis pequenos que leva por título “Carmiña miudiña, a pinga que quería ser científica”.
Será na Biblioteca de Cervo, ás 19:30 horas, e está dirixida a nenos e nenas de entre 4 e 11 anos.
É unha actividade organizada pola delegación de Cultura, englobada no programa Ler Conta Moito, da Xunta de Galicia.
Argumento
Carmiña é unha pinga de auga moi miudiña. Ela de maior quere ser científica, como a súa avoa Filiberta. O día do seu aniversario, a súa avoa agasállalle un paracaídas para poder baixar ao mundo dos humanos. No camiño, diferentes elementos da natureza fan que percorra o ciclo da auga.
O grupo de teatro Cardume chega o sábado, 10 de xuño, en Viveiro, coa obra Entre bambolinas. A representación terá lugar no Teatro Pastor Díaz ás 20:00 horas.
Trátase dunha obra orixinal de Jaime Naveira, traducida ao galego por Susana Devesa, e dirixida por Matilde Blanco.
Cóntanos a historia como a piques de comezar a función da obra As desfeitas da vida, unha compañía teatral cos seus actores e todo o seu equipo técnico e artístico vive unha serie de acontecementos que poñerán a proba os seus sentimentos máis profundos. Dende as bambolinas dun teatro vense reflectidos con humor e moita humanidade, un compendio de comprexos, vanidades e envexas, pero tamén amor, amizade, fidelidade e o drama de ver chegar o grande monstro do alzheimer.