Teatro
Por Burela pasarán Sergio Pazos, Touriñán e “El Brujo” en abril. Haberá tamén cine infantil os días 9, 16 e 30 e unha nova edición do rastro de segunda man o día 9. A programación cultural foi presentada hoxe polo concelleiro de Cultura, José Díaz.
O edil socialista explicou que “la programación sigue los patrones que solemos utilizar siempre en la programación cultural hasta ahora, que son tratar de tener eventos de calidad combinados con otros que están siempre ahí como es el caso del Burela de Cine. Durante el mes de abril tendremos tres domingos con película infantil, los días 9, 16 y el último domingo del mes, el día 30, a las seis y media en el auditorio. Es cine para los más pequeños y para el público familiar”.
José Díaz contou que “seguimos tratando de consolidar el rastro solidario del segundo domingo del mes, este...
leer más
Dentro do programa Ler conta moito, a biblioteca pública de Viveiro acollerá o 8 de abril, ás 12:00 horas, o espectáculo "Mariña, contos nacidos no mar" de Raquel Queizás.
As entradas poden recollerse de maneira gratuíta os días 5, 6 e 7 de abril na propia biblioteca. O aforo é limitado e desde a organización agradécese aos pais que non ocupen prazas, asegurando que o espectáculo está pensado para o disfrute dos nen@s e os adultos poden esperar na entrada ata que remate.
A historia de "Mariña" é a dunha serea galega que viviu entre nós fai moitos anos, e que contaba ao seu fillo lendas e mitos dos seres mariños que poboan os fondos do mar. Mariña sae agora da auga para compartir todas as súas historias.
Este espectáculo de contos para nenos e nenas a partir de 3 anos e público familiar,...
leer más
O grupo teatral O Centiño, de San Martiño, vai estrear a súa segunda obra, titulada "Zume de amorodios".
Trátase dunha reflexión sobre o amor e sobre os odios que o acompañan. A obra é orixinal de Pepe Peinó. A estrea terá lugar o vindeiro sábado, 25 de marzo, no local social de Ferreiravella, en San Martiño, a partir das 20:30 horas.
A compañía Teatro dos Ghazafelhos estará este domingo, 19 de marzo ás 17.30 horas, no Cine Teatro de Ribadeo. O público que acuda poderá gozar dun espectáculo teatral sobre a igualdade de xénero, o cambio de roles ou os estereotipos sociais.
Dirixido a nenas e nenos de 5 anos en diante e ás súas familias, "Iriña Bailarina" esculca na ruptura de roles convencionais a través dunha bailarina que vive nunha caixa de música e que devece por poder saír do espazo que a anoa a dar voltas sen cesar para poder xogar ao futbolín, ser pirata ou mesmo, se quere, poder engordar, isto é, para quebrar ou modificar a súa propia sorte ou fado.
Con "Iriña Bailarina" Teatro Ghazafelhos pretende que reflexionemos en familia sobre a igualdade de xénero, o cambio de roles ou os esterotipos sociais.
Ghazafelhos...
leer más
Este sábado, 18 de marzo, Luis Davila e Carlos Blanco chegan a Viveiro co seu último espectáculo “Menú da noite”. Esta comedia poderá verse no Teatro Pastor Díaz a partir das 20:30 horas.
Luis Davila e Carlos Blanco deixan (momentaneamente) a saia escocesa e póñense esmokin para sachar como é debido. E ata cociñan caldo en directo. Literalmente.
O debuxante de Bueu e o actor arousán combinan novamente inxenios e artes para atopar o cóctel perfecto.
Desta volta viaxan a Broadway. Cos sachos, claro. E bailan (?) claqué e todo. Animación incluída. Un xoguete escénico, un traballo a dúo onde a comedia ten finalmente a cobertura visual que nunca tivo. Menú da Noite. Con música de Budiño e Kepa Junquera. Risas aseguradas (e debuxadas).
O Teatro Pastor Díaz, de Viveiro, acolle este sábado, 11 de marzo, a representación teatral “Balor na acción dunha cadeira”, de Artesacía. Será ás 20:30 horas. Trátase dunha obra de teatro contemporáneo de 70 minutos de duración que está dirixida por Roi Fernández. O elenco artístico está composto por Laura Villaverde, Simón Piñón e Roi Fernández.
Quen seriamos nós se fosemos quen de recuperar as imaxes que os nosos antergos percibiron e retiveron breves segundos, sen que a memoria conseguira rexistralas?
Cal é a orixe da nosa dinastía interior e profunda?
“Balor na acción dunha cadeira” é o proceso multidisciplinar de reconstrución do pensamento de O Pernas, un emigrante real que marchou de Sada a New York en 1910, perseguindo o destello enfeitizante do cometa Halley, e rematou perdido na escuridade da...
leer más
A Concellería de Cultura de Foz programa diversas representacións teatrais para este mes de marzo e a primeira delas será mañá, venres. Ademais haberá varias actividades para nenos e nenas organizadas pola Biblioteca Pública Municipal nos meses de abril e maio dentro do programa Ler conta moito.
A concelleira de Cultura, Silvia Blach, anunciou hoxe que “mañá, venres, 10 de marzo, ás seis e media da tarde, temos na Casa da Cultura de Foz Ubú Teatro coa súa obra A Galiña azul, de Carlos Casares. É un espectáculo programado por FalaRedes e a Biblioteca Pública Municipal”.
Silvia Blach engade que “o mércores 19 de abril, ás seis e media tamén na Casa da Cultura, teremos a Elefante Elegante con Lobo bobo. É unha programación de Ler Conta Moito e da Biblioteca Pública Municipal de Foz. O venres 16 de maio, ás seis na...
leer más
O sábado, 11 de marzo, ás oito da tarde, no Centro socio-cultural de San Cosme de Barreiros o grupo Falcatrueiros Teatro, de Monterroso, porá en escena Quizais é que non me queres?, unha obra de creación colectiva baseada en textos de Quim Monzó, Suso de Toro, Juan José Millás... e dirixida por Jouse García.
As relacións de parella, este é o punto de partida desta obra, ou mellor dito, a ruptura ou o desengano nesas relacións; como unha relación pode cambiar nun breve intre, cun simple xesto, unha simple palabra ou unha situación diferente á normalidade.
A obra está estruturada en pequenas escenas de parella que se desenvolven nun bar; un punto de encontro de todo tipo de personaxes. Trátase dun espectáculo cómico no que situacións aparentemente normais se converten en anormais, e iso sempre provoca o sorriso....
leer más
O Teatro Pastor Díaz de Viveiro acollerá o sábado, 4 de marzo, o espectáculo Pitusa Semifusa.
Esta proposta musical é un mollo de cancións de Olga Brañas, interpretadas por unha nena chamada Pitusa Semifusa, neta dunha famosa directora de orquestra. Pitusa, a súa avoa e o seu irmán irán explicándolles ás cativas e cativos as familias de instrumentos musicais nun espectáculo participativo, divertido e didáctico.
A representación dará comezo ás 18:00 horas, ten unha duración de 45 minutos e o elenco artístico está composto por Marta Bravo na voz, Sergio Tannus á guitarra e Olga Brañas ao piano.
Ribadeo únese a outros Concellos que celebran o 24 de febreiro como Día de Rosalía. No Teatro terá lugar a lectura dun manifesto e despois unha representación teatral a cargo de Inversa Teatro, segundo deu a coñecer o concelleiro de Cultura, Farruco Graña.
O edil dixo: “queremos axudar a afianzar esta data no convencemento da importancia que ten lembrar a escritora de Padrón. Así como o nome de Rosalía de Castro é coñecido por todos, a súa obra foi durante décadas ofrecida ao grande público como un produto sentimentaloide e derrotista. É o momento de lermos a Rosalía e descubrir toda a súa modernidade. Conceptos hoxe asumidos normalmente como obxecto poético (a xustiza social, a liberdade fronte á norma opresora, a situación da muller, a emigración…) xa foron utilizados por esta galega no século XIX. E por riba, era muller e escribía en galego”.