Festa
Penasagudas, no municipio de Xove, celebrará a festa de San Isidoro de Monte esta fin de semana, sábado 5 e domingo 6 de abril
As actividades comezarán o sábado as 13:00 horas con misa solemne e procesión, ás 14:00 horas haberá sesión vermú co dúo Belinda, ás 15:00 horas terá lugar un xantar e desde as 17:00 horas, baile co dúo Belinda e o grupo Fénix, no que haberá trofeos ás 3 mellores parellas de pasodobre e un trofeo á mellor parella de bachata.
E para o domingo a partir das 10:00 horas está programada unha ruta de sendeirismo (a pé, a cabalo ou en bicicleta); ás 14:00 horas haberá sesión vermú; ás 15:00 empezará o xantar e a partir das 17:00 horas comezará o baile cunha actuación estelar, anuncia a organización, que corre a cargo da asociación Cruz de Loureiro, de San Isidoro de Monte. Tamén destaca que...
leer más
A presentación do cartel da VI Festa da Enfariñada marca o inicio da conta atrás para unha das citas gastronómicas máis esperadas de Trabada. O evento, que se celebrará o domingo 4 de maio na Praza do Concello, rende homenaxe a un dos pratos máis tradicionais da zona: a enfariñada.
O alcalde de Trabada, Rubén García, salientou a importancia desta festa para a promoción da gastronomía e das tradicións locais. “A Festa da Enfariñada é unha oportunidade única para poñer en valor a nosa cultura culinaria e atraer visitantes ao noso concello. Estamos seguros de que esta edición volverá ser un éxito”, afirmou.
A partir das 12:00 horas do 4 de maio os asistentes poderán degustar a enfariñada, un prato elaborado con ingredientes básicos como ovos, leite, auga, fariña e sal. Como novidade, nesta edición ofreceranse...
leer más
Mondoñedo celebra a Festa da Árbore desde o ano 1569 e a edición deste 2025 terá lugar na Praza do Concello este sábado, día 29 de marzo.
As actividades comezarán ás 12:00 horas con xogos populares e tradicionais. Ás 13:15 horas haberá plantación de árbores e recital de poemas con acompañamento musical. E ás 13:30 horas entregaranse os premios do XIII Concurso da Árbore e os debuxos participantes no certame exporanse durante a festa.
Este evento está organizado pola asociación cultural O Pasatempo coa colaboración do Concello de Mondoñedo.
A parroquia de Celeiro de Mariñaos, no concello de Barreiros, celebrará a terceira edición da Festa do Veciño o día 5 de abril, sábado.
Haberá cea a partir das 21:30 horas e para participar as entradas véndense anticipadamente en Bar Xunqueira (Vilamar) e Casa Lozano (Celeiro) ata o 30 de marzo.
Despois da cea o baile estará amenizado por José Manuel, de Abanico.
Este evento está organizado pola Asociación de Veciños de Celeiro de Mariñaos, que destaca que para a celebración desta festa disporán de carpa.
O Vicedo celebrará unha festa de Entroido este sábado, día 8 de marzo.
As actividades empezarán ás 13:30 horas cunha sesión vermú dobre na que actuarán o dúo Alba y Selu e Discomovil Eventec. Desde as 17:30 horas haberá festa infantil con colchonetas e merendola ás 20:30 horas. Para as 21:30 horas está programado un desfile infantil e ás 22:30 horas comezará verbena amenizada polo dúo Alba y Selu e Discomovil Eventec. E ás 00:30 horas terá lugar o desfile adultos, no que se sorteará unha cesta e haberá premios para os mellores grupos, parellas e disfraces individuais.
Este evento está organizado pola Comisión de Festas de Santo Estevo 2025.
Será a partir das 21:30 horas. Haberá degustación de xamón cocido, chourizos e produtos típicos do Entroido. E non faltarán os premios aos mellores disfraces: individual, parellas e grupos, e especiais a menores de 8 anos, de 9 a 12 anos e de 13 a 16.
A Festa contará coa animación do Dúo Boreal.
O evento está organizado pola asociación de mulleres de San Román do Val.
Foz acollerá o décimo aniversario da Festa dos Pepes o día 22 de marzo, sábado.
As actividades comezarán ás 13:45 horas cunha recepción do alcalde a tódolos participantes diante da Casa do Concello de Foz. Ás 14:00 farán unha foto de familia e despois haberá un ruta polos bares de Foz. E ás 15:00 horas empezará a comida de confraternidade no restaurante As Brasas.
O prezo é de 40 euros e as reservas poden facerse a través dos teléfonos 628.429.737 (Cobos) ou 609.983.695 (Vila).
O Concello de Cervo celebrará o sábado 22 de febreiro a Festa do Mexillón, que vai pola XXXI edición. Ao longo da xornada os dez locais participantes ofrecerán unha ampla degustación de tapas que terán o mexillón como protagonista.
Participarán os establecementos O Noso Lar, A Bodega de Ana, O Faro, A Penúltima, Bar Maruxaina, O Trasgo, Habana, bar El Puerto, A´Brasame Poliño e O Encontro.
A cita foi presentada pola rexedora municipal de Cervo, Dolores García Caramés, e por unha representación dos locais participantes. A alcaldesa puxo de manifesto que esta festa “é sempre un gran reclamo para atraer visitantes, e para animar a vila, a través dun produto que simboliza tamén a nosa conexión co mar”.
A rexedora convidou a veciños e visitantes a participar nesta festa que “é unha mostra do...
leer más
Centos de persoas asistiron o pasado sábado en Ribadeo á XIV Festa do Comercio de Acisa. A carpa da avenida Rosalía de Castro e a propia rúa quedaron pequenas para acoller a toda a xente que non quixo perder esta tradicional cita coa que se pon o broche de ouro ao Nadal na vila ribadense.
O acto contou coas intervencións do alcalde, Dani Vega, do director xeral de Comercio da Xunta, Gabriel Alén, e da presidenta de Acisa, Carmen Cruzado, que agradeceu a fidelidade aos negocios locais demostrada nas 180.000 rifas repartidas desde o pasado 5 de decembro para este importante sorteo, co que culminou tamén o ano da celebración do 35 aniversario de Acisa Ribadeo.
O premio non presencial, dotado con 250 euros en vales de compra, foi para Macu de Ribadeo (nº 110.704, entregado en Adele)
O colgante exclusivo de...
A parroquia ribadense de Covelas celebrará a súa festa na honra de San Vicente o día 25 de xaneiro, sábado.
As actividades comezarán ás 13:00 horas con misa solemne e seguidamente haberá sesión vermú amenizada polo cantante Jaime Paredes. Ás 15:00 horas empezará a comida e despois volverá a música con Jaime Paredes, pero tamén haberá bingo, xogos, sorteos e demais sorpresas.
Para reservar os tickets da comida pode facerse a través dos teléfonos 606.407.224, 686.428.248 ou 676.825.905. O prazo remata o domingo 19 de xaneiro.