Festa
Xove celebrará a súa Festa das Flores o día 18 de maio, sábado, desde as 10:30 horas, cando se abrirá o mercado tradicional.
A partir das 11:30 horas haberá pasacalles coa Asociación Cultural Saíñas e a charanga NBA e demostración de oficios tradicionais. Ás 13:00 horas celebrarase misa solemne coan ofrenda floral á Virxe e ás 14:15, sesión vermú co grupo Rubí. Tamén haberá obradoiros de cerámica e de flores, para nenos e nenas, actuará Caxoto ás 18:00 horas e ás 22:00 horas empezará a verbena co grupo Rubí e Discomóbil Conxuro, para rematar cunha queimada popular.
A organización, que corre a cargo do Concello de Xove e da Asociación de Festejos Montevelle, anuncia: “o sábado 18 de maio celebramos a primavera en Xove coa Festa das Flores ou Fillas de María: Mercado tradicional, pasarrúas, obradoiros, contacontos,...
leer más
As actividades da XLIV Festa da Troita desenvolveranse na Pontenova os días 30 de abril e 1 de maio.
O martes 30 de abril ás 19:00 horas inaugurarase a escultura da troita máis grande do mundo e media hora despois as novas pedras de honra no Paseo do Pescador. Para as 21:00 horas está programada a entrega de varias distincións e media hora máis tarde no salón de actos da Casa da Cultura terá lugar o pregón a cargo de Odile Rodríguez de la Fuente, que é a presidenta da Fundación Félix Rodríguez de la Fuente. Ás 22:00 farase a apertura da caseta e degustación de troitas e empezará a verbena amenizada polas orquestras Cinema e Capitol.
O 1 de maio ás 09:00 horas comezarán os concursos de pesca, que rematarán ás 13:30, hora á que empezará unha macro sesión vermú coa orquestra Trébol. Ás 14:30 horas disputarase o III...
leer más
A parroquia focega de San Acisclo celebra a Festa da Xuventude o día 26 de abril, venres a partir das 20:00 horas.
Será no campo da festa, onde se instalará unha carpa, e actuarán os grupos Lume e Montreal. Ademais haberá degustación de churrasco, chourizos e pan, a un prezo de 15 euros por persoa.
Esta festa está organizada pola asociación de veciños Río Ouro e colabora o Concello de Foz.
A Asociación Cultural Recreativa Deportiva Aturuxeiros, de Bravos (Ourol), organiza unha festa para celebrar o seu décimo aniversario e pechar a tempada de actividades da tempada 2023-24. Será o día 20 de abril, sábado, no seu local social a partir dar 13:00 horas.
Haberá sesión vermú, amenizada por Sandra, e despois comida, sorpresas e sorteos.
A inscrición para participar pode facerse a través do WhatsApp +34722105850 ata o 16 de abril.
Mondoñedo celebrará a Festa da Árbore este sábado, 13 de abril. Esta actividade, que se vén realizando na cidade mindoniense desde o ano 1569, está organizada nesta ocasión pola asociación cultural O Pasatempo e será no xardín da escola infantil A Galiña Azul.
As actividades comezarán ás 12:00 horas con xogos cooperativos e talleres infantís. Ás 13:15 horas farase unha plantación de árbores e haberá un recital de poemas con acompañamento musical. A continuación entregarán os premios do XII Concurso da Árbore. Os debuxos participantes neste certame estarán expostos durante a festa.
Trabada celebrará a Festa da Primavera o domingo 21 de abril cunha comida baile organizada pola asociación cultural O Picato.
Será no pavillón municipal de Trabada a partir das 13:00 horas e estará amenizada polo dúo Epo-K. Haberá sorteos despois da comida.
Os tickets para asistir están á venda no Mesón Camiño Norte ata o 19 de abril.
A asociación cultural O Picato, de Trabada, renovou a totalidade dos cargos da directiva, que agora está formada por: presidente, José María Fernández Vázquez; vicepresidenta: Nuria Fernández García; secretaria, Mercedes García Pérez; tesoreira, Xenia Uz Quirós; e os vogais son Julio González Romeu, María Concepción García Fernández, Servanda Yanes Cancio, Anastasia Quintana Fernández, Ana Varela Teijo e Thor Alberich Gómez.
...
leer más
O Presidente da Deputación de Lugo, José Tomé Roca, asinou este xoves un acordo de colaboración co Alcalde de Trabada, Rubén García Freije, para impulsar a celebración da quinta edición da Festa Gastronómica da Enfariñada, que se celebrará o vindeiro día 5 de maio.
O mandatario provincial resalta a importancia desta festa que combina tradición con cultura e que pon en valor este prato típico, dándoo a coñecer dun xeito gratuíto para o conxunto da sociedade. “Esta cita naceu no 2015 e xa ten unha gran aceptación. De feito, o ano pasado servíronse máis de 700 racións, o que dá boa mostra do gran traballo que fan dende o Concello e tamén dende a veciñanza para facer desta festa un atractivo máis de Trabada que contribúa á dinamización social e económica”, indicou José Tomé.
A institución provincial achegará 10.000€...
leer más
O vindeiro sábado, 6 de abril, volve o berberecho a Foz, marisco que para os foceg@s é o chícaro. É unha cita que dende o pasado ano se sitúa na semana seguinte á semana santa. O alcalde de Foz, Fran Cajoto, explica que “foi un ano difícil para o sector do marisqueo e dende Foz queremos continuar contribuíndo a que se consuma produto do mar, mostrando ao mundo o marabilloso sabor que ten grazas á sempre inestimable colaboración dos ciclos de Hostalería do IES de Foz”.
O programa da XXII Festa do Berberecho combina a cultura mariñeira, a gastronomía e a historia de Foz.
O venres 5 o primeiro evento será ás 19:30 horas no salón de actos do CENIMA, coa charla titulada Interpretación toponímica da costa de Foz. II Parte: de Llas á Pampillosa, a cargo de Xesús do Breogán; para a continuación poder gozar dos cantos de...
leer más
O 29 de marzo terá lugar en Rinlo a primeira degustación de mexillón, que organiza a asociación de veciños O Cantal coa colaboración do Concello de Ribadeo. Será na praza de San Pedro a partir das 12:30 horas. Haberá carpa, música, bar e 300 quilos de mexillóns para degustar.
O alcalde, Dani Vega, dixo que “Rinlo prepárase para celebrar a primeira degustación do mexillón, unha nova festa que queremos potenciar dende o Concello. E agradecémoslle á asociación de veciños O Cantal todo o seu traballo, a súa proposta e a ilusión que está trasladando para impulsar iniciativas en beneficio de Rinlo e de todos”.
Para o rexedor “apostar por degustacións de produtos do mar é algo moi importante. Estamos apoiando a todo un sector e tamén impulsando e publicitando os produtos do mar. Polo tanto hai que agradecerlles o...
leer más
Todo está listo en Xove para a celebración da XX Festa do Polbo, que organizan os hostaleiros coa colaboración e co patrocinio do Concello xovense.
A cita dará comezo a partir das sete da tarde. Participan os seguintes locais hostaleiros: Bar Pepe, Cafetería A Roda, Pulpería Bar Cociña, A Fuga, O Refugio, Onde Sempre e La Cívica. O prezo da ración será de 15 euros.
Haberá animación polos locais participantes a cargo da Batukada da Charanga A Choca, de Ribadeo.