Festa
Acisa ven de presentar a XIII Festa do Comercio. A campaña desenvolverase do 1 de decembro de 2023 ao 13 de xaneiro de 2024. Nesta edición repartiranse 6.000 euros en premios.
A presidenta de Acisa, Carmen Cruzado, dixo que “hoxe presentamos a campaña da XIII Festa do Comercio, que se desenvolverá desde este venres, 1 de decembro, ao 13 de xaneiro. Ese día será o sorteo presencial na carpa situada este ano na Avenida Rosalía de Castro no que repartiremos 6.000 euros en premios, a cifra máis alta que destina a asociación á nosa campaña anual máis importante. Todas aquelas persoas que fagan as súas compras no comercio asociado a Acisa Ribadeo recibirán as papeletas para participar no sorteo. En total póñense en circulación 170.000 rifas, que son 20.000 máis que na pasada edición”.
O xerente da asociación, Jesús...
leer más
A Asociación Cultural Musical Dambara, de Burela, organiza a Festa da Música, que se celebrará este sábado, 25 de novembro desde as 13:00 horas ata a noitada.
Neste evento, que terá lugar na Praza da Mariña e está patrocinado pola Delegación de Cultura do Concello de Burela, actuarán 17 formacións musicais e tamén haberá Foliada Libre, Noitada DJ, xantar ás 14:30 horas e cea ás 21:00 horas.
Veciñas de A Lama, O Cadabal e Vilela organizan para o día 18 de novembro, sábado, varias actividades na honra de San Román nesa parroquia do concello de O Vicedo.
Ás 13:00 horas celebrarase unha misa cantada na igrexa de San Román do Val. A continuación haberá procesión e despois sesión vermú no chiringuito Area Grande, baixo carpa, amenizada polo grupo Intervalo, que tamén actuará na festa, que empezará á noitiña.
O restaurante Area Grande e a asociación de veciños de San Román colaboran neste evento “con intención de promover a convivencia e a integración social de todos os veciños da parroquia nunha data tan sinalada”.
Burela celebrará a oitava edición da Festa da Castaña con foliada o 11 de novembro, sábado, na Praza da Mariña. Está organizada polo Concello de Burela a Sociedade Cultural e Recreativa Ledicia e Os Asadores.
As actividades empezarán ás 12:00 horas con cantos de taberna; de 17:00 a 19:00 horas haberá obradoiros de regueifa e baile, ademais de xogos populares para nenos. O reparto de castañas e bolos preñados con auga ou viño empezará ás 18:30 horas, a foliada será desde as 19:00 e ás 21 horas empezarán os concertos de Grileiras, Pan.Sen.Fron, Os Carecos e Medio Quinhon.
A asociación cultural deportiva Pequenos Pasos, de Landrove (Viveiro), organiza a sétima edición da Festa Labrega os días 13 e 14 de outubro, venres e sábado. O campo da festa estará no atrio de Landrove, onde se instalará unha gran carpa.
As actividades empezarán o venres ás 21:00 horas co prendido da chama olímpica. A partir das 21:30 repartirán boliños preñados gratis e ás 22:00 horas actuará Amigos do Folk.
O sábado os actos comezarán ás 13:00 horas con sesión vermú amenizada polo trío Zafiro e os asistentes poderán degustar pinchos labregos de tortilla, que venderán a 3 euros para os socios do colectivo organizador da festa e a 4 euros para os que non pertencen á asociación. Ás 16:00 horas comezarán as sextas Olimpíadas Rurais e ás 20:30 actuará o grupo Espera que vou mexar. A partir das 21:00 horas...
leer más
A comparsa Ruxe Ruxe, de Vilaronte, organiza unha festa de Samaín para o día 28 de outubro, sábado, na Sala Bahía, de Foz.
De 16:00 a 20:00 horas terá lugar unha festa infantil con actividades como pintacaras, xogos populares e animación musical, colchoneta, etcétera. Ademais o mago Martín Carmiña presentará o espectáculo ‘Ilusións sen azucre industrial’ e haberá tamén scape room, mesa doce e concurso de cabazas.
E a partir das 23:30 horas será a Noite Tenebrosa amenizada polo DJ Pedro Brmudz, na que haberá sorteos e sorpresas.
A rúa San Francisco, de Ribadeo, acolle a celebración da Festa do Sombreiro os días 6 e 7 de outubro, venres e sábado. Está organizada por un grupo de ribadenses coa colaboración do Concello.
O venres empezan as actividades ás 18:00 horas cunha festa infantil e a partir das 21:30 haberá verbena amenizada por Nuevo Ritmo. Para as 23:00 horas está programado un concerto da cantante mexicana Betty Singh. Ás doce da noite entregaranse os premios aos mellores sombreiros e a continuación actuará Pablo Valdés e o seu trío, que interpreta versións de temas musicais dos anos 60, 70 e 80.
E o sábado haberá cantos de taberna durante todo o día pola rúa San Francisco.
O Alto do Cruceiro, en Xuances (Xove), celebrará a Festa do Ramo os días 6, 7 e 8 de outubro, de venres e domingo. O campo estará cuberto por unha gran carpa.
O venres a partir das 20:00 horas terá lugar a XV Festa dos Callos. Cada ración con pan e viño ten un prezo de 7 euros. E ás once da noite empezará a verbena amenizada pola orquestra Marbella e a discomóbil Conxuro.
O sábado ás 13:00 horas celebrarase misa solemne e procesión. Despois haberá sesión vermú coa orquestra Galia, que tamén amenizará a verbena, acompañada pola discomóbil Conxuro.
E para o domingo ás 13:00 horas está programada sesión vermú prolongada, na que actuará o dúo D’Caché.
A Delegación de Xuventude e Deportes do Concello de Foz organiza a Festa da Bicicleta Solidaria este domingo, 24 de setembro.
A actividade empezará ás 11:30 horas no parque municipal de tráfico. Haberá agasallos para todas e todos os participantes e sortearanse tres vales de 200 euros.
Para participar hai que aportar un quilo de alimentos. A inscrición está aberta ata o 22 de setembro a través do correo electrónico bici@concellodefoz.es.
A programación da XXXI Festa da Faba de Lourenzá, que se celebrará desde o día 29 deste mes ata o 1 de outubro, inclúe como novidade o Faba Fest. Será o venres pola noite no Campo dos Bolos e contará coa actuación do Grupo Beatriz e dos DJ Pedro Brmudz e Litainer, con entrada gratuíta. Ademais o programa inclúe outras actuacións musicais, degustacións e venda de fabas, exposicións e demostracións de artesáns, showcooking, cata de viño, tren turístico, concentración de vehículos clásicos e outras actividades.
Os actos empezarán o venres 29 ás 19:00 horas cun pasarrúas da Fanfarria Furruxa, que tamén actuará no Claustro do Mosteiro ás 21:00 horas. Ese día haberá ademais unha cata comentada de viño a cargo da adega Tapias Mariñán, da Denominación de Orixe Monterrei. E a partir das 22:30 horas no Campo dos Bolos, xunto ao mosteiro, terá lugar...
leer más