Foz
Mercedes Sanjurjo Tapia foi a primeira gañadora do Campañazo que organiza o CCA de Foz durante este mes de novembro. Esta muller resultou agraciada con 300 euros en vales de compra para consumir nos establecementos asociados ao Centro Comercial Aberto. A entrega do premio tivo lugar en Casa Damián, que foi o local desde o que Mercedes Sanjurjo seguiu o sorteo o pasado venres, día 9. No acto participaron Olaya Pedrosa, secretaria de ACIA/CCA de Foz, e unha representante de Hola Ola, a tenda na que Mercedes conseguiu o seu cartón.
Outras tres persoas repartíronse os outros 300 euros do primeiro sorteo do Campañazo deste mes de novembro de 2018.
O Campañazo seguirá mañá, día 16. En xogo estarán 300 euros en vales de compra para o que o cante en primeiro lugar e 300 euros máis para o resto de cartóns premiados. Os...
leer más
A Librería Bahía, de Foz, organiza varios actos con motivo da conmemoración do Día das Librerías, que se celebra este venres, 16 de novembro.
Ás 20:30 horas terá lugar unha presentación-coloquio coa escritora burelesa Antía Yáñez, que presentará a súa novela Senlleiras. Antía Yáñez gañou con esta novela o premio Illa Nova de narrativa convocado pola editorial Galaxia, para promocionar a autores novos. Trátase dunha historia que aborda os malos tratos a través da vida de dúas mulleres afastadas no tempo pero con moitas cousas en común. Antía Yáñez tamén ven de gañar o premio Fina Casalderey para literatura xuvenil de temática feminista, coa obra A Reconquista. Este encontro con Antía Yáñez está organizado en colaboración co club de lectura da Pomba do Arco.
O sábado, 17 de novembro, ás 12:00 horas, tamén na...
leer más
A veciña da parroquia focense de Santa Cilla Sabela Pico Lombán, de 27 anos de idade, foi elixida raíña do Entroido de Foz 2019.
Á convocatoria do Concello de Foz presentáronse nove persoas, oito mulleres e un home, dos que cinco xa optaban por terceira vez, entre eles a elixida.
A asociación Os Sendeiros de Foz organiza un andareiro para o domingo 25 de novembro.
A ruta percorrerá Viveiro, o Penedo do Galo, a Ferveza río Guilan e Palmeiro, cunhas magníficas vistas da contorna que abranguen a costa dende O Vicedo ata San Cibrao e no interior ata o Xistral.
A saída será ás 8:00 horas do cruce da rúa Cervantes con Maestro Lugilde.
O prezo é 21 euros para os socios federados, 25€ para os socios non federados e 30 euros para os non socios. Está incluído o xantar. Para asistir hai que anotarse, antes do mércores 21. As inscricións poden facerse nos números de teléfono 606 718 482 e 670 369 017, ou no e-mail ossendeiros@yahoo.es.
Os organizadores recomendan levar equipo de sendeirismo e informan que a...
leer más
O Concello de Foz organiza unha nova edición do ciclo de charlas médicas que comezará este xoves e abordará temas como o cancro de mama, a nutrición saudable e o bo uso dos medicamentos. As conferencias terán lugar os días 8, 15 e 22 deste mes de novembro, na Casa da Cultura focense. A presentación tivo lugar esta mañá e contou coa presenza do alcalde, Javier Jorge Castiñeira; que estivo acompañado da xerente e da directora médica do Hospital Público da Mariña, María José Cortés e Eva López; e de Ramón Couto, responsable da Asociación Local de Loita contra o Cancro en Foz.
“Desde o Concello de Foz queremos informar a todos os veciños de Foz de da Mariña que o próximo xoves, ás oito da tarde, na Casa da Cultura, empeza unha edición máis das charlas médicas, este ciclo que se fai os xoves do mes de novembro. A verdade é que temos un cartel...
leer más
A Delegación de Cultura do Concello de Foz programa para este mes de novembro representacións teatrais e concertos.
Este sábado, 10 de novembro, haberá teatro infantil a cargo da compañía Mamá Cabra, que presentará a obra Eu cocino, ti cociñas?. Terá lugar na Sala Bahía, ás 18:30 horas. Trátase dunha obra de teatro musical para nen@s a partir de 3 anos e cunha duración de 50 minutos. O prezo da entrada para os nen@s é de 1,5 euros e 2,5 euros para os adultos.
O venres 16, dentro do ciclo Novembro Musical, ofrecerá un concerto o Combo de Adultos da Escola de Música de Foz. Será na Casa da Cultura ás 21:00 horas.
O sábado 17 volverá haber teatro, nesta ocasión para público adulto, coa compañía Teatro do Atlántico, que porá en escena a obra Helena: xuizo a unha lurpia, sobre a figura clásica...
leer más
O 9 de novembro chega unha nova edición do tradicional Campañazo, que organiza o Centro Comercial Aberto de Foz e que repartirá durante este mes 2.400 euros en vales de compra. Un total de 41 establecementos comerciais e 13 locais de hostalería participan nesta campaña na que se premiará unha vez máis a fidelidade dos seus clientes.
Os días 9, 16, 23 e 30 de novembro celebraranse os sorteos de 300 euros en vales de compra ao que cante en primeiro lugar o Campañazo e outros 300 euros para o resto de cartóns premiados. Os sorteos realizaranse cada venres, en directo a partir das 23:00 horas, por Radio Foz, no 107.4 da FM.
Desde a directiva de ACIA Foz explican que “a dinámica do xogo é a mesma de sempre. As persoas interesadas en levar un dos premios que se poñen en xogo deben facerse cos seus cartóns nalgún dos...
leer más
A asociación cultural A Pomba do Arco organiza unha nova edición da Festa da Palabra que se celebrará no Cenima, de Foz, entre o 7 e 9 de novembro. Desde a organización explican que “a consecuencia de imprevistos de ultima vémonos na obriga de cambiar o programa”, quedando como se anuncia a continuación:
Lois Pérez. Mércores, 7 de novembro, ás 20:30 no Cenima.
Os soños na gaiola. Grupo de teatro da Pomba do Arco. Xoves, día 8, ás 20:30 no Cenima.
Olga Novo e Ismael Ramos. Venres, 9 de novembro, ás 20:30 no Cenima.
Os días 2, 3 e 4 de novembro terá lugar a XV Ruta 4x4 Montes da Mariña organizada polo Club Os Correcamiños. Na presentación deste evento participou o alcalde de Foz, Javier Jorge Castiñeira.
A ruta 4x4 Montes da Mariña é unha das citas máis importantes de toda España no mundo dos 4x4, con 500 vehículos participantes (150 motos, 150 quads e 200 coches) procedentes de lugares como Portugal, Madrid, Teruel, Barcelona, Bilbao, San Sebastián, Ciudad Real, entre outros.
O programa de actividades comezará a desenvolverse o venres 2 de novembro cunha recepción e pinchos no pavillón do colexio Martínez Otero, de Foz. O sábado 3 haberá ruta polos montes da Mariña, que discorrerá polos concellos de Alfoz, O Valadouro, Lourenzá, Mondoñedo, Barreiros, Cervo e Foz. A comida será en Ferreira do Valadouro e despois de volver á vila focense...
Este sábado, 20 de outubro, terá lugar en Foz o quinto sorteo da campaña da Federación de Comercio A Mariña que está a repartir máis de 10.000 euros en premios nos oitos sorteos que se desenvolven ata o 10 de novembro. En cada localidade participante póñense en xogo 1.500 euros en vales de compra para gastar nos establecementos asociados a cada Asociación de Comerciantes participante.
Pasado mañá celébrase o sorteo en Foz. Será na carpa instalada na praza do Concello a partir das 20:30 horas.
Os seguintes sorteos serán o 27 en Lourenzá, o 3 de novembro en Xove e rematarán o 10 de novembro en O Vicedo.
As persoas interesadas en participar nesta importante campaña da FCAM deben gardar os tíckets de compra nos establecementos asociados e entrarán nos sorteos de 1.500 euros en vales de...
leer más