Teatro
O Concello de Foz programa para este mes de outubro un ciclo de teatro con catro representacións, todas elas interpretadas só por mulleres. Serán os días 11, 18, 25 e 31 na Casa da Cultura ás 21:00 horas. Foi presentado hoxe, luns, polo alcalde, Fran Cajoto; o concelleiro de Cultura, Héctor Moris; e a concelleira de Muller, Verónica Peña.
O venres 11 a compañía Teatro do Atlántico ofrecerá a obra Dúas donas que bailan, coas actrices María Barcala e Mari Ángeles Iglesias.
A seguinte representación será o venres 18 e correrá a cargo de Malasombra Produccións, coa obra Bernarda, que interpretarán Celia González, Luisa Marelas y Esther Aja.
O venres 25 EM2 ofrecerá A noiva de Don Quixote, con Mercedes Castro.
E o ciclo rematará o xoves 31 con Contraproduccións e a...
leer más
A obra El mal de la piedra, escrita pola catalana Blanca Doménech chegará o vindeiro venres, 11 de outubro, ás 21:00 horas ao Auditorio Municipal de Burela da man da compañía arxentina El Vacío Fértil Teatro dentro da súa xira por España. Trátase dun espectáculo que trata de articular unha mirada crítica, está dirixido por Tony Lestingi e interpretado por Romina Pinto e Iván Steinhardt.
A sinopse é a seguinte: España vista dende o presente. O Val dos Caídos, monumento faraónico que Francisco Franco mandou construír rematada a guerra civil como símbolo do triunfo, estase derrubando desde o interior. Encerrada na Basílica por unha disputa entre neonazis e un grupo de memoria histórica está unha restauradora que traballa para diagnosticar o inminente desmoroamento do lugar. Ao non poder saír, Miranda vese obrigada a convivir cun garda de...
leer más
O grupo teatral O Centiño de San Martiño actuará este sábado, 5 de outubro, ás 20:00 horas na Casa da Cultura Manuel Lourenzo de Ferreira do Valadouro.
O Centiño porá en escena El Guindilla, a historia dun superhéroe amante de facer xustiza e axudar aos débiles e oprimidos. El Guindilla é tamén un héroe fallón e metepatas que tan pronto as dá como as recibe. Os espectadores poderán ademais visitar os estudos de televisión de Teleparrucha, cantar as cancións de Jacky e Pinky e rirse coas pallasadas dos ladróns Triquiñuela e Carajillo.
Do 4 ao 6 de outubro terá lugar en Ribadeo a XVII Mostra de Teatro Afeccionado Daniel Cortezón, que foi presentada esta tarde pola concelleira de Cultura, Pilar Otero, e pola viúva do dramaturgo, Matilde González. Trátase dunha edición especial porque o seu inicio coincide co décimo aniversario do pasamento de Cortezón. Ata Ribadeo chegarán grupos teatrais de Castro de Rei, Palas de Rei e Vedra.
A edil ribadense dixo que “esta edición ten un carácter especial pois precisamente o día 4 de outubro hai 10 anos do pasamento do autor que homenaxeamos cada ano con esta Mostra. Estamos convencidos de que compartimos co autor de Xelmirez ou A gloria de Compostela a idea do teatro afeccionado como un piar fundamental daquel outro para o que el escribiu. En cada programa da Mostra tentamos mesturar tipos de público, tipoloxía dos textos e mesmo...
leer más
O Concello de Lourenzá organiza unhas xornadas sobre usos e aplicación de drons, que inclúen actividades este domingo. Ese mesmo día haberá tamén teatro contra a violencia de xénero.
As xornadas sobre usos e aplicación de drons están organizadas pola Concellería de Xuventude, que dirixe Sonia Gavino, quen explica que “ primeira actividade desta iniciativa tivo lugar o pasado 26 de setembro. Está dirixida a mozos e mozas e nunha primeira parte impartíronse cuestións teóricas acerca da normativa de uso dos drons e despois desenvolveuse unha clase práctica na que os asistentes puideron probar a pilotar un dron. A segunda xornada terá lugar este domingo, 6 de outubro, enmarcada dentro da programación da Festa da Faba. Haberá un stand situado no Campo dos Bolos, no que estarán presentes diversas empresas que usan os drons para múltiples...
leer más
O grupo de teatro afeccionado Obra Viva porá en escena a obra Casa Macho o domingo, 6 de outubro, ás 20:00 horas no Teatro Pastor Díaz de Viveiro.
A representación, para todos os públicos, está dirixida por Vicente Míguez Salgueiro que tamén é o autor. O elenco está formado por dezasete actores e actrices.
Narra a historia dunha familia que reflicte o desencontro ao tratar a relación interxeracional, patriarcado e denuncia machista. Trátase dunha aposta pola fala galega, denuncia social, reivindicación de valores humanos e mailo humor.
A función inclúese na programación cultural do Teatro Pastor Díaz, de Viveiro, para o último trimestre do ano.
Na axenda cultural de Ribadeo para os vindeiros días figura un espectáculo de maxia para nen@s e a función teatral protagonizada por El Brujo que terá lugar o domingo, 29 de setembro.
Este xoves, 26 de setembro, terá lugar unha actividade con motivo da celebración do Día Mundial do Alzheimer titulada O cerebro envellece e o corazón engrandece. Será no Cine Teatro ás 12:00 horas e está organizado polo centro de día A Concordia.
Tamén mañá celebrarase o acto de conmemoración do centenario do naufraxio do bote Fernando Villamil. Será no Forte de San Damián ás 17:00 horas.
O venres, 27 de setembro, haberá un espectáculo de maxia para nen@s, dentro do programa Apego, titulado Somos iguais na maxia e ofrecido por Ian & Elisa que con esta obra transmiten valores como a importancia da...
leer más
Rafael Álvarez “El Brujo” presenta en Ribadeo a obra Autobiografía de un Yogui. A representación terá lugar no auditorio municipal Hernán Naval, o domingo 29 de setembro, ás 20:00 horas.
A venta de entradas anticipada é a través de https://entradas.ataquilla.com.
A peza está baseada na obra de Paramahansa Yogananda que foi quen trouxo o yoga a occidente, non soamente o yoga físico senón tamén o raja yoga, que é como chaman na India á meditación, á ciencia da realización do ser. El Brujo di que esta autobiografía exerceu nel tan grande fascinación que quixo dala a coñecer a través deste espectáculo.
A XXXIV edición da Semana de Teatro Concello de O Valadouro dará comezo o vindeiro domingo, 1 de setembro, coa actuación do grupo Os Pícaros, de Lagoa, que presentará unha adaptación da obra Asilo por compasión.
O luns, 2 de setembro, actuará o grupo Lume Escénico, de A Pontenova, coa obra O achado do castro de Manuel Núñez Singala.
O martes, día 3, o grupo Axouxeres, de Vilaronte, porá en escena a obra Un divorcio no pobo de Tito Casado Agudín.
O mércores, 4 de setembro, o grupo O Bordelo, de Cervo, representará a obra Toluras de proveito de Francisco Piñeiro.
O xoves día 5 o grupo Touporroutou, de Foz, presentará Comedia bífida da que é autor Manuel Núñez Singala.
E o venres, 6 de setembro, actuará o grupo A Adala, de Fazouro, cunha...
leer más
Foz acolle a XX Semana do Teatro Afeccionado desde o luns 19 ao venres 23 de agosto. As representacións faranse ao aire libre ás 21:00 horas.
O luns 19 na praza Pardo de Cela Touporroutou Teatro ofrecerá a obra Comedia Bífida.
Axóuxeres representará a obra Un divorcio no pobo o martes 20 na Praza do Concello.
Na Praza de Galicia o mércores 21 Pico do Castro ofrecerá O Randiña.
O xoves 22 no Campo da Cabana O Batán escenificará a obra Bicos de vinagre.
E o venres 23 rematará este ciclo de teatro afeccionado ao aire libre cunha representación na paseo da Rapadoira a cargo de A Adala, que representará Comeza a función.