Música
Esta semana está tendo lugar na Escola Municipal de Música de Burela un curso de iniciación ao jazz que se está a desenvolver ata este venres, 3 de xullo, en horario de tarde. Trátase dun curso gratuíto aberto á cidadanía, centrado na aprendizaxe, a improvisación e o traballo en grupo. A actividade concluirá cun concerto final para celebrar o remate do curso este venres, día 3 de xullo, ás 20:30 horas, na praza do Concello de Burela.
O tenente de alcaldesa de Burela e responsable da Escola de Música, Mario Pillado, destacou a importancia de promover actividades que acheguen a música á veciñanza e explicou que este curso “é unha oportunidade para que persoas con interese polo jazz poidan achegarse a este estilo musical nun ambiente de aprendizaxe e colaboración”. Tamén animou á veciñanza a acudir ao concerto final, que “permitirá compartir...
leer más
Representantes da Xunta de Galicia e da Deputación de Lugo visitaron este luns, 29 de xuño, o recinto do festival Resurrection Fest, evento que se celebra esta semana, do mércores 1 ao sábado 4 de xullo en Viveiro.
A Deputación de Lugo explica que a presidenta, Carmela López, xunto aos socios responsables do festival, os irmáns Iván e David Méndez, e o resto de colaboradores asistiu este luns en Viveiro á presentación e visita ao recinto do Resurrection Fest, que arrinca este mércores e que se prolongará ata o sábado. A institución provincial anuncia que “renova o seu patrocinio cunha das grandes citas internacionais da música hardcore, metal e punk cunha aportación económica de 150.000 euros, consolidando así unha colaboración que se mantén desde os seus inicios. Levamos máis de 20 anos convertendo a Viveiro na capital da música hardcore...
leer más
O Auditorio Municipal de Burela acollerá o venres 21 de agosto ás 20:00 horas o concerto solidario do grupo ugandés Aba Taano, “unha das formacións de góspel africano con maior recoñecemento internacional. A actuación, organizada a beneficio da ONG Música para Salvar Vidas, combinará música, solidariedade e compromiso social nunha proposta cultural de gran nivel” anuncia o Concello de Burela, que engade: “a través das súas voces, da súa enerxía e da música tradicional africana, Aba Taano ofrecerá un espectáculo cheo de ritmo, emoción e esperanza, no que o público poderá coñecer de primeira man un proxecto no que a música se converte nunha ferramenta de transformación social. Os cinco integrantes da formación forman parte da ONG Música para Salvar Vidas, unha iniciativa que traballa para ofrecer educación, formación e oportunidades de futuro a nenos e mozos en situación de...
leer más
O deputado provincial de Promoción Económica e Social, Pablo Rivera Capón, e Esteban Girón, membro da organización do Resurrection Fest, presentaron nos xardíns do Pazo de San Marcos (Lugo) a vixésimo primeira edición do festival. A cita internacional do hardcore, metal e punk celebrarase do 1 ao 5 de xullo e contará un ano máis cun patrocinio de 150.000 euros da Deputación de Lugo, institución que apoia este evento desde a súa primeira edición.
Rivera Capón puxo en valor o crecemento experimentado polo Resurrection Fest e a proxección internacional que lle achegou á Mariña e á provincia de Lugo, ao tempo que lembrou a figura do entón alcalde Melchor Roel, que “soubo ver unha oportunidade onde outros podían ver unha aventura incerta”. Salientou que o Resurrection Fest é “un claro exemplo de como a cultura pode crear riqueza, actividade...
leer más
A Sociedade Cultural e Recreativa Ledicia ten preparado un festival de baile e música tradicional para este domingo, día 28 de xuño. A actuación terá lugar en Burela, na Praza do Concello, ás 19:30 horas e servirá como broche final ao curso 2025/26.
Participarán tódalas seccións da escola de baile e música de Ledicia, que “amosarán o traballo calado que se realiza ao longo de todo o ano”, explica o colectivo organizador do evento.
A décimo sétima edición do Encontro Internacional de Corais Vila de Foz terá lugar na basílica de San Martiño este sábado, día 27 de xuño, ás 19:30 horas.
Será o terceiro Memorial Carmen Alonso e actuarán a Coral Real Capilla, de Aranjuez; o Orfeão da Madalena, de Vila Nova de Gaia (Portugal) e a Coral Polifónica de Foz, que é a organizadora deste evento, que patrocina o Concello de Foz.
Esta fin de semana, desde o venres 26 ata o domingo 28, celebrarase en Ribadeo a décimo cuarta edición do Curso de Jazz e Música Moderna. Nesta ocasión está dedicado ao centenario do nacemento do destacado músico estadounidense Miles Davis e aínda quedan algunhas prazas libres para participar. O prazo de inscrición está aberto ata este mércores, día 24 de xuño.
Esta actividade está organizada pola asociación cultural ribadense Bruar e o presidente do colectivo, Rubén Solloso, explica que vai desenvolverse en horario de mañá e de tarde e será impartido por cinco profesores de distintas especialidades: “vamos seguir coa estrutura de anos anteriores. Contamos con cinco profesores de cinco especialidades distintas, como son voz, guitarra, vento e temos tamén un baterista e un profesor de piano. Varios deles xa estiveron en edicións anteriores...
leer más
Este próximo venres, día 26 de xuño, ás 20:30 horas terá lugar o debut en Galicia do dúo Ébano Acústico no Círculo Habanero da Devesa (Ribadeo). O prezo da entrada é de 10 euros.
É unha actividade organizada pola Asociación Cultural a Tribo da Taavesía, que anuncia: “Ébano Acústico é un dúo musical formado pola cantante afroamericana Ebony Joy Phillips e o guitarrista estadounidense-español Alex Fernández. Neste ano 2026 decidiron trasladarse a Galicia tras investigar online o panorama musical galego de rock, blues e jazz e lanzar aquí un proxecto en formato dúo acústico. Phillips é unha cantante dinámica en varios estilos e Fernández, aparte da guitarra, toca batería e baixo con moi bo nivel e tamén é enxeñeiro de audio e produtor con décadas de experiencia profesional. O seu dúo acústico é un formato minimalista: reducidos a voz e...
leer más
A Escola Municipal de Música e Danza (EMMeD) de Ribadeo continúa a desenvolver o seu programa Musiqueando polas parroquias, unha iniciativa que busca descentralizar a oferta cultural do municipio e achegar o traballo do alumnado a todos os veciños e veciñas. A vindeira cita terá lugar en Ove o luns 22 de xuño ás 19:00 horas. O escenario elixido será a antiga escola, onde se ofrecerá unha pequena mostra do esforzo realizado por unha parte do alumnado do centro ao longo do presente curso académico.
Segundo explica o responsable da EMMeD, Hugo García, “esta actividade responde a un dos piares fundamentais da institución: un dos nosos obxectivos prioritarios é consolidarnos como un motor sociocultural para todo o concello de Ribadeo, e non só para o seu núcleo urbano”.
García sinala que esta programación...
leer más
O grupo Estrellas de Buena Vista y Más ofrecerá o concerto estelar do XI Ribadeo Indiano o vindeiro 12 de xullo na rúa San Roque. A formación cubana porá o punto final a tres días de irmandade cultural.
A organización do Ribadeo Indiano explica que Estrellas de Buena Vista y Más “naceu en 2021 baixo a dirección musical de Pancho Amat, recoñecido como o mellor tresero do mundo. O proxecto xurdiu coa misión de preservar o patrimonio do Buena Vista Social Club. O grupo está conformado por membros orixinais e novas xeracións de talentosos músicos, que buscan transmitir as raíces más profundas da música cubana, respectando as tradicións e integrando influencias contemporáneas que enriquezan o seu repertorio. Comparten alegría e ritmo vibrante nas súas actuacións, nas que combinan a experiencia dunha parte dos seus compoñente coa frescura dos...
leer más