Música
Foz acollerá este sábado, día 2 de maio, un concerto a beneficio da Asociación Española Contra o Cancro. Será na Sala Bahía ás 19:00 horas.
Neste concerto solidario, organizado polo Concello de Foz, actuarán os grupos locais Toxo Guayaba, Mar Aberto e Rondalla Latexos.
O importe do donativo para os asistentes é 5 euros.
O Vendaval Fest organiza o VIII Concerto do Galiñeiro no Cine Teatro de Ribadeo este venres, día 1 de maio, ás 22:00 horas coas actuacións dos grupos Sigilu e Beach Avenue.
Os promotores deste evento anuncian: “o vindeiro 1 de maio viviremos no Cine Teatro de Ribadeo unha noite chea de grunge e rock alternativo” e explican que o grupo Sigilu “nace en Lugo en 2015 cunha idea clara: mesturar o acústico e o electrónico sen límites. En 2017 lanzan o seu primeiro traballo, fusionando folk, electrónica e matices trip-hop, marcando o inicio do seu universo musical. En 2025 lanzan o seu segundo álbum, máis denso e expansivo, que conecta o rock progresivo, o metal e o alternativo dos noventa, con ecos da música española clásica. Influencias como Tool, Steven Wilson, Alice in Chains ou Radiohead marcan o seu son”. E Beach Avenue “nace en Lugo en...
leer más
O 26 de abril segue o Domingueo en Ribadeo, que organizan o Concello e Acisa. Este vindeiro domingo Sintético Fantástico actuará no lugar coñecido como Catro Calles a partir das 13 horas para animar o mediodía nesa zona do centro da vila ribadense.
O Domingueo en Ribadeo continuará os días 3 e 31 de maio e 7 e 14 de xuño por diferentes localizacións.
Desde o Concello ribadense e desde Acisa animan “ás veciñas e aos veciños de toda a contorna a achegarse a Ribadeo a gozar de todas as propostas que aquí van atopar os domingos, ou calquera outra xornada. Co bo tempo a programación de actividades na rúa increméntase, os días son grandes e toca aproveitalos ao máximo”.
A XXI edición do Resurrection Fest, de Viveiro, que se celebrará do 1 ao 4 de xullo neste municipio mariñán, contará un ano máis cun patrocinio da Deputación de Lugo de 150.000 euros. Así o anunciou a deputada provincial Pilar García Porto, tras a reunión da Xunta de Goberno deste venres e detallou: “demos luz verde a este contrato de patrocinio para apoiar un festival consolidado como un dos grandes referentes internacionais no ámbito do rock e do metal”.
Valorou García Porto que “cada ano, desfrutan deste evento milleiros de persoas chegados de diferentes puntos de España e do estranxeiro, polo que o Resu contribúe a situar a nosa provincia no circuíto dos grandes eventos musicais”. Nese sentido recalcou que a institución provincial colabora “ano tras ano porque apoiando este tipo de iniciativas estamos apoiando a economía local, xerando...
leer más
A Igrexa Parroquial de Santa María de Burela acolleu este pasado xoves, 16 de abril, un concerto a cargo da orquestra e coro do Conservatorio Superior de Música da Coruña, nunha actuación realizada en colaboración coa Escola Municipal de Música de Burela. Esta actuación forma parte dunha proposta cultural que terá continuidade o xoves 23 de abril coa actuación da Orquestra de Metais do Conservatorio Superior de Música da Coruña. O evento será no Auditorio Municipal de Burela ás 18:00 horas.
O primeiro tenente de alcaldesa, Mario Pillado, animou á veciñanza a asistir a este segundo concerto, que “permitirá seguir gozando da música en directo de alto nivel en Burela”.
Este sábado, día 18 de abril, a Igrexa de San Francisco, de Viveiro acollerá “unha cita musical imprescindible coa participación de tres agrupacións corais. Unha tarde para gozar do talento e da polifonía en directo a partir das 20:30 horas”, anuncia o Concello de Viveiro. Actuarán a Coral do Centro Social Sagrada Familia (A Coruña), a Coral Polifónica de Piloño (Vila de Cruces) e o Coro de Adultos do Conservatorio de Viveiro.
É un evento organizado pola Asociación de Adultos Melomanía e o Conservatorio Profesional de Música de Viveiro, coa colaboración do Concello.
Este venres, día 17 de abril, o Concello de Cervo organiza un novo Guateque de Arruguiñas no Local Social da Senra desde as 20:00 horas. Actuará o dúo Caramelo.
“Unha noite para bailar, lembrar e gozar en boa compañía”, destaca o Concello de Cervo, que organiza esta actividade en colaboración coa Asociación Cultural e Recreativa O Raxal.
Alumnado do Conservatorio Superior de Música da Coruña ofrecerá concertos nos que interpretarán o Réquiem de Fauré en Burela e Mondoñedo o día 16 de abril, xoves. O primeiro será ás 18:00 horas e o segundo ás 20:30. Como solistas actuarán a soprano Ana Manteiga e o barítono Antonio Facal e o director será Fernando L. Briones
O Concello de Burela anunciou que o xoves 16 ás 18:00 horas a igrexa parroquial de Santa María será o escenario da actuación da orquestra e coro do Conservatorio Superior de Música da Coruña, nunha colaboración coa Escola Municipal de Música de Burela. A entrada é libre ata completar capacidade.
E a Escola Municipal de Música O Pallarego, de Mondoñedo, explicou: “o vindeiro xoves, 16 de abril, ás 20:30 horas na catedral de Mondoñedo, teremos o gusto de asistir ao concerto que ofrecerá alumnado...
leer más
A música de Xabier Díaz e Adufeiras de Salitre porá son a Feira do Ferro de Riotorto cunha actuación o sábado 18 de abril ás 22.00 horas, na véspera da Feira.
O concerto, impulsado pola área de Cultura da Vicepresidencia da Deputación de Lugo e a Asociación para a Promoción Social dos Ferreiros de Riotorto, “pretende ampliar a dimensión cultural e patrimonial da Feira e poñer en valor o traballo de montaxe previo ás demostracións e obradoiros dos ferreiros, que se desenvolve durante a tarde do sábado”.
O músico coruñés visitou este venres forxa de Agustín de Faustino, un dos ferreiros en activo, onde coñeceu os detalles deste oficio artesán e a súa tradición en Riotorto. Tamén compartiron lembranzas sobre informantes do concello que Xabier Díaz coñeceu durante as súas recollidas como Daniel e Eugenio Fernández -os...
leer más
A deputada provincial de Réxime Interior, Promoción do Territorio e Turismo, Pilar García Porto, participou este xoves no Centro Galego de Arte Contemporáneo de Santiago de Compostela na presentación da décimo terceira edición do Festival Bal y Gay, “unha cita de referencia en España que conta co apoio da institución provincial”. A programación deste ano, “marcada polo seu carácter internacional, inclúe 14 concertos que se celebrarán en paraxes únicas da Mariña do 5 ao 21 de agosto. Como novidade, o pianista ruso Grigory Sokolov regresará a Galicia tras 20 anos cun concerto o 9 de agosto no Auditorio Fuxan Os Ventos de Lugo. Será, ademais, a primeira vez que o festival chega á capital lucense”, anuncia a Deputación de Lugo.
No acto de presentación desta cita, á que tamén asistiu a directora do Festival Bal y Gay, Alba Rodríguez, e o...
leer más