Eventos
A asociación Os Sendeiros, de Foz, fará a ruta Fuentes del Sil, en La Cueta (León), os días 28 e 29 de xuño, sábado e domingo. A saída desde Foz será o sábado ás 15:00 horas e ás 15:15 horas desde Ferreira do Valadouro.
Os prezos desta actividade, incluído o aloxamento en habitacións dobres con pensión completa, son: 150 euros para socios federados, 155 euros para socios non federados e 160 euros para socios temporais.
As prazas son limitadas, o prazo para anotarse remata o 30 de maio e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
A parroquia de San Andrés de Boimente, no concello de Viveiro, celebra a festa na honra a Corpus Christi este sábado, día 24 de maio.
As actividades comezarán ás 13:00 horas con misa solemne, seguida de procesión e sesión vermú coa orquestra Principal, que tamén amenizará a verbena xunto a El Combo Dominicano.
O campo da festa estará cuberto con carpa.
O Teatro das Cortes, que está na parroquia vicedense de Cabanas, acollerá o día 24 de maio o Sábado das Letras Cantareiras.
As actividades, con entrada de balde, comezarán ás 18:00 horas cun recital aberto e actuación do grupo As Faíscas, da asociación Os do 21, do Vicedo. E ás 20:00 horas haberá unha actuación da compañía Talía Teatro, que ofrecerá o espectáculo Bicos con lingua.
Da organización desta xornada encárgase a asociación cultural Volta e Dalle.
O colectivo viveirense Pensamento e Sementeira presenta o proxecto Galicia Latente, de Eduardo de Martíns, este venres, día 23 de maio, ás 19:00 horas na Sala Multiusos do Concello de Viveiro.
“Teremos connosco a Eduardo de Martíns para presentar o proxecto Galicia Latente. Visualizaremos o documental, conversaremos e teremos unha tarde compartida en comunidade da que seguro que extraemos conclusións moi positivas”, anuncia o colectivo Pensamento e Sementeira.
A parroquia mindoniense de Oirán celebrará a festa na honra a Virxe dos Milagros os días 24 e 25 de maio, sábado e domingo.
O sábado haberá misas ás 9:00, 10:00, 11:00 e 12:00 horas. E ás 13:00 horas celebrarase misa solemne e despois procesión e sesión vermú, amenizada polo grupo Tremenda, que tamén actuará na verbena xunto ao dúo Belinda.
E o domingo ás 13:00 horas haberá misa solemne e despois procesión e sesión vermú, a cargo do grupo Lume, que tamén amenizará a sesión de tarde.
A parroquia de Riobarba, no concello do Vicedo, celebrará a festa da Ponte do Porto este sábado, día 24 de maio.
As actividades comezarán ás 13:00 horas con misa solemne e a continuación empezará unha vermú prolongada ata a noite cos grupos D'Caché e Nuevo Ritmo.
Haberá pinchos gratis para todos os asistentes.
A Asociación do Barrio dos Muíños, de Mondoñedo, celebra unha comida popular este sábado, día 24 de maio.
Ás 14:00 horas haberá sesión vermú e o xantar comezará ás 15 horas. A música correrá a cargo de Discomóvil Eventec. As entradas están a venda na Taberna do Valeco.
Como peche da tempada 2024/25 o Club Deportivo Alfoz organiza unha churrascada popular este sábado, día 25 de maio.
Será no Campo Municipal de Alfoz a partir das 20:00 horas.
O prezo é de 10 euros para os socios do CD Alfoz e de 15 euros para as persoas que non pertencen ao club. E para participar hai que reservar previamente.
El Observatorio Ciudadano de la Biodiversidad de Ribadeo organiza para este viernes, día 23 de mayo, a las 18:00 horas desde la playa de Areosa, en la parroquia de Piñeira, la actividad Descubre la fauna del intermareal de Ribadeo. Será impartida por el biólogo ribadense Daniel Prieto Sierra. Para participar hay que inscribirse a través del teléfono 670.741.494.
“Únete a una ruta por el intermareal rocoso de Ribadeo y descubre la biodiversidad que alberga este ecosistema. Aprende a identificar especies y comprende su importancia en el equilibrio marino. Ideal para todas las edades”, anuncian los organizadores.
Daniel Prieto Sierra añade: “en el marco de la Gran Semana de la Biodiversidad y en colaboración con el Observatorio Ciudadano de la Biodiversidad de Ribadeo te invito a una ruta interpretativa por...
leer más
A asociación cultural O Picato, de Trabada, organiza a súa II Festa da Primavera, que se celebrará o día 25 de maio, domingo, a partir das 13:00 horas no Pavillón Municipal de Trabada.
Haberá comida, sesión vermú e baile, amenizados polo dúo Belinda, e sorteos despois do xantar.
Os tickets para participar están á venda no Mesón Camiño Norte e no Spar Express Trabada, ata o día 20 de maio.