Eventos
O Concello de Burela prepara unha programación cultural especial con motivo do Día das Letras Galegas, que se celebrará entre o xoves 15 e o sábado 17 de maio. As actividades abranguen encontros dirixidos á mocidade, unha presentación literaria, unha proxección audiovisual, teatro infantil e unha nova edición do Encontro de Palilleiras.
“O noso obxectivo foi deseñar unha programación diversa, que mestura tradición e creatividade e que conecta co público de todas as idades. Dende a mocidade ata as persoas maiores, todas teñen espazo nesta fin de semana pensada para poñer en valor a nosa lingua e a nosa cultura”, sinalou a concelleira de Cultura, Lina Gómez.
Para comezar, o xoves 15 de maio ás 17:30 horas a Casa da Xuventude acollerá unha sesión do Grupo de Participación Adolescente (GPA), na que os mozos e mozas...
leer más
Uns 184 veciños e veciñas viaxarán esta semana co Coñece a túa provincia da Deputación de Lugo. Os participantes pertencen a oito colectivos dos concellos de Mondoñedo, Castro de Rei, Guitiriz, Alfoz, Lugo, Riotorto e Barreiros, e uns percorrerán a comarca mariñá, mentres que os outros descubrirán os atractivos naturais e culturais da Terra Chá ou Lugo.
O Deputado de Promoción Económica e Social, PabloRivera Capón, deu a benvida este martes no Salón de Actos do Pazo de San Marcos á Asociación Cultural e Deportiva Billarda Río Miño, de Castro de Rei, que iniciou o seu percorrido coñecendo a historia e o funcionamento da Deputación de Lugo para despois achegarse ata Quiroga. Neste municipio, os viaxeiros desfrutaron dunha visita a unha empresa produtora de viño e aceite e dun obradoiro de artesanía.
Nesta mesma...
leer más
O Concello de Barreiros organiza para este domingo, día 18 de maio, unha nova edición do Mercadiño na Primavera, que terá lugar na Praza do Concello e “contará cun programa cheo de actividades e propostas que inclúen música en directo, obradoiros, degustacións e actividades infantís. O mercadiño desenvolverase entre as 11 e as 20 horas e contará cunha ampla variedade de postos nos que se poderán mercar produtos locais, de proximidade, artesáns e outras variedades pensadas para todos os gustos”.
O programa é o seguinte: ás 11:00 horas, apertura do mercado, amenizada pola actuación do grupo de gaitas do A.F O Arco da Vella; ás 12:00 horas, concerto de Dous en punto (grupo formado por Carlos Bau e Hugo Torreiro que ofrecerá música en directo coas súas mellores versións); de 12:30 a 14:30 horas, degustacións de elaboracións con razas...
leer más
Canedo, no concello de Lourenzá, celebrará a Festa da Nosa Señora da O esta fin de semana, desde o venres 16 ata o domingo 18 de maio
As actividades comezarán o venres con pulpada e churrascada a partir das 21:00 horas. E despois haberá verbena coas orquestras Los Satélites e Marbella.
O sábado celebrarase misa solemne ás 13:30 horas, seguida de procesión e sesión vermú coa orquestra Miramar, que tamén actuará na verbena, a partir das 23:00 horas, xunto á orquestra Acordes.
E o domingo haberá misa solemne ás 13:30 horas, seguida de procesión e sesión vermú coa orquestra Acordes.
A organización das festas destaca que dispoñen de carpa e amplos aparcamentos.
A parroquia de Lago, no concello de Xove, celebrará a 27ª edición da súa feira de gando cabalar este domingo, día 18 de maio.
Na presentación do evento participaron Leandro Quelle e Rubén Rubiños como membros da Asociación Equina A Medela (organizadora da feira), acompañados polo alcalde de Xove, Demetrio Salgueiro, e a concelleira de Agricultura, Dolores Meitín.
O Concello de Xove invita “a toda a veciñanza e tamén aos afeccionados/as ao mundo do gando a que se acerquen para disfrutar dunha xornada familiar na parroquia de Lago”.
Saldoira, no concello da Pontenova, celebrará a súa primeira festa do ovo frito con chourizo este sábado, día 17 de maio, a partir das 22:00 horas.
Para participar na cea hai que reservar antes deste xoves, 15 de maio, a través dos teléfonos 619.67.96.67, 636.25.81.06 ou 610.75.99.19
Este evento está organizado pola comisión de festas San Pedro da Ribeira 2025, que tamén anuncia que haberá baile “ata que o corpo aguante!”.
Xove celebrará a Festa das Flores Fillas de María este sábado, día 17 de maio.
As actividades comezarán ás 10:30 horas coa apertura do mercado tradicional. Ás 11:30 horas haberá pasacalles coa AC Saíñas e a charanga NBA e demostración oficios tradicionais. Ás 13:00h celebrarase misa con ofrenda floral á Virxe e despois sesión vermú co grupo Fénix. A partir das 17:00 horas haberá inchables; de 17:00 a 18:30 horas, obradoiro de cerámica; de 18:00 a 19:00, espectáculo do mago Karrolo. Ademais actuará o grupo Xoaniñas, de Saíñas, e a partir das 22:00 horas, verbena co grupo Fénix e Discomóbil Conxuro. Tamén haberá queimada popular e obradoiros de mañá e tarde para nenos sobre as flores.
Esta festa está organizada polo Concello de Xove e a Asociación de Festexos Montevelle.
O Concello do Valadouro organiza un acto dedicado ás cantareiras e á tradición oral para celebrar as Letras Galegas. Será o venres 16 de maio no salón de actos da Casa da Cultura ás 20:30 horas.
“Será moderado por Lionel Rexes, que facilitará o paso entre as actuacións realizando breves reseñas sobre a xornada e a tradición oral e as cantigas. Trémola Teatro ofrecerá os seus contos da avoa, que cando era nova xuntábase coas amigas para contar e cantar contos e cantigas. Historia popular feita música. E a asociación cultural Amado Lar estará representado polas cantareiras que ofrecerán varias pezas froito das recolleitas populares polas vilas e aldeas de Galicia”, anuncia o Concello do Valadouro, que engade: “nesta edición o Día das Letras Galegas 2025 está dedicado ás cantareiras, mulleres galegas fundamentais na preservación e transmisión...
leer más
O X Ribadeo Indiano, que se celebrará do 11 ao 13 de xullo, estará dedicado á figura do filántropo Ramón González e actuará a famosa orquestra cubana Los Van Van. Concello e Acisa presentaron o cartel desta nova edición do evento.
O alcalde, Dani Vega, declarou: “os días 11, 12 e 13 de xullo vamos celebrar o Ribadeo Indiano. Dez anos de historia, de poñer en valor toda unha cultura arquitectónica, social, unha reivindicación de cómo somos. Eses dez anos de historia queremos dedicarllos á filantropía, queremos dedicarllos a un dos indianos máis coñecidos e recoñecidos en Ribadeo, que é Ramón González. Naceu en Ribadeo, estudou Náutica e Comercio e despois marchou para a Arxentina, onde traballou como empregado e tamén foi quen de participar en moitas sociedades e crea a súa propia empresa. Con todo o esforzo fai unha grande fortuna. Despois...
leer más
A Rede Museística Provincial desenvolverá ao do 12 ao 18 de maio unha ampla axenda de actividades para conmemorar o Día Internacional dos Museo, que se celebra Internacionalmente baixo o lema O futuro dos museos en comunidades en constante cambio. Os catro museos da rede (Museo Provincial de Lugo, Museo do Mar de San Cibrao, Pazo de Tor e Fortaleza de San Paio de Narla) acollerán mais dunha ducia iniciativas que, partindo das coleccións e dos valores patrimoniais dos diferentes museos, poñen en valor a diversidade, a creatividade e o diálogo intercultural.
A programación pon o foco na mocidade, público obxectivo da maioría das protagonista e protagonista tanto no deseño e coordinación de propostas como as I Xornadas de rol e xogos de mesa -o 10 e 11 de maio na Fortaleza de San Paio de Narla- , o obradoiro Robótica e arte moza, con Enrique Peñalver...
leer más