Eventos
Preto de 200 veciños e veciñas da provincia de Lugo participan esta semana no programa de viaxes gratuítas da Deputación, Coñece a túa provincia. Os viaxeiros pertencen a oito asociacións dos concellos de Begonte, Xermade, Lugo, Vilalba e Cospeito, e uns percorrerán a comarca da Mariña e os outros descubrirán a Ribeira Sacra.
A primeira ruta desta semana, que tivo lugar este mesmo martes, realizárona os membrosda Asociación Veciñal Os Milagres Saavedra, de Begonte, que iniciaron a viaxe na produtora do Servizo de Audiovisuais, para dirixirse á aldea de Pionerdo onde coñeceron a palloza-museo Casa Sesto, e posteriormente a vila de Navia de Suarna para ver o traballo dunha fábrica de embutidos. Ademais, a Asociación Amuraxe, de Xermade, visitará a fabrica de Sargadelos e, logo a vila de San Cibrao para achegarse ata o Museo do Mar e á...
leer más
O pavillón de San Román, no concello de Cervo, acollerá o día 17 de maio, sábado, con motivo do Día das Letras Galegas, o II Festival Espallando Letras, organizado pola Asociación de Mulleres Rurais As Espalladoras, a asociación de veciños de San Román de Vilaestrofe, e Airiños do Xunco, coa colaboración do Concello de Cervo.
O encontro terá lugar a partir das 18:30 horas e contará coa participación de Cordenaia, de Airiños do Xunco (Cervo); As Grileiras que son o grupo infantil da S.C.R. Ledicia (Burela), As Ferriñas e As Faíscas de Os do 21 (O Vicedo), a asociación cultural Osorio Gutiérrez (Lourenzá) e Erikas e Peluxías (Grupo de Falapandeireta na Escola Vella de Rinlo). Ademais haberá racións de empanada e bolos preñados a prezos populares durante a tarde.
A cita foi presentada pola tenente de alcaldesa no...
leer más
A parroquia de Galdo, no concello de Viveiro, celebrará a tradicional Feira das Maulas, con máis de tres séculos de historia, este domingo, día 11 de maio
As actividades comezarán ás 10:00 horas coa apertura do mercado popular e feira de gando. Ás 11:00 horas empezarán as probas de andadura federada. Desde ás 14:00 horas haberá sesión vermú co grupo Dorados, que tamén amenizará o baile de tarde.
Haberá premios, de 80 euros cada un, para o maior número de cabezas de vacún e de equino.
A organización anuncia que está “permitido gando vacún, ovino e caprino con guía de ida e volta”.
A parroquia de Vilaboa, no concello da Pontenova, celebrará a festa comida para celebrar o Corpus este sábado, día 10 de maio.
As actividades comezarán con misa ás 13:00 horas. A partir das 15:30 horas terá lugar a comida, para a cal hai que recoller os tickets previamente e o prazo remata este mércores, 7 de maio.
A música correrá a cargo da cantante Verónica Cambón na sesión vermú e pola tarde.
Con motivo do Día das Letras Galegas o Concello de Alfoz organiza un certame de narración e debuxo e un evento que se celebrará o día 17 de maio.
O Concello de Alfoz anuncia: “está aberto o prazo para participar no Certame de Narración e Debuxo Infantil Letras Galegas 2025. Se es nena ou neno empadroado en Alfoz ou estudas no CEIP Castro de Ouro ou no IES Alfoz-Valadouro, esta é a túa oportunidade. Entrega de traballos, ata o 12 de maio, no colexio ou na Biblioteca Pública de Alfoz”. As persoas interesadas poden obter máis información chamando ao teléfono 982.571. 270. O tema é Ler con coñecemento e hai tres categorías: ata 8 anos, de 9 a 11 anos e de 12 a 16 anos”.
E o día 17 de maio, sábado, ás 19:00 horas celebrarán o Día das Letras Galegas na Casa da Cultura de Alfoz cunha homenaxe á tradición oral,...
leer más
O equipo de goberno do Concello de Mondoñedo anuncia que está ultimando os preparativos para a celebración do Correlingua 2025, que terá lugar o martes 20 de maio, “convertendo a cidade nun espazo de encontro e diversión para os máis novos, coa lingua galega como gran protagonista da xornada”.
Tamén explica que “a xornada será presentada por Frank Rey e incluirá diversas actividades adaptadas a todas as idades. Para os máis pequenos haberá unha sesión especial con Paco Nogueiras e a música da Mecánica Rolling Band, ambas na praza da Catedral”.
O Concello de Trabada organiza unha nova edición da tradicional celebración de San Fernando, que terá lugar o venres 30 de maio na capela de San Fernando (Valboa). A xornada incluirá misa, encontro campestre e actividades para todos os públicos, “mantendo viva unha das citas máis emblemáticas da zona”.
“O evento dará comezo ás 12:00 horas coa misa na capela, seguida dunha comida campestre no recinto cuberto cunha carpa. O menú incluirá empanada, croquetas, xamón cocido, paella, sobremesa con tarta de Santiago, bebida e café. O prezo será de 22 euros para adultos e 12 euros para nenos/as. Tamén se habilitará estacionamento para cabalos, mantendo así o costume de acudir a cabalo, como se facía antigamente. As entradas estarán dispoñibles ata o luns 26 de maio nos seguintes establecementos colaboradores: Mesón Camiño Norte, Taberna da...
leer más
A asociación cultural O Picato, de Trabada, organiza para o día 17 de maio, sábado, actividades con motivo do Día das Letras Galegas. Trátase dun espectáculo de contacontos, a cargo de Ángeles Goas e titulado Contos de igualdade para non perder, e dun obradoiro de imáns. Será desde as 17:30 horas na Casa da Cultura de Trabada. Nese acto tamén se entregarán os agasallos a todas as persoas que participen no XX Certame das Letras Galegas que organiza este colectivo cultural.
“Este certame será de carácter participativo e non competitivo e todas aquelas persoas que participen levarán un agasallo. Dirixido a persoas dende os 0-99 anos. Os traballos realizados terán como temática As Nosas Letras, en forma de debuxo, narración, poema ou fotografía. Só se poderá presentar un traballo por persoa, o cal irá asinado con nome,...
leer más
Mondoñedo acollerá, dentro do Día das Letras Galegas, un acto sobre Álvaro Cunqueiro da man de Ediciones 98 (www.ediciones98.com), que achegará a súa serie de libros en castelán, cos títulos Merlín y familia, Gente de aquí y acullá, Las crónicas del sochantre, Escuela de curanderos y fábula de varia gente, Los otros feriantes e o inédito, que veu a luz no pasado ano, La taberna de Galiana.
O acto, de entrada libre, terá lugar na Casa Museo de Álvaro Cunqueiro e nel acompañarán a Jesús Blázquez, director da editorial que levará o peso da intervención, o alcalde de Mondoñedo, Manuel Otero, e Aurora Moirón, curmán de Cunqueiro que “conviviu con el nuns momentos tan senlleiros como foron os anos en que escribe o Merlín e Familia, no mesmo lugar que hoxe ocupa...
leer más
A asociación Os Sendeiros, de Foz, fará unha ruta na Pontenova este sábado, día 10 de maio, e outra en Pico Pienzu (Asturias) o domingo 18 deste mes.
Para a ruta da Pontenova a saída desde Foz será ás 08:00 horas e ás 08:15 horas desde Ferreira do Valadouro. Os prezos desta actividade, incluído o xantar, son: 25 euros para socios federados, 30 euros para socios non federados e 35 euros para socios temporais. O prazo para anotarse remata este martes, 6 de maio.
Para a ruta de Asturias a saída desde Foz será ás 06:00 horas e ás 06:15 horas desde Ferreira do Valadouro. Os prezos desta actividade, incluído o xantar, son: 45 euros para socios federados, 50 euros para socios non federados e 55 euros para socios temporais. O prazo para anotarse remata o 12 de maio.
A inscrición nestas dúas...
leer más