Eventos
A Peña Madridista Vallibria, de Mondoñedo, celebrará o seu 30 aniversario cun evento que terá lugar na Finca San Antonio o día 30 de maio, venres, desde as 21:30 horas. O prazo para inscribirse remata o luns 26 de maio.
A organización conta coa presenza do xornalista deportivo Tomás Roncero e cun representante do Real Madrid. Tamén haberá animación musical a cargo do dúo Zafiro.
A Asociación Cultural e Xuvenil O Castelo, de Alfoz, anuncia: “o xoves 29 de maio ás 12:00 horas teremos con nós a Raquel Queizás para homenaxear ás cantareiras e á poesía popular oral”. Será co espectáculo de narración oral para nenas e nenos titulado A touporroutou, que terá lugar na Casa da Cultura de Alfoz.
Ademais a Asociación Cultural e Xuvenil O Castelo convocou un ano máis o certame de narración e debuxo polo Día das Letras Galegas e explica: “a Real Academia Galega acordou dedicar o Día das Letras Galegas 2025 á poesía popular oral, personificado en Adolfina e Rosa Casás Rama, de Cerceda; Eva Castiñeira Santos, de Muxía; e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens. Nenos e nenas ata os 16 anos, estamos esperando as vosas obras! Podedes...
leer más
A Asociación de Veciños San Pedro da Ribeira, de Saldoira (A Pontenova), organiza unha excursión a O Grove e a Illa da Toxa para o día 6 de xuño, venres. Esta actividade inclúe percorrido en catamarán e merenda de mexillóns e viño.
O prezo para os socios do colectivo organizador é de 32 euros e os participantes que non formen parte da asociación deberán pagar 40 euros.
O prazo para anotarse remata o luns 26 de maio.
A parroquia de Vilameá, no concello da Pontenova, celebrará a súa Festa das Flores este sábado, día 24 de maio.
As actividades empezarán ás 19:45 horas con misa e despois procesión. Ás 22:00 horas comezará unha cea veciñal e rematará a xornada festiva cunha verbena na que actuarán a cantante Verónica Cambón e DJ Bombardero.
O día 25 de maio segue o Domingueo en Ribadeo, que organizan o Concello e Acisa. Este vindeiro domingo o cantautor asturiano Pablo Valdés actuará na rúa San Francisco a partires das 13 horas para animar o mediodía nesa zona da vila.
O Domingueo en Ribadeo continuará os días 15 e 29 de xuño e o 6 de xullo por diferentes localizacións da vila.
Desde o Concello e desde Acisa animan “ás veciñas e aos veciños de toda a contorna a achegarse a Ribadeo a gozar de todas as propostas que aquí van atopar os domingos, ou en calquera outra xornada”.
A asociación Tecedeira vén de presentar o programa completo das III Xornadas Etnográficas da Mariña (XEAM), que se desenvolverán en Barreiros do 30 de maio ao 1 de xuño, co apoio da Vicepresidencia da Deputación de Lugo e o Concello de Barreiros.
Tras o concerto da cantora galega Su Garribo Pombo o pasado venres na Praza do Concello a modo de antesala das xornadas, a asociación deu a coñecer o programa completo deste encontro, que se reafirma como “un referente para a posta en valor da cultural tradicional galega na Mariña lucense”.
O deputado de Mocidade, Daniel García, encadrou “o apoio á organización das Xornadas na colaboración que a Vicepresidencia da Deputación de Lugo mantén co tecido asociativo para estender a actividade cultural por todo o territorio” e celebrou “a consolidación destas xornadas sobre a...
leer más
A asociación Xuventudes Chilindrinas organiza a segunda edición da súa churrascada popular en Celeiro (Viveiro) este sábado, día 24 de maio, para recadar fondos destinados ás festas patronais de Celeiro. Será na Casa do Forno a partir das 20:00 horas.
A cea estará amenizada polo grupo Espera que vou mexar, a partir das 22:30 horas haberá baile a cargo de Los Indecisos e para rematar a festa actuará Discomobil DMX.
A asociación Xuventudes Chilindrinas anuncia: “gran Churrascada Popular en apoio ás Festas de Celeiro 2025. Unha xornada para gozar entre amizades, familia e boa comida, co mellor ambiente do noso pobo. Por que vir?: churrasco do bo; música, sorteos e sorpresas; bo rollo asegurado. E todo por unha boa causa. A túa colaboración é clave para que as nosas festas sigan sendo inesquecibles. Ven, desfruta e...
leer más
A décimo primeira edición da feira ribadense do libro Letras no Campo terá lugar desde este venres, día 23 de maio, ata o domingo 25 de cun amplo programa de actividades. O horario de visita ás sete casetas instaladas no Campo de San Francisco será de 11:30 a 13:30 horas e de 17 a 20:30 horas.
A concelleira de Cultura, Begoña Sanjurjo, explicou que “a undécima edición da feira ribadense do libro Letras no Campo celébrase esta fin de semana con varias liñas temáticas. A primeira, as homenaxeadas este ano no 17 de maio: as cantareiras, protagonistas dun concerto didáctico celebrado o martes, dun obradoiro de reciclaxe e da actuación de Xeitosiñas este venres e da presentación colectiva do libro Somos Cantareiras por Mercedes Peón e Ana Romaní, entre outras, o domingo ás 12:00 horas”.
A edil ribadense contou que “a segunda temática é o galego de Asturias. Coa lectura...
leer más
Gozar de experiencias de calidade e conectar co destino dunha maneira máis profunda, pero tamén máis respectuosa e sostible, en calquera época do ano e superando o concepto tradicional do turismo. Ese é o obxectivo que se marca a Mancomunidade de Concellos da Mariña Lucense e no que traballa a diario para posicionar o territorio como un destino que ofrece, máis que actividades, experiencias. Nesta liña, o xeoturismo e o turismo ornitolóxico están a converterse en alternativas singulares na Mariña Lucense, captando o interese por parte das persoas que nos visitan.
Con este potencial está a traballar para estruturar un catálogo de produtos e experiencias enriquecedor tanto para as persoas que nos visitan, como para aquelas que viven aquí. “Concibimos o turismo como unha actividade que xera valor, non só económico, senón tamén para a...
leer más
O programa de viaxes gratuítas da Deputación de Lugo, Coñece a túa provincia, ofrece esta semana visitas guiadas á Mariña, á Montaña e á Ribeira Sacra a preto de 140 veciños e veciñas dos concellos da Fonsagrada, Lugo, Abadín, Quiroga e Paradela. Un total de seis colectivos participarán entre o martes e o venres nas diferentes rutas deseñadas pola institución provincial nesta quinta edición do programa para reforzar o sector turístico.
Tras as viaxes deste martes da Asociación Cultural Antaruxas e Sorteiros, da Fonsagrada, a Sober e da Asociación de Familiares de Enfermos de Alzheimer e outras demencias, de Lugo, a Foz; hoxe será a quenda da Asociación Cultural O Caxigo, da Fonsagrada e da Asociación de Veciños de San Pedro de Aldixe, de Abadín. Os primeiros foron recibidos polo Deputado de Medio Ambiente e Alcalde fonsagradino, Carlos...
leer más