Exposiciones
A finais do pasado mes de agosto foi presentado na igrexa de Santa María a Real do Cebreiro o novo proxecto do Colectivo Egeria, a mostra itinerante "NO CAMIÑO", que co subtítulo "As imaxes que viron os peregrinos" recompila imaxes antigas dos Camiños de Santiago ao seu paso pola provincia de Lugo, ademais de textos literarios relacionados con eses anacos da historia do Camiño, hoxe perdidos na súa maior parte. A mostra conta co patrocinio da Xunta de Galicia, a través da Axencia de Turismo de Galicia, e nas vindeiras semanas percorrerá os Camiños de Santiago pola nosa provincia. No acto inaugural participaron o párroco de Santa María a Real do Cebreiro, Francisco Miramontes, e o presidente do Colectivo Egeria, Xulio Xiz.
No Camiño: Señores da luz, Señores da palabra
Son SEÑORES DA LUZ os que, aínda agora pero especialmente en tempos...
O vindeiro venres, 17 de setembro, ás sete da tarde será inaugurada na Oficina de Turismo a exposición O porto de Ribadeo.Testemuñas do pasado na que se poderán ver preto de 200 pezas localizadas na campaña arqueolóxica realizada no Galeón de Ribadeo e no antigo fondeadoiro portuario. A mostra permitirá demostrar a presenza continuada de navegantes e de buques na ría desde o século V antes de Cristo ata os nosos días e amosar a riqueza histórica do leito mariño ribadense. A exposición, que está organizada polo Concello de Ribadeo, foi presentada polo alcalde, Fernando Suárez, a concelleira de Cultura, Pilar Otero, e o comisario da mostra, Miguel San Claudio.
O alcalde, Fernando Suárez, subliñou que “estamos moi orgullosos e moi ilusionados de que, por primeira vez na historia, imos poder facer unha exposición con obxectos reais, máis aló...
leer más
Este xoves, 16 de setembro, no Castelo de Castro de Ouro, poderase visitar a exposición Kinético de Xirapaus, en horario de 11:00 a 14:00 horas e de 17:00 a 20:00 horas. Está organizada en colaboración coa Área de Cultura da Deputación Provincial de Lugo.
Kinético é unha exposición na que se poden atopar personaxes musicais que, a partir de mecanismos, crean sons e ritmos, historias e contos, que nacen co movemento dunha manivela ou dun pedal. Son bonecos que se moven e andan sos, un teatrillo de monicreque automatizado homenaxe do tradicional monicreque de cachiporra, efectos especiais recorrentes no teatro. A idea desta mostra é que os asistentes poidan xogar manexando os mecanismos das pezas e ver como funcionan. En horario de mañá acudirá o alumnado do CEIP Castro de Ouro de Alfoz.
Xirapaus é un proxecto de...
leer más
Foz ten unha histórica relación co mar, de aí que fose unha parada relevante na itinerancia de “InventioMundi”, un proxecto expositivodo Consello da Cultura Galega (CCG) coa colaboraciónda Secretaría Xeral de Emigración. A presidenta do CCG, Rosario Álvarez; o secretario xeral da Emigración, Antonio Rodríguez Miranda,e o alcalde de Foz, FranCajoto, foron os encargados de inaugurar esta mostra que relata unha parte da historia da navegación marítima galega e que comeza co comercio coas Illas Molucas. A mostra, instalada noCentro de Interpretación da Mariña (CENIMA) de Foz, pode verse ata o vindeiro 15 de outubro.
Unha das primeiras noticias documentadas que se rexistran no porto de Foz é do ano 1634 cando o cartógrafo portugués Pedro Teixeira fala deste porto sito a tres leguas de Ribadeo no seu libroDescripción de España y de las costas y...
leer más
A oficina de turismo de Ribadeo acolle ata o 14 de setembro unha exposición de pirogravados de Antonio Martínez.
Este artista leva traballado esta técnica dende a súa infancia e foi perfeccionándoa ao longo da súa carreira ata chegar á actualidade. Nos dous últimos anos aumentou a súa obra. Nesta mostra pódense ver tanto paisaxes como edificios emblemáticos da vila ribadense e doutros lugares do mundo.
A exposición foi inaugurada na xornada de onte. Xunto a Antonio Martínez estivo o alcalde de Ribadeo, Fernando Suárez.
O horario de visitas é de 10:00 a 14:00 e de 16:00 a 19:00 horas de luns a domingo.
A alcaldesa en funcións, Carmela López, e os concelleiros de Igualdade e Cultura, Noelia Mª Ben e José Díaz, asistiron esta mañá á inauguración da exposición Tecendo rede, tecendo recordos, que se pode visitar na Casa da Cultura de Burela ata o 31 de agosto en horario de 8 a 14 horas.
A mostra está organizada pola Federación de Alzheimer de Galicia (FAGAL) e AFAN Burela e conta coa colaboración do Concello burelés, a través da Delegación de Servizos Sociais.
A exposición amosa o traballo diario e continuado que realizan as 15 asociacións de alzheimer de Galicia para o mantemento e mellora da calidade de vida das persoas usuarias e as súas familias.
Este venres, día 27 de agosto, inaugúrase a exposición Xela Arias. A Poesía do Retrato, con textos poéticos de Xela Arias e fotografías de Xulio Gil. Será no parque San Francisco, ás 13:30 horas, con música en directo a cargo do grupo sarriano Malditos Roedores. A mostra, organizada pola Vicepresidencia da Deputación de Lugo, recompila unha colección de textos poéticos da autora sarriá xunto aos retratos realizados polo fotógrafo Xulio Gil, nos anos 80 e 90. Consta de vinte retratos e permítenos mergullarnos no universo máis íntimo da autora homenaxeada este ano nas Letras Galegas.
Esta exposición estará en Ribadeo ata o 27 de setembro.
Os días 27 e 28 celebraranse o terceiro e cuarto pases de Versión Fin. Concerto Audiovisual, un proxecto de Iván Torres Hernández con música en directo. Desenvolveranse ás 21:30...
leer más
O Concello de Lourenzá e a asociación Patrimonio Laurentino organizan unha xornada dedicada á pintora Julia Minguillón, artista que estivo moi vinculada ao municipio. Será o día 28 deste mes, sábado, ás 18:00 horas no mosteiro de San Salvador, onde haberá unha charla na que intervirán a directora do Museo Provincial de Lugo, a museóloga Aurelia Balseiro García, e María Fidalgo Casares, que é doutora en Historia do Arte e membro da Academia Andaluza de Historia. O aforo é limitado e para asistir hai que reservar entrada a través do correo patrimonio.laurentino@gmail.com ou vía whatsapp ao teléfono 649.28.17.91. Tamén haberá outras medidas covid, como o uso obrigatorio de máscara e de xel.
Ademais desde esta fin de semana ata o sábado 28 exporanse reproducións de obras de Julia Minguillón...
leer más
A piques está de rematar na Avenida de Galiza a pintura mural de Joseba Muruzábal, que lle foi encargada polo Concello coa intención de embelecer esa zona. A concelleira de Cultura, Pilar Otero, destacou que “queremos render homenaxe a Concha, unha veciña de Ove de 90 anos, que leva toda a vida traendo os produtos da súa horta ao mercado de Ribadeo, e tamén ao comercio de proximidade”.
A edil ribadense contou que “se están a desenvolverse os traballos que o Concello lle encomendou facer nun edificio da Avenida de Galiza a Joseba Muruzábal, mozo muralista de orixe ribadense. Trátase dun proxecto que nace de conversas xa do ano pasado e que a covid ou a propia dispoñibilidade de Muruzábal retrasaron ata o de agora”.
Pilar Otero dixo que “nas últimas décadas tense reflexionado sobre como medraron as nosas vilas e ...
leer más
O Presidente da Deputación de Lugo, José Tomé Roca, xunto ao Deputado de Promoción Económica e Social, PabloRivera Capón, a Alcaldesa de Trabada, Mayra García Bermúdez, e outras autoridades locais, participou este venres na inauguración do novo Centro Etnográfico José Rocha de Trabada. Este novo espazo, situado no edificio das antigas escolas do municipio mariñao, conta cunha achega de 18.000 euros da institución provincial a través do Plan Único de Coperación cos Concellos.
Tomé Roca destacou o valor deste centro que continúa vinculado á “difusión do coñecemento e contribuirá de maneira importante a dinamizar a vida social e a vida económica de Trabada”. “Se queremos que a xente se quede a vivir no noso rural, nas nosas aldeas e nos nosos pobos, o que temos que facer as administracións é achegar os servizos públicos aos veciños, non...
leer más