Exposiciones

Sobre unhas redes mariñeiras reutilizadas, desde o pasado 27 de decembro, está aberta na igrexa parroquial de Rinlo (Ribadeo) unha exposición de fotografía documental que recolle instantáneas de placas e lápidas da igrexa e o cemiterio locais. A mostra reúne un conxunto de fotografías de epitafios e de placas colocadas na igrexa con dous motivos diferentes: a restauración dunha embarcación exposta no templo e a homenaxe ao sacerdote Alfonso Pampín, que exerceu nesta parroquia de Ribadeo durante trinta e nove anos, entre 1954 e 1993.

Ordinariamente a mostra estará aberta todos os domingos do mes de xaneiro, mais tamén existe a posibilidade de facer visitas guiadas para aquelas persoas que concerten previamente a visita, durante a cal se mostrarán ao público interesantes exvotos do século XIX así como o retablo do altar maior, obra de...

As actividades da sexta edición do VI Festival de Jazz e Blues de Ribadeo comezarán mañá, venres, coa inauguración da exposición fotográfica de Cris Andina, ribadense especialista en fotografar artistas de teatro e músicos. O acto será ás 19:00 horas e ademais da propia Cris Andina intervirá a concelleira de Cultura, Pilar Otero.

Este domingo, día 6, terá lugar o primeiro concerto do festival, a cargo do grupo Travellin´ Brothers, banda bilbaína considerada unha das mellores de Europa. Nos seus 15 anos de historia leva gravados 8 discos e máis de 1.000 concertos en xiras nacionais, europeas e en USA.

O martes 8 actuará Sumrrá, que é o trío máis representativo do jazz galego contemporáneo, leva case vinte anos nos máis variados escenarios do mundo enteiro e conta con seis discos no mercado.

Desde hoxe e ata o 22 de novembro a Oficina de Turismo de Ribadeo acolle a exposición promovida polo colectivo Egeria "Carvalho Calero en Lugo, Don Ricardo de Fingoi", na que se lembran uns anos intensos na vida de Carvalho Calero: traballou no Colexio Fingoi, en Lugo, pero asemade leu a tese de doutoramento, ingresou na Real Academia Galega e comezou a escribir a Historia da Literatura Galega Contemporánea, unha das súas obras máis coñecidas.

A exposición, composta de 12 paneis, ten carácter itinerante. Instalouse primeiro e Lugo, e despois ao longo deste ano en vilas de toda a provincia. A Ribadeo chegou procedente de A Fonsagrada e desde aquí partirá para Triacastela. 

Ao acto de inauguración asistiron o presidente de Egeria, Xulio Xiz; Margarita Cela Carvalho, unha das netas de Carvalho Calero que traballa en...

Foi inaugurada hoxe na Casa da Concello de Lourenzá a mostra itinerante O fin do camiño, organizada polo Colectivo Egeria, e que conta co patrocinio da Xunta de Galicia a través do programa O teu Xacobeo. No acto participaron Rocío López, alcaldesa de Lourenzá, e o presidente do Colectivo Egeria, Xulio Xiz. 

Os textos da exposición están redactados en galego, castelán e inglés para xeral comprensión, xa que está dirixida especialmente aos peregrinos, e así a súa programación inclúe numerosos puntos dos Camiños de Santiago, comezando polos fitos do Camiño Francés en Galicia. As fotografías son de dous importantes fotógrafos galegos –Eduardo Ochoa e Carlos Puga- que reflicten especiais visións dos Camiños a Compostela, arredándose das visións turísticas e centrándose nos aspectos humanos e monumentais, dos que se destacan os detalles máis...