Teatro
O Teatro Pastor Díaz, de Viveiro, acollerá o vindeiro mércores, 30 de decembro, Ghop de Teatro Circo. A actuación dará comezo ás 12:00 horas.
Trátase dun espectáculo de teatro de rúa, incluído na programación de Nadal 2020 da Deputación Provincial, cheo de maxia, monicreques e baile coa colaboración do público.
A reserva de entradas pódese facer no teléfono 982 56 01 62 ou en rbg.cultura@viveiro.es. A entrada é de balde.
A Concellaría de Cultura de Ribadeo programa para este domingo, 20 de decembro, unha actuación de Mamá Cabra que presentará A fraga do meu avó. Terá lugar no Auditorio Municipal ás 17:30 horas e o prezo da entrada é de 4 euros.
O espectáculo, dirixido ao público infantil e familiar, conta que a fraga do meu avó está chea de carballos que case tocan o ceo, castaños, bidueiros, loureiros, bieiteiros, abeleiras e moitas árbores que sempre deron moitísimo máis que madeira. Agochados entre eles andan paxaros como a pega marza, a estreliña do norte, o paporrubio real e a curuxa. E percorrendo os seus camiños están a píntega, os esquíos, o xabaril, o raposo…
A fraga do meu avó é o traballo máis recente de Mamá Cabra que nace do amor pola natureza e do compromiso pola terra que coidaron os nosos avós e as nosas avoas. Trátase dun espectáculo...
A Concellería de Cultura programa para este sábado, 19 de decembro, unha actuación do grupo de teatro local O Torques, que estreará a súa última montaxe O Randiña. Será no Auditorio Municipal ás 20:30 horas. A entrada será de balde.
Trátase dunha comedia que recrea as peripecias dun vagabundo no seu afán de evitar que se lle arrebate o único lugar que considera o seu fogar, un banco de praza. Este singular personaxe fará fronte á indiferenza, o abuso e a marxinación tendo como única arma o seu inxenio e astucia, e logrando sortear cada situación que se lle presenta para saír ben librado.
A peza convídanos a facer unha análise da nosa vida e do noso papel na sociedade dende unha perspectiva distinta.
A Área de Cultura da Deputación de Lugo colabora na organización deste evento.
...
No salón de actos da Casa da Cultura de O Valadouro este sábado, día 19 de decembro, ás 19:00 horas o grupo de teatro da Asociación Cultural Abrente, de As Nogais, representará a obra “O aeroporto da Valiña”.
É unha obra do autor Javier González González enmarcada no xénero da comedia física e satírica, unha representación en clave de humor para todos os públicos.
O aforo do salón de actos está limitado conforme ás normativas para facer fronte á pandemia do COVID-19 e os que queiran poden reservar o seu sitio chamando ao 982.57.15.16.
Esta actividade está dentro do programa Gargalladas da Área de Cultura da Deputación de Lugo.
A concelleira de Cultura focega, Inés López Couto, anuncia que “comezan a encherse os días de actividades en Foz, despois do pequeno adianto destas semanas pasadas, co acendido das luces de Nadal antes da ponte da Constitución e coa obra de teatro do grupo O Centiño, que tivo unha dobre finalidade: a de achegar un pouco de ledicia a todos e facer unha recadación solidaria”.
Inés López especifica que “coma todos os venres e sábados, DJ Popy seguirá amenizando as compras nas rúas focegas coa súa música. O Concello sigue animando a todo o mundo a comprar no comercio local. E a Delegación de Cultura organiza para este venres, día 18, un recital musical de poemas inéditos de Xosé Neira Vilas, chamado Cantos de Amor; poderase desfrutar del ás 20 horas na Casa da Cultura. O sábado comezarán a chegar os elfos de Papá Noel, que durante a mañá...
leer más
A Concellería de Cultura de Burela programa para este sábado, 12 de decembro, a actuación do Mago Rafa co seu novo espectáculo Shukran, que terá lugar na Casa da Cultura ás 20:30 horas.
É unha función para desfrutar en familia co obxectivo de que sexa unha festa, polo que priman a alegría, a diversión e as sorpresas.
Despois de máis de vinte anos percorrendo diferentes escenarios e prazas coas súas actuacións, o equipo do Mago Rafa quere agradecer a enorme felicidade que sinte cada vez que sube ao escenario. Así nace este novo espectáculo, adaptado aos novos tempos, coa paixón, elegancia e profesionalidade que de sempre caracterizan ao Mago Rafa.
As entradas estarán á venda na billeteira do auditorio a partires das 17:30 horas. A actividade conta coa colaboración da Rede de Teatros e...
leer más
O Teatro Pastor Díaz, de Viveiro, acollerá este sábado, 12 de decembro, a actuación de Sarabela Teatro que porá en escena Crónicas do Paraíso. A representación dará comezo ás 20:30 horas.
A historia conta como unha carroza, cargada de maletas, está a acubillar a misteriosos pasaxeiros, consegue poñerse en marcha e lánzase polos camiños dunha Bretaña imaxinaria. A cuadrilla leva da man, na súa danza, a un sochantre asustado. Queren que toque todas as exequias do señor De Quelven. Todos se ilusionan coas melodías do seu bombardino pois, por un espazo breve de tempo, as notas arrincan aos espectros da súa condición. Nestas historias xúntanse lendas célticas dos reinos de Bretaña e Galicia e traxedias universais.
Trátase dunha adaptación da obra de Álvaro Cunqueiro, de Goncalo Guerreiro que tamén dirixe a obra. O...
leer más
O Teatro Pastor Díaz, de Viveiro, acollerá a actuación de Pinocús Teatro, o vindeiro sábado, 5 de decembro, ás 18:00 horas.
Conta a historia dun día calquera na estación de tren de Aquimesmo, onde unha billeteira ven e vai, un viaxeiro está decidido a deixalo todo para chegar ao seu novo lugar de traballo, outro viaxeiro non sabe moi ben a onde ir e unha viaxeira quere ser a única que colla o tren. O humor e a música xúntanse na escena para xogar unha espera de absurdos encontros e desencontros.
A obra é escrita e dirixida por José Campanari, e o elenco está composto por Ana Carreira, Carlos Rebolo, Carlos Coria e Marga Portomeñe.
A entrada será de balde e a reserva debe facerse no teléfono 982 560 162 ou rbg.cultura@viveiro.es.
... leer más
O grupo teatral A Mariña presentará en Ribadeo A maxia dos sentimentos. Será o domingo, 29 de novembro, no Teatro. A obra está destinada ao público infantil.
A concelleira de Cultura, Pilar Otero, dixo que “a través do ciclo de teatro afeccionado As táboas da emoción, organizado pola Deputación de Lugo, está previsto que actúen en Ribadeo o grupo Os Palimoquiños e o que leva o nome da comarca, A Mariña”.
A edil dixo que “A Mariña presenta destinada a público infantil a función de 45’ de duración A maxia dos sentimentos, dirixida por María José Nóvoa.O grupo teatral A Mariña xurde en 2015 co fin de promover o desenvolvemento de actividades culturais que contribúan a mellorar a calidade de vida de persoas con enfermidade mental. Ata o de agora, as obras representadas foron O cazo de Sabela, A marabillosa mente de...
leer más
A Concellería de Cultura programa a representación a cargo de Chévere Teatro de As fillas bravas e o mito de Casandra. A función terá lugar no Auditorio Municipal este sábado, 28 de novembro, ás 20:30 horas. O prezo da entrada é de 4 euros.
A obra ía ser presentada inicialmente no pasado mes de maio pero foi adiado debido á crise do covid-19. Con este novo espectáculo Chévere Treatro busca concienciar á poboación sobre o impacto do cambio climático e artellou esta peza que expresa con contundencia a preocupación polo planeta destas tres mulleres de aldea.
As Fillas Bravas son tres pandereteiras do lugar de Momán, no concello de Trabancas, que cantan coplas e contan contos escoitados ou inventados. Usan as fontes do teatro grego e da música tradicional galega como ferramentas para a súa singular conversa cantada....
leer más