1. Inicio

Teatro

A Concellaría de Cultura de Ribadeo inicia este xoves, 26 de marzo, unha xeira de espectáculos dirixidos aos máis pequen@s. A primeira proposta estará protagonizada por Títeres Trompicallo.

Etiquetas:
Nenos, Títeres, Ribadeo
24/03/2015
A Concellaría de Cultura de Ribadeo inicia este xoves, 26 de marzo, unha xeira de espectáculos dirixidos aos máis pequen@s. A primeira proposta estará protagonizada por Títeres Trompicallo.
 
A Concellaría de Cultura inicia este xoves, 26 de marzo, como cada curso unha xeira de espectáculos dirixidos aos máis pequen@s e en colaboración con colexios e institutos. 
Segundo explica a concelleira Mariluz Álvarez Lastra “téntase que polo menos unha vez ao ano os nenos e as nenas das distintas idades se familiaricen coas artes escénicas á parte de que poidan acudir á programación estable que se ofrece os domingos baixo o nome de A función d@s pícaros”. 
A primeira das tres propostas que vai haber ata finais de curso corre a cargo dunha das mellores compañías de títeres do país, Títeres Trompicallo que poñerá en escena a obra Rumpelstikin, o anano saltarín. 
Á...
leer más

Migallas Teatro fará as delicias do máis pequen@s en Ribadeo o vindeiro venres, 20 de marzo, co espectáculo "Vai ser boa!".

Etiquetas:
Teatro, Nenos, Ribadeo
17/03/2015
Migallas Teatro fará as delicias do máis pequen@s en Ribadeo o vindeiro venres, 20 de marzo, co espectáculo "Vai ser boa!".
 
Un dos grupos favoritos d@s nenos e nenas de Ribadeo… Migallas Teatro, chega este venres, 20 de marzo, ao Cine Teatro co espectáculo “Vai ser boa!”
“Vai ser boa!” é un espectáculo baseado no libro-disco “Pan de millo”, editado pola Editorial Kalandraka e coa produción musical a cargo de Paulo Nogueira e Magoia Bodega, do grupo Treixadura. Nel combínanse cancións con accións dramáticas relacionadas coa súa temática. Os temas musicais que se interpretan son: “Pinocho”, “O espantallo divertido”, “Eu teño un canciño”, “Unha vella tiña un can”, “Miña “Abuela Manuela”” e Pan de millo. 
A música está gravada (toca unha banda de pulgas) mais as voces solistas son en vivo. Os temas que se tratan, entre outros,...
leer más

O grupo de teatro do Colectivo Cultural Ollomao, de Barreiros, representará "Oé, oé, oé" este venres, 20 de marzo, en Lugo.

Etiquetas:
Teatro, Barreiros, Ollomao
16/03/2015
O grupo de teatro do Colectivo Cultural Ollomao, de Barreiros, representará "Oé, oé, oé" este venres, 20 de marzo, en Lugo.
 
“Oé, Oé, Oé”, a obra de teatro escrita por Maxi Rodríguez, foi a escollida para ser a segunda peza que representará o grupo de teatro do Colectivo Cultural Ollomao de Barreiros no Auditorio Municipal Gustavo Freire de Lugo, despois do éxito acadado o pasado ano coa súa primeira obra “Os vellos non deben de namorarse”, que xuntou a máis de 400 persoas no Gustavo Freire e máis de 3.000 persoas no seu periplo escénico por toda Galiza.  
Ollomao achega a Lugo “Oé, Oé, Oé” despois dunha xira con esta obra por varios concellos da Mariña durante o último ano. Esta montaxe tenta facer reflexionar ao espectador sobre a paixón futbolística como escusa para desviar a nosa atención da crise e demais problemas que nos afectan como sociedade.
Esta...
leer más

A Casa da Cultura de Burela acollerá música, exposicións e actividades para @s máis pequen@s durante a vindeira primavera.

Etiquetas:
Teatro, musica, Burela
13/03/2015
A Casa da Cultura de Burela acollerá música, exposicións e actividades para @s máis pequen@s durante a vindeira primavera.
 
Música, exposicións e actividades para @s máis pequen@s son algunhas das propostas da programación cultural do Concello burelés para a primavera deste 2015. O calendario de actos foi presentado este mediodía pola concelleira Mónica Pedre e polo alcalde, José Mª González Barcia. Todas actividades serán na Casa da Cultura. 
O 11 de abril ás 17:30 horas a compañía Elefante Elegante porá en escena o espectáculo Lobo Bobo. O 17 de abril ás 20:30 horas haberá un concerto da Coral Polifónica de Burela. O 18 de abril, de novo ás 17:30 horas, os nenos e as nenas poderán gozar unha obra musical con bonecos a tamaño real. A compañía Educa Teatro chega a Burela co espectáculo Os tres porquiños. E o 25 de abril, tamén ás cinco e media da tarde, haberá...
leer más

A Sala Bahía, de Foz, acollerá este sábado, 7 de marzo, un espectáculo de monicreques a cargo de Trompicallo.

Etiquetas:
Nenos, Foz, Monicreques
03/03/2015
A Sala Bahía, de Foz, acollerá este sábado, 7 de marzo, un espectáculo de monicreques a cargo de Trompicallo.
 
Dentro da programación cultural organizada polo Concello de Foz, a Sala Bahía acollerá este vindeiro sábado, día 7, un espectáculo de monicreques a cargo da compañía teatral Trompicallo, que representará a obra Rumpelstikin, o anano saltarín.
A representación, dirixida a nenos e nenas a partir de 3 anos de idade, empezará ás 18:30 horas e terá unha duración de 60 minutos. O prezo da entrada é de 2,5 euros, pero os menores de 12 anos pagarán só 1,5 euros.
Esta será a segunda actuación do ciclo de teatro infantil organizado pola Delegación de Cultura do Concello de Foz, no que está incluídas outras dúas representacións, previstas para o 11 de abril e o 9 de maio, tamén na Sala Bahía. 
 

 

Teatro do Morcego chega o vindeiro domingo, 1 de marzo, a Ribadeo coa obra "Misterio Cómico".

Etiquetas:
Teatro, Auditorio, Ribadeo
24/02/2015
Teatro do Morcego chega o vindeiro domingo, 1 de marzo, a Ribadeo coa obra "Misterio Cómico".
 
Teatro do Morcego volve cunha nova versión de “Misterio cómico” ou orixinalmente misterio bufo, co que vén de  recibir o premio Fetega (Festival de Teatro Galego do Carballiño)  2014 ao mellor actor. Tendo acadado tamén dous premios Compostela no ano 92 ao mellor actor para Celso Parada e mellor director para o portugués Júlio Cardoso, e volve con motivo de celebra-lo XXV aniversario da fundación da compañía, creada en 1988 como Morcego Escola de Teatro e no 1989 como cia profesional.
Escrito na súa primeira versión en 1969, continuamente representado e modificado en función da resposta do  público, “Misterio bufo” está considerado xunto con “Morte accidental dun anarquista” a obra máis importante de DarÍo Fo. Deste xeito, “Misterio bufo” a carón de  “Morte accidental dun...
leer más

Nova noite de teatro no Pastor Díaz de Viveiro este sábado, 28 de febreiro. Antonio Durán "Morris" e Pedro Alonso son os protagonistas de "O crédito".

Etiquetas:
Teatro, Viveiro, Comedia
24/02/2015
Nova noite de teatro no Pastor Díaz de Viveiro este sábado, 28 de febreiro. Antonio Durán "Morris" e Pedro Alonso son os protagonistas de "O crédito".
 
Em2 Emoción&Arte porá en escena o vindeiro sábado, 28 de febreiro, a obra “O crédito”, que protagonizan Antonio Durán “Morris” e Pedro Alonso. Será a partir das 20:30 horas no Teatro Pastor Díaz. Trátase dunha comedia de 90 minutos de duración. A venda de entradas será a partir das 19:30 horas na billeteira do teatro o mesmo día da función. Máximo de 4 entradas por persoa. 
 
“O crédito”: No noso civilizado mundo, cando necesitas cartos vas ao banco e pides un crédito. Se non cho conceden volves para a casa, coa cabeza gacha, pensando que as cousas están moi mal, que os tempos cambiaron, que o crédito non flúe. Pero se cadra hoxe non. Talvez hoxe, cando che deneguen o crédito non marcharás para a casa co rabo entre as pernas,...
leer más

Redrum Teatro presenta Roedores o vindeiro sábado, 21 de febreiro, no Pastor Díaz en Viveiro.

Etiquetas:
Viveiro, Nenos, Teatro
19/02/2015
Redrum Teatro presenta Roedores o vindeiro sábado, 21 de febreiro, no Pastor Díaz en Viveiro.
 
O teatro Pastor Díaz, de Viveiro, acollerá o vindeiro sábado, 21 de febreiro, a presentación de Roedores, a cargo de Redrum Teatro. Será a partir das 18 horas. Trátase dunha comedia musical dirixida a nenos e nenas de 3 a 12 anos. A obra está protagonizada por Munda e Peludiño. 
Peludiño é un hámster que escapou da súa gaiola para vivir aventuras na cidade. Munda é unha rata soñadora que pasa as noites rebuscando no lixo para levar comida aos seus irmáns. Estes dous roedores terán que deixar atrás os seus prexuízos e traballar en equipo para vencer ao temido Gato. Xuntos aprenderán que son máis parecidos do que eles pensaban e que as diferenzas os fan especiais. Ao fin e ao cabo... "Todos somos Roedores".
Roedores é un espectáculo...
leer más

Foz acollerá neste mes catro obras de teatro, dous festivais musicais e o tradicional concerto de Nadal da Banda Municipal.

Etiquetas:
Programación cultural, decembro, Foz
12/12/2014
Foz acollerá neste mes catro obras de teatro, dous festivais musicais e o tradicional concerto de Nadal da Banda Municipal.

 

A Delegación de Cultura do Concello de Foz presentou a súa programación lúdica para este mes de decembro. Haberá dúasobras de teatro para adultos este fin de semana, dentro do ciclo de teatro nas parroquias. A primeira representarase mañá sábado, á cargo do grupo Pico do Castro no Centro Social de Cangas ás 7 da tarde. A segunda, o domingo ás 20:30horas, da man da compañía A Adala no local de O Castro de Vilaronte. Ademais, os días 13 e 30 de decembro a programación teatral complétase con dous espectáculos para nenos que se representarán na Sala Bahía a partir das 18:30 horas. O primeiro a cargo de Peter Punk coa obra Peor Imposible, e o segundobaixo a dirección da compañía O elefante elegante coa obra Nuncabunga. A programación cultural complétase coa celebración dun festival benéfico a favor do asilo de anciáns de...

leer más

Burela inicia a súa programación cultural de Nadal recibindo este sábado á Compañía de monicreques Trécola. O grupo representará a obra Lolo e a Ratoa, a partir das 17:30 horas, na Casa da Cultura.

Etiquetas:
Burela, Monicreques, Compañía Trécola
10/12/2014
Burela inicia a súa programación cultural de Nadal recibindo este sábado á Compañía de monicreques Trécola. O grupo representará a obra Lolo e a Ratoa, a partir das 17:30 horas, na Casa da Cultura.

 

A Concellería de Cultura inicia a súa programación deste Nadal 2014, organizando para o vindeiro sábado, 13 de decembro, un espectáculo de monicreques para público infantil e familiar. A Compañía Trécola será a encargada de representar, a partir das 17:30 horas, no auditorio da Casa da Cultura de Burela, a obra Lolo e a Ratoa. A entrada será gratuíta ata completar aforo e a duración da actividade roldará os 50 minutos.

A Compañía Trécola é un dos grupos teatrais históricos galegos no ámbito dos espectáculos infantís e familiares. Comezou a súa andaina nos anos 80, partindo dunha formación inicial de actores que estudaban xuntos a mesma especialidade de monicreques no Instituto de Teatro de Barcelona. Actualmente, Trécola conta con máis de 35 montaxes, que foron estreadas nas últimas...

leer más