Foz
Mañá, martes, día 8, dará comezo en Foz o programa de actividades con motivo da celebración das festas de San Lourenzo, que se prolongarán ata o domingo 13. Serán pregoadas por Jesús J. Oroza Vila mañá ás 20 horas na Casa da Cultura. Ademais dos días 21 ao 26 deste mes haberá teatro ao aire libre e entre o 18 e o 20 celebrarase a Feira do Libro.
O concelleiro de Cultura en Foz, Ánxel Paleo, anunciou hoxe que “en plena temporada estival e co pobo ateigado de xente metémonos xa de cheo nas festas patronais do San Lourenzo. Esta semana dende o martes, día 8, e ata o domingo, día 13, haberá actuacións de todo tipo. Os días principais que son o día 9 e o día 10, teremos o día 9 ás orquestras Los Satélites e New York, e o día 10 a Gran Parada, que dará paso ás doce da noite á sesión de fogos artificiais na praia da Rapadoira, que é unha das...
leer más
A décimo novena edición do torneo de tenis Vila de Foz disputarase do 14 ao 20 deste mes nas pistas de Marzán. Está organizado polo Foz Club de Tenis e colabora o Concello focense.
O torneo disputarase tanto en individual como en dobres na modalidade absoluto-mixto. A data límite de inscrición é este venres, día 11 de agosto, e agárdase unha participación semellante á do ano pasado.
Foi presentado polo alcalde de Foz, Javier Jorge Castiñeira, e o directivo do Foz Club de Tenis Ramón Cajoto Sante.
O club de atletismo Ría de Foz organiza este domingo, 6 de agosto, a novena carreira popular Run Foz Run, que conta colaboración do Concello de Foz. A saída será desde o patio do colexio Martínez Otero a partires das 10:00 horas e ás 11:00 dará comezo a proba na categoría absoluta. Na presentación do evento participou o alcalde focense, Javier Jorge Castiñeira.
O presidente do club de atletismo Ría de Foz, Manuel Eiras, explicou que “este ano temos establecido que o día 5 haxa unha feira do corredor, a que esperemos que asista bastante xente; é un novo experimento que facemos. Dispoñemos de cinco casetas con varias empresas e diferentes tipos de actividades para esa tarde. O patio do colexio abrirase ás cinco da tarde ata as nove da noite, a xente xa poderá recoller alí os dorsais e excepcionalmente abrimos as inscricións presenciais ese...
leer más
A libraría Bahía, de Foz, acollerá este sábado, 5 de agosto, a partir das 11:00 horas, a presentación de “Un máis”, o novo álbum ilustrado de Olalla González e Marc Taeger, publicado por KALANDRAKA e dirixido a primeiros lectores.
Trátase dunha historia protagonizada por unha familia de coellos que vai medrar coa chegada dun bebé. O relato céntrase na curiosidade do personaxe principal, un pequeno coello, polo tempo que tardará en nacer o seu irmán ou irmá; unha dúbida que lle traslada de xeito insistente non só á súa nai, senón tamén a outros habitantes do bosque. Mentres, o coelliño imaxina os xogos que poderán compartir xuntos.
A sétima edición da Festa Normanda de Foz presentarase este sábado, 5 de agosto, cun evento que se celebrará na zona portuaria focense.
Os actos comezarán ás oito da tarde coa presentación oficial da festa e desfile a cargo de Rosana&Pili na praza Conde de Fontao. A continuación na explanada do porto haberá churrascada con churrasco, pan, chourizos, viño e salsa normanda do IES de Foz. O prezo da ración é de 6 euros. Estará amenizada con música ambiente a cargo dun DJ.
A Delegación de Cultura do Concello de Foz organiza un ciclo de teatro infantil, que se desenvolverá dende mañá, martes, no patio do colexio Número 1. Todas as representacións están programadas para as 21 horas.
Mañá, martes, día 1 de agosto a Compañía Pérez y Fdez ofrecerá a obra O Poder de Anabel; o mércores 2 Expresión Produccións representará Os limpa limpa; o xoves 3 o grupo de teatro A Adala Infantil ofrecerá A rá que se quedou sen charco. E rematará o ciclo o luns día 7 Abarajar Produccións co espectáculo de maxia Fusión.
Queimada ibicenca
Dentro da programación para o vindeiro mes de agosto en Foz inclúese tamén a Queimada ibicenca, que organiza a agrupación O Feitizo. Será este mércores, día 2, a partir das 21:30 horas no paseo da Rapadoira. Haberá actuacións musicais e tamén empanada, refrescos,...
leer más
A Asociación Cultural Nois, coa colaboración do Concello de Foz, organiza o IV Festival Internacional de Música Bal y Gay, que se celebrará en Foz os días 27, 28 e 29 do vindeiro mes de agosto. No decurso deste festival celebraranse as semifinais e a final do concurso internacional de clarinete, no que se inscribiron máis de 40 clarinetistas procedentes de varios países de Europa, América e Asia. O xurado elixiu a 23 músicos para participar na fase final deste concurso que se desenvolverá no concello de Foz. Paralelamente terá lugar un curso de clarinete e de trompa, unha serie de concertos, sesións didácticas para os máis pequen@s e unha conferencia-concerto que ofrecerá o xornalista e escritor Juan Soto Gutiérrez, quen fora amigo persoal do compositor Bal y Gay.
O director do festival, Enrique Rodríguez Baixeras, explica que “este ano o...
leer más
A asociación cultural A Pomba do Arco organiza as XXII Xornadas de Historia Local de Foz, que terán lugar do 31 de xullo ao 3 de agosto, na Casa da Cultura Poeta Manuel María ás 20:30 horas.
O programa comezará o luns, 31 de xullo, coa proxección do documental Riquezas lucenses e a conferencia titulada A salgazón e a conserva no Cantábrico galego, que ofrecerá Xosé María Leal Bóveda.
O martes, día 1 de agosto, intervirá Ramón Eiras Fernández con Así falan os focegos. O mércores 2, Xosé Ramón Veiga Alonso abordará o tema Mariñáns nas Cortes do século XIX.
As xornadas rematarán o xoves, día 3 de agosto, coa conferencia que ofrecerá André Pena Graña sobre Os bretóns no norte galego.
A asociación Os Sendeiros de Foz organiza o 29 de xullo o segundo andareiro do verán, no que os asistentes percorrerán a Fragavella.
Esta paraxe atópase nun bosque de pinos e acivros onde hai cabalos, vacas e unha colonia de buitres.
A saída o sábado será ás 9:00 horas do Concello.
O último día para anotarse é o xoves, 27 de xullo, e as persoas que queiran participar poden inscribirse nos números de teléfono 676 561 594 e 670 369 017, ou no e-mail ossendeiros@yahoo.es. O prezo é 4 euros para os non federados (seguro accidentes obrigatorio).
A dificultade da ruta é de nivel medio e a organización recomenda levar equipo de sendeirismo, e auga e comida para o camiño.
A asociación A Ribeira de Foz coa colaboración do Concello de Foz, CCA-Foz, a Deputación de Lugo e as tendas de pesca Castillo e Kukadas, organiza o 19 de agosto unha xornada de pesca recreativa na modalidade de Curricán.
As inscricións realizaranse antes do día 5 de agosto no número de teléfono 626 309 804 e no facebook da asociación iranse actualizando diariamente os inscritos. A inscrición é gratuíta e o máximo de pescadores por embarcación será de tres, as embarcacións inscritas deberán ter os seus seguros en vigor, e as embarcacións e os participantes deberán estar en posesión da licenza da Consellería que permita a práctica da pesca deportiva.
O 19 de agosto ás 7:00 horas reuniranse os pescadores que sairán ás 7:15 horas, e o límite de chegada ao peirao será as 13:30 horas. A zona de pesca será a comprendida...
leer más